Lukas 12:20 - Ya Baru nga Tulag

²⁰ “Ngem e̍ Apu Diyus, kinunen na ito bacnang, ‘Kurang latta met ya pannakaawat mu! Ta ita mettas nga gabi, matey kan. Ket iya agten iyan, amin didi nga inurnung mu, bekken met nga ikew nad ya makin-kuwa ngin,’ kunen na.”

Lukas 12:20 Iomraidhean Croise

Lukas 11:40

Kurang latta met ya pannakaawat nu! Maawatan nu kuma nga e̍ Apu Diyus nga nangariman ka akin-ruwar nga masingen, igina met pe̍ ya nangariman iya akin-uneg nga madi masingen.

1 Te̍salunika 5:3

Ta nad no pagarupen diya toley nga natalna ya timpu win, se̍ awan idanag da kanun, ket pagamwan, iyan nad mettin ya kellat nga pakapukawan da. Ket maiyarig da nad iya isa nga babey nga agpakiskisin, ta madi da nad pe̍ nga makalisi iya pakapukawan dan.

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

1 Timutyu 6:7

Ta awan met kukuwa nga ne̍lbe̍t tida idi nga lubung ito naiyanac tida, ket awan met pe̍ maitarey tida no matey tida.

Santiyagu 4:14

Bay-an nu ngarud ya agten iyan nga panagsiguradu, ta madi kayu met emmu no nagan ya mapasamac iya biyag nu orey iya sumarunu nga algew. Ta ya biyag tida, arig ngas nga angep nga dagus nga agpukaw.