Lukas 11:39 - Ya Baru nga Tulag

³⁹ Ngem kinunen niya Apu igina, “Dakayu nga Parisiyu, maiyarig kayu met iya mangugas iya laskig ngas niya tasa se̍ palatu. Ngem iya uneg nu, adu met nga panangpilit se̍ kinadake̍c.

Lukas 11:39 Iomraidhean Croise

Matyu 15:19

Ta diya gayat iya tarigagay niya toley, itu diyan diya pagtaudan diya dake̍c nga panpanunut, se̍ ya pumatey, pannakitipun ka bekken na nga asawa, pannakikamalala, panagtakew, se̍ ya panangpabasul nga sibubusid, se̍ ya panamadpadake̍c.

Matyu 7:15

“Agannad kayu ngarud, ta uwed da met busid nga mangikaskasaba kanu ka kagi ne̍ Apu Diyus, nga makapagparang dakayu nga arig nga karne̍ru nga nanacman. Ngem ya kinapudnu na, agten da met iya atap nga asu nga nauyung.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Lukas 7:13

Ket ito nasingen niya Apu to balu, naasiyan met igina. Ket kinunen na ito balu, “Madi ka kuma agberberrit,” kunen ne̍ Je̍sus,

Lukas 7:19

ket nibon na da nga mawe̍ iya edyan niya Apu, tasun isaludsud da igina nga kunen da, “Ikew ya naikari nga umbe̍t, winno uwed pekkem mas sabali nga padaanan mi?” mawe̍ da kuma kunen.

Juan 12:6

Ngem ya kinagi na nga yan, bekken nga gapu ta isakit na nga tutu diya napanglaw, no di lugud gapu ta isa nga agtatakew. Ket igina met ya agik-ikem iya kuwarta da itun, ket nagkuskusit met itun iya uwed ito laclakassa nga pupunduwan da.

Juan 13:2

Ket itun, madama pekkem nge̍ Je̍sus se̍ dito adalan na nga mangmangan iya panggidam da. Ket to Hudas Iskariyute̍, nga Simon ya nagan niya ama na, nibaga mettin niya diyablu iya lemlemmet na nga iyawat na nge̍ Je̍sus.

Aramid 5:3

Ket kinunen ne̍ Pe̍dru igina, “Ananyas, ape̍ pinalubusam nge̍ Satanas nga mangituray ikew, nga agbusid ka iya Ispiritu Santu win? Ta binatim met ya duduma nga bayad nito ginet mu.

Galasiya 1:14

Ket no maipanggep kadiya kataeg gac itun nga kailiyac, inabac ku da itun iya panangtungpal ku iya pammati mi nga Hudyu, ta nipasnec ku nga unay ya panangtungpal ku kadito ug-ugali dito am-ama mi.

2 Timutyu 3:5

Uwed nad tungtungpalen da nga maigapu kanu iya pammati da, ngem busid met, ata madi da gabay ya masuruwan kadiya banbanag niya kustu nga panamati e̍ Apu Diyus. Adeyyuwam ngarud diya agten kadiyan nga toley.

Titu 1:15

Agten idi: Diya toley nga nadalus ya nakem da, ket awan naibilang igida nga bekken nga nadalus. Ngem diya toley nga narugit ya nakem da, nga madi mamati iya pudnu, ket awan pulus naibilang nga nadalus igida, ta dake̍c met ya panpanunut da se̍ ya nakem da.

Santiyagu 4:8

Umadenni kayu ngarud e̍ Apu Diyus, ket e̍ Apu Diyus, umadenni pe̍ dakayu. Ket dalusan nu lugud ya kinadake̍c diya nakem nun, dakayu nga managbasul! Ilaylayun nu lugudin ya panangipateg nu e̍ Apu Diyus, dakayu nga agduwaduwa iya panamati nu!