Lukas 12:31 - Ya Baru nga Tulag

³¹ Itu nga diya banbanag maipanggep iya panangituray na, itu kuma nga gennung ya panpanunuten nu. Ket iya agten iyan, mae̍cdan kayu pe̍ yin kadiyan nga kasapulan nu.”

Lukas 12:31 Iomraidhean Croise

Matyu 6:33

Itu nga diya banbanag maipanggep iya panangituray na se̍ diya nalinteg nga panggep na, itu kuma nga gennung ya ipangpangruna nu nga panpanunuten. Ket iya agten iyan, mae̍cdan kayu pe̍ yin ka amin diyan nga kasapulan nu.

Lukas 10:42

Ngem bekken met nga adu diya masapul mu nga biyangan, no di yas is-isa. E̍ Marya, pinili na mettin ya mayat, ket pulus nga madi maipac igina yan,” kunen na.

Lukas 12:30

Bay-an nu ngarud ya agten iyan nga panpanunut, ta amin diya agten kadiyan nga kasapulan toley, itu met diya panpanunuten nga pe̍yeng diya uwed idi nga lubung nga di makaemmu e̍ Apu Diyus. Ngem no dakayu, emmu met niya Ama nu nga masapul nu diyan.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Ruma 8:31

Ket gapu ta maawatan tida yan, agten idi met ya makunen tidan: Awan ngarud makaabac dactidan, gapu ta isangil nactida nge̍ Apu Diyus.

1 Timutyu 4:8

Ta agten idi: Nalaing ngarud no iruwam tida ya beggi tida ka panagwatwat, ngem napatpateg lugud no ya panangay-ayu tida e̍ Apu Diyus ya pabilgen tida. Ta ya panangay-ayu e̍ Apu Diyus, agsirbi kadiya amin nga banbanag, nga uwed met sirbi na idi nga biyag tida ita, se̍ uwed met pe̍ sirbi na iya maikadduwa nga biyag pe̍ iya maadpangan.

He̍briyu 13:5

Bekken kayu kuma nga naagum ka kuwarta, no di lugud kuntintu kayu ngas iya uwed dakayun. Ta kinunen met ne̍ Apu Diyus nga, “Pulus nga madi naka panawan, winno baybay-an,” kunen na.