Lukas 11:4 - Ya Baru nga Tulag

⁴ Se̍ pakawanen nakami kuma kadiya basbasul mi, ta dakami, pakawanen mi met diya amin nga nakabasul dakami. Se̍ di nakami kuma iturung ka pakasulisugan.’”

Lukas 11:4 Iomraidhean Croise

Matyu 18:35

“Ket agten met pe̍ iyan ya wanglen niya nailangitan nga Amac iya tunggal isa dakayu, no madi kayu pakawanen nga sipupudnu ya kabsat nu,” kunen na.

Matyu 26:41

Agsulap kayu ngarudin nga agkarkararag, tasun madi kayu kuma nga masulisug. Ta orey sipapasnec ya panpanunut niya toley, ket sikakapsut pekkem ya kabaellan niya beggi na,” kunen na.

Lukas 11:5

Ket kinunen pekkem ne̍ Je̍sus kadito adalan na, “Kaspagarigan, no mawe̍ ya isa dakayu iya baley niya gayyem na iya tengnga niya gabi, ket kunem kuma igina, ‘Gayyem, pasublatan nac kay ka tellu nga bukel nga tinapay.

Lukas 13:4

“Agten pe̍ kadito natey nga sangapulu ket walu nga nagaboran ito natuwang to nangudu nga naipatdec ka Siluwe̍. Nagan ya ipagarup nu igida? Pagarupen nu kadi nga ad-adu diya basul da ngem kadiya duduma nga taga-He̍rusale̍m?

Lukas 22:46

Ket kinunen ne̍ Je̍sus igida, “Ape̍ nga mat-atudug kayu? Bumangun kayun, ket agkararag kayu ngarud, tasun madi kayu kuma nga masulisug,” kunen na.

Lukas 8:13

Ket dito bukel nga nagdessag ito ginet nga uwed pinas iya uneg na, itu diya maiyarig kadiya toley nga makagicna iya kagi ne̍ Apu Diyus, ket awaten da nga siaanggem. Ngem gapu ta arig da nga mula nga awan nauneg nga gamut da, nalaka da nga mamati iya damu, ngem dagus da nga aglikud no uwed pakasulisugan da.

Juan 17:15

Ket ya adngec kun para igida, madic adngen nga ipanaw mu da iya lubung ngi, no di lugud iliclic mu da kuma ngas iya diyablu nga managdacdake̍c.

1 Kurintu 10:13

Ket tunggal sulisug nga dumateng dakayu, kadawyan da ngas nga pakasulisugan niya toley. Ket e̍ Apu Diyus, laglagipen nactida nga pe̍yeng, nga madi na ipalubus nga masulisug kayu ka madi nu mabalin nga atipaen. Ta no masulisug kayu, e̍cdan nakayu nge̍ Apu Diyus ka gundaway nu nga makalasat, tasun mabalin nu nga ibturan yan nga panulisug.

Kulusas 3:13

Agpipinnase̍nsiya se̍ agpipinnakawan kayu kuma, no uwed mangumsi dakayu. Ket pakawanen nu ngarud diya kapada nu, agten mettas ito panangpakawan niya Apu dakayu.

2 Te̍salunika 3:3

Ngem mapagtalkan ya Apu, ket pabilgen se̍ isalakan nakayu iya Managdacdake̍c.

2 Timutyu 4:18

Ket iya orey nagan na nga kinadake̍c nga dumateng iyaken, isalakan nac nad met ya Apu. Ket igina met ya mangalac nad iyaken, nga ipen nac nad iya pagturayan na ka langit. Madaydayaw kuma ka agnanayun nga awan patingga na. Agten iyan kuma.

Santiyagu 2:13

Tutu met yan, ta madi nad kaasiyan ne̍ Apu Diyus ya toley nga awan kaasi na. Ngem ya managkaasi, ket awan pakaukuman na.

Paltiing 2:10

Ket madi ka latta madanagan iya orey nagan na nga pakaparigatan nga dumateng ikew. Tutu met nga sigiren naka ya diyablu iya di mabayag, ta paibalud na diya duduma dakayu. Agpaut nad ka unus sangapulu nga algew ya pakaparigatam. Ngem puminget ka lugud iya panamatim, orey pe̍ no agingga ka patey, ket balangatan nakayu ka biyag nga agnanayun.

Paltiing 3:10

Ket no maipanggep ikew, gapu ta nipangag mu to nibagbagac ikew nga aganus ka kuma, ket isalakan naka nad met iya timpu niya panagrigrigat nga umbe̍t nad iya amin nga lubung tasun masigir diya toltoley iya lubung.