Lukas 11:36 - Ya Baru nga Tulag

³⁶ Ket no paglaingan nga tutu niya amin nga beggim ya wada, se̍ awan pulus gicbet na, ket yan nas wada ya uwed ikew win, nga arig nga madardarangan ka ka dilag,” kunen na.

Lukas 11:36 Iomraidhean Croise

Matyu 13:52

Dikad pe̍ kinunen na manin igida, “Nabaru met no agten iyan, ta agten kayun kadiya manursuru iya Linteg Hudyu no nagbalin dan nga pasurut iya maipanggep iya panangituray niya Nailangitan. Ket iya tunggal manursuru nga agten iyan, maiyarig da met iya makin-kuwa iya isa nga baley nga uwed duwa nga kita diya nabaru nga banbanag nga mairuwar na, nga gayat iya pagitaltalipnan na. Ket didi nga nabaru nga banbanag, kabarbaru diya duduma, ket nadaan diya duduma,” kunen na.

Matyu 5:15

Ket agten met pe̍ iya dilag. Ta no sibtan niya isa nga toley, ket madi na met tacban ka salupan, no di lugud ipay na iya kustu nga pakaipayan na, tasun madilagan diya amin nga uwed iya uneg niya baley.

Lukas 11:35

Itu nga singem ngarud ya uwed iya lemlemmet mu, ta kaynun no bekken nga wada, no di lugud gicbet.

Lukas 11:37

Ket kalpasan nito panagkagi ne̍ Je̍sus, uwed isa nga Parisiyu nga nangawis igina nga umbe̍t kanu nga makipangan igina. Dikad nawe̍ ngarud nge̍ Je̍sus, ket imuneg nga nakisangu nga mangan.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

E̍pe̍su 4:14

Ket no agten iyanin, bekken tida nga arig nga diya maipalupalung winno diya maipurad ngas iya kumpurmi nga pennan niya belluut. Ta bekken tida kuma nga arig nga diya ebbing, nga nalaka nga maawis kadiya nadumaduma nga panursuru diya mangallilaw nga mangiyaw-awan ka toley gapu kadiya kinasikap da.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

He̍briyu 5:14

Ngem ya adal nga maiyarig iya nasgat nga makan diya manacman, itu ya gabay diya manakem iya panamati dan, nga itu diya naruwam iya panagilasin iya nabaru se̍ iya dake̍c kin.

Santiyagu 1:25

Ngem dakayu, pe̍yeng nu kuma nga adalen nga sipapasnec ya kagi ne̍ Apu Diyus, se̍ madi kayu kuma le̍pananin. Ta ya kagi ne̍ Apu Diyus, awan pagkurangan na, ket itu ya makawayawaya dactida. Itu nga madi tida kuma agten kadito agpatingga ngas ka panagdengdengngeg, no di tida lugud sumurut nga pe̍yeng, ket paragsaken nactida nge̍ Apu Diyusin.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!