Lukas 11:29 - Ya Baru nga Tulag

²⁹ Ket imad-adu diya toltoley nga dimarinup e̍ Je̍sus itun, ket nituluy na ya nagkagi, nga kinunen na, “Diya toltoley ita nga timpu, dake̍c mettin diya nakem da, ta agsapsapul da ka pagilasinan da! Ngem awan lugud maipasingen igida malacsid ngas ito pagilasinan maipanggep ito mammadtu nga Hunas.

Lukas 11:29 Iomraidhean Croise

Matyu 3:7

Ket ito nasingen ne̍ Juan nga adu diya Parisiyu se̍ Sadusiyu nga umbe̍t agpabautisar, kinunen na met igida, “Arig kayu ngas nga putputut diya nagita nga malaga! Ape̍? Nagan kad ya nangibaga dakayu nga masapul nu nga ilisi diya beggi nu iya maadpangan nga pannakaukum?

Markus 8:38

“Sumurut kayu ngarud iyaken ita nga timpu nga adu diya managbasul se̍ diya pimanaw e̍ Apu Diyus tasun makitipun da ka sabali yin. Ta diya toley ita nga timpu nga mangiyalyew iyaken se̍ kadiya isursuruc, ket iyalyew nad met pe̍ niya Anac nga Naipatoley, no umbe̍t nad nga sidadayaw gapu iya panangipadayaw niya Ama na igina. Ket maibulun nad pe̍ igina diya nadayaw nga anghe̍le̍s,” kunen na.

Lukas 11:16

Ket uwed met pe̍ duduma igida nga gabay da nga sintiren nge̍ Je̍sus. Itu nga inadeng da ngarud igina nga mangariman kuma ka pagilasinan gapu iya pannakabalin nga gayat e̍ Apu Diyus.

Lukas 11:50

“Agten iyan ngarud ya kunen ne̍ Apu Diyus, ta dakayu nga toltoley ita nga timpu, dakayu mettas ya makin-kargu iya pannakatey dito amin nga mammadtu nga pinatey dito am-ama nu, nanipud ito pannakaparsuwa niya lubung.

Lukas 12:1

Ket itun, rinibu met diya toltoley nga naur-urnung, ket naggiginnudel da mettin ka sacsaka da gapu iya kaadu da. Ket iya imatang didi nga toltoley, nagkagi nge̍ Je̍sus itun, nangruna kadito adalan na, nga kinunen na, “Annadan nu ngarud ya panaginnanacman diya Parisiyu, nga maiyarig ka pangpablad nga uwed igida.

Lukas 9:41

Ket kinunen ne̍ Je̍sus, “Ay, dakayu nga toley ita nga timpu! Ape̍ nga awan panamati nu, se̍ nakillu ya panpanunut nu? Masapul kad nga mabayag pekkem ya panagedyan ku dakayu se̍ ya panaganus ku dakayu?” Ket kinunen nan ito ama nito ebbing, “Ala, e̍lbe̍t mu iyaken ya anac mu,” kunen na.

Juan 2:18

Ket itun, gapu ito winangel ne̍ Je̍sus iya Te̍mplu, kinunen diya pangpangulu diya Hudyu igina, “Nagan kad ya maipasingem nga pagilasinan, tasun ipanecnec mu dakami ya kalinteggam nga mangariman idi?” kunen da.

Juan 6:30

Dikad pe̍ kinunen dito toley igina, “No agten iyan, nagan ngarud ya maipasingem nga pagilasinan, tasun no masingen mi, ket mamati kami ikew? Nagan ya mawangel mu?

Juan 8:44

Ta an-anac nakayu ngarud nge̍ ama nu, nga itu met ya diyablu. Ket ya tarigagay na, itu ya gabay nu nga tungpalen. Pumatpatey met nga sigud, manipud ito damu. Ket pulus nga di na kanunungan ya pudnu, ta awan pulus kinapudnu igina. Ket kadawyan na ya agbusbusid, ta sigud nga managbusid. Ket bekken nas nga iyan, ta igina met pe̍ ya pagtaudan diya amin nga kinabusid.

1 Kurintu 1:22

Ta no diya Hudyu, ket ya gabay da, itu ya pagilasinan nga pakapanecnekkan da no pudnu yan nga panursuru. Ket no diya bekken nga Hudyu, ket kinasirib met ya ipatpateg da.