Lukas 12:17 - Ya Baru nga Tulag

¹⁷ Itu nga kinunen na iya lemlemmet na, ‘Kumaan na ngarudin? Ta awan met umanay nga pagipunduwac iya apit kun.

Lukas 12:17 Iomraidhean Croise

Matyu 16:7

Ket nagtetebbaran ngarud dito adalan to kinagi ne̍ Je̍sus maipanggep iya pangpablad, ket kinunen da, “Ay! Awan ngamin balun tida nga tinapay,” kunen da.

Matyu 5:42

Ket no uwed kuma agpakaasi nga agadeng ikew, e̍cdam ngarud. Se̍ no uwed mayat nga tumkew ikew, patkawam ngarud.”

Lukas 10:25

Ket itun, uwed isa nga masirib iya Linteg nga nagsikad nga nangsintir e̍ Je̍sus, nga kinunen na, “Mistru, nagan ya masapul nga wanglec tasun magun-ud ku kuma ya biyag nga agnanayun?” kunen na.

Lukas 11:41

Dikad pe̍ no maipanggep iya e̍cde̍ nu nga limus, e̍cde̍ nu kuma sigun iya nabaru nga panpanunut nu. Ket no agten iyan ya wangwanglen nu, maibilang met nga nadalus para dakayu diya amin nga banbanagin.

Lukas 12:16

Ket nagpangngarig nge̍ Je̍sus nga kinunen na manin igida, “Uwed isa nga bacnang nga nawadwad ya maapit kadiya laplapug na.

Lukas 12:18

Ay, agten idi met ya wanglec kun: Ipaakas ku diya sarusar kun, ket mangpabangun nac ka dacdackel nga pangipunduwac iya apit ku se̍ diya duduma nga sanicwac.

Lukas 12:22

Ket kinunen ne̍ Je̍sus kadito adalan na, “Dikad pe̍ idi ngarud ya ibagac dakayu: Madi kayu kuma nga pakadanagan ya pagbiyag nu, nga agten no nagan ya kanen nu, se̍ madi kayu kuma pe̍ pakadanagan ya beggi nu, nga agten no nagan ya pagkawwes nu.

Lukas 12:29

“Madi kayu kuma ngarud madanagan nga mangpanpanunut no awac ya pamettan nu ka kanen se̍ inumen nu.

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 16:3

“Ket to agay-aywan, kinunen na iya lemlemmet na, ‘Nagan ngarud nad ya mabalin ku nga tarabakuwen nin? Ta ipac ne̍ amuc ya saad ku nga agay-aywanin. Ket di yac met ngarud kabaellan ya agtarabaku ka ginet, se̍ malyew wac met pe̍ ngarud nga makipalpalimus.

Lukas 16:9

Ket pudnu met nga masapul nga agpautang kayu gapu iya panangikaasi nu iya agten iyan nga nailubungan nga kuwarta, tasun adu kuma diya gagayyem nu. Ta iya agten iyan, no malabes nad ya sirbi niyan nga kuwarta ngin, uwed da latta mangiyuneg nga mangsarabu dakayu enna agnanayun nga pagedyanan.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Lukas 19:17

“Ket kinunen nito ari igina, ‘Mayat met! Nabaru ka nga tagabu. Ket gapu ta mapagtalkan ka kadiyan nga e̍teng ngas nga banbanag, pagturayen naka ka sangapulu nga ili,’ kunen na.

Lukas 3:11

Ket simungbat ngarud nge̍ Juan nga kinunen na, “Agten idi ya wanglen nu: Ya uwed duwa nga badu na, masapul nga e̍cde̍ na ya isa iya awan badu na. Se̍ ya uwed kanen na, masapul nga ibingayan na diya awan kanen na,” kunen na.

Aramid 16:30

Ket pinaruwar na da, se̍ na kinunen igida, “Nagan kad ya wanglec, apu, tasun maisalakan nac?” kunen na.

Aramid 2:37

Ket ito nagicna dito toley to kinagi ne̍ Pe̍dru, linumdaang da. Itu nga kinunen da e̍ Pe̍dru se̍ kadito duduma nga apustule̍s, “Wawagi, nagan ngarud ya wanglen min?” kunen da.

Ruma 12:13

Biyangan nu kuma diya kapada nu nga mamati, nga tulungan nu da kadiya kasapulan da. Ket managsangaili kayu kuma.

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

1 Juan 3:16

Ngem nalawag dactidan no kumaan niya pudnu nga panagayat, ta nipasingen ne̍ Kristu dactida ito nituluc na ya biyag na nga naipaay dactida. Ket agten tida kuma pe̍ iyan, ta ituluc tida kuma pe̍ yin ya biyag tida nga maipaay kadiya kakabsat tida ka pammati.