Lukas 11:45 - Ya Baru nga Tulag

⁴⁵ Ket iya agten iyan, uwed isa nga masirib iya Linteg nga nagkagi yin, nga kinunen na e̍ Je̍sus, “Mistru, no agten iyan ngarud ya panangdellaw mu, mairaman kami met pe̍ kadiya dellawem mun,” kunen na.

Lukas 11:45 Iomraidhean Croise

Matyu 22:35

Ket uwed igida ya isa nga masirib iya Linteg nito Muyse̍s, nga nagsaludsud ngarud e̍ Je̍sus tasun sintiren na, nga kinunen na,

Lukas 11:46

Ket kinunen ngarud ne̍ Je̍sus, “Kackaasi kayu nad pe̍, dakayu nga mamasirib iya Linteg! Ta parigaten nu met diya toltoley kadiya narigat nga tungtungpalen nga ibilin nu. Ngem no dakayu nga mamasirib, pulus nga madi kayu met makibiyang kadiyan nga pakarigatan. Ngarud, madi kayu met pe̍ itulung ya orey isa ngas nga kurimeng nu nga agagtu kadiyan nga arig nga ipabugtung nu kadiya toltoley.

Lukas 11:52

“Kackaasi kayu ngarud, dakayu nga mamasirib iya Linteg! Ta dakayu met ya nakagapu iya pannakaipac niya pannakaawat diya toltoley iya kinapudnu maipanggep e̍ Apu Diyus. Dakayu, madi nu met gabay nga ipateg ya kinapudnu. Ket dito mayat nga gennung nga mangipateg, madi nu da met palubusan,” kunen na.

Lukas 7:30

Ngem dito Parisiyu, se̍ dito mamasirib iya Linteg, madi da met nibilang nga gennung nga para igida to panggep ne̍ Apu Diyus. Ta igida, di da met nagpabautisar e̍ Juan itun.

Juan 7:48

Singen nu kad, ta pulus nga awan met dakami nga pangulu nu winno Parisiyu ya mamati igina.

Juan 7:7

Bekken kayu nga magura kadiya toltoley idi nga lubung. Ngem no iyaken, guraen dac met, gapu ta ipacpakaemmuc nga dake̍c diya wangwangel da.

Juan 9:40

Ket uwed da pe̍ antuni diya duduma nga Parisiyu iya denni e̍ Je̍sus, ket nagicna da to kinagi na. Ket sinaludsud da igina, “Kayat mu kad nga kagiyen nga kulap kami pe̍?” kunen da.