Lukas 11:2 - Ya Baru nga Tulag

² Ket kinunen ne̍ Je̍sus igida, “No agkararag kayu, agten idi ya kunen nu: ‘Ama, madaydayaw kuma ya napudnu nga turay mu. Madatngan kuma ya panangituray mu.

Lukas 11:2 Iomraidhean Croise

Matyu 10:32

“Itu nga amin nga mangipakaemmu nga siaannamung iya imatang diya toley iya pannakitipun da iyaken, ket ipakaemmuc nad pe̍ nga siaannamung iya imatang niya Amac nga uwed ka langit ya pannakitipun ku kadiyan nga toley.

Matyu 3:2

nga kinunen na, “Masapul nga agbabawi kayu kadiya basbasul nu, ta dandani yin ya panangituray niya Nailangitan,” kunen na.

Matyu 5:16

Ket agten kayu met kuma, ta madi kayu kuma ngarud ilinged ya arig nga dilag nu. Ta masingen kuma diya toltoley diya nabaru nga wangwangel nu. Ket iya agten iyan, daydayawen da ya Ama nu nga uwed ka langit.”

Lukas 11:1

Ket iya name̍nsan, agkarkararag nge̍ Je̍sus iya isa nga lugar. Ket ito nalpas nan, kinunen niya isa kadito adalan na, “Apu, isuru nakami kay iya kustu nga panagkararag, nga agten ito panangisuru nito Juan nga Mammautisar kadito adalan na,” kunen na.

Ruma 1:7

Itu nga isurat ku yani dakayu nga uwed ka Ruma, dakayu nga amin nga ay-ayaten se̍ pinili ne̍ Apu Diyus nga agbalin nga toley na nga naipaay igina. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

Ruma 8:15

Ta ito naipaayan kayu iya Ispiritu ne̍ Apu Diyus, bekken nakayu nga pinagbalin nga tagabu manin. Ansing met ya pagbanagan nu no agten iyan. Ngem ito naipaayan kayu iya Ispiritu ne̍ Apu Diyus, pinagbalin nakayu lugud nga anac ne̍ Apu Diyusin. Itu nga makaawag tida e̍ Apu Diyus nga makunen tida nga, “Ama! Amac!”

1 Kurintu 1:3

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

2 Kurintu 1:2

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

Galasiya 1:4

Ta e̍ Apu Je̍sus, nipalubus na nga naidatun ya beggi na gapu kadiya basbasul tida, tasun isalakan nactida iya pannakabalin niya kinadake̍c nga uwed ita idi nga lubung. Agten iyan ngarud to inariman na, ta itu ya tinarigagayan ne̍ Apu Diyus nga Diyus se̍ Ama tida.

E̍pe̍su 1:2

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida, se̍ e̍ Apu Je̍su Kristu.

Pilipus 1:2

Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida, se̍ e̍ Apu Je̍su Kristu.

Pilipus 4:20

Madaydayaw kuma nga pe̍yeng ka agnanayun nge̍ Apu Diyus, nga Diyus se̍ Ama tida. Agten iyan kuma ngarudin!

Kulusas 1:2

Isurat mi yani dakayu nga toley ne̍ Apu Diyus iyan Kulusas nga sipapati nga kakabsat mi e̍ Kristu. Sapay kuma ta uwed dakayu ya siaayat nga asi se̍ talna nga gayat e̍ Apu Diyus nga Ama tida.

1 Te̍salunika 1:1

Dakami nga tellu: Pablu, Silas, se̍ Timutyu, isurat mi yani nga surat dakayu nga bungguy mamati iyan Te̍salunika, dakayu nga toley ne̍ Apu Diyus nga Ama se̍ e̍ Apu Je̍su Kristu. Sapay kuma ta uwed dakayu ya siaayat nga asi, se̍ ya talna nga gayat e̍ Apu Diyus.

1 Te̍salunika 1:3

Ta iya imatang ne̍ Apu Diyus nga Diyus se̍ Ama tida, pe̍yeng nga laglagipen mi diya nabaru nga wangwanglen nu gapu iya panamati nu, se̍ ya kinagaget nu gapu iya panagayat nu se̍ ya kinabaked niya namnama nu iya Apu tida nga Je̍su Kristu.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

Paltiing 11:15

Ket itun, pinauni nito maikapitu nga anghe̍l to tangguyub nan. Ket enna langit, uwed met nagicna ngin nga nabileg nga timtimec, nga kinunen da, “Ya lubung nga isa nga pagturayan, ket naitipun mettin iya pagturayan niya Apu tida, nga itu pe̍ ya pagturayan niya Kristu nga nibon na. Ket iya agten iyan, ya Apu tida met ya agturayin ka agnanayun nga awan patingga na!” kunen da.

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 19:6

Ket itun, nagicnac ya arig nga timtimec diya adu nga toley, nga arig nga uni niya dackel nga danum nga mananasan, se̍ ya nabileg nga eddug. Ket kinunen da, “Madaydayaw nge̍ Apu Diyus! Ta nadatnganin ya panagari niya Apu nga Diyus tida nga Mannakabalin ka amin!

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.