Lukas 10:42 - Ya Baru nga Tulag

⁴² Ngem bekken met nga adu diya masapul mu nga biyangan, no di yas is-isa. E̍ Marya, pinili na mettin ya mayat, ket pulus nga madi maipac igina yan,” kunen na.

Lukas 10:42 Iomraidhean Croise

Markus 8:36

Tutu met yan, ta awan ngarud paglaingan niya isa nga toley, orey no matagikuwa na kuma diya amin nga uwed iya lubung ngi, ngem mapukaw nad met ya biyag na.

Lukas 10:39

Ket uwed pe̍ babey nga kabsat ne̍ Marta nga agnagan ka Marya. Ket e̍ Marya, nakasalompe̍e̍ iya sangu niya Apu nga aggicgicna iya panursuru na.

Lukas 11:1

Ket iya name̍nsan, agkarkararag nge̍ Je̍sus iya isa nga lugar. Ket ito nalpas nan, kinunen niya isa kadito adalan na, “Apu, isuru nakami kay iya kustu nga panagkararag, nga agten ito panangisuru nito Juan nga Mammautisar kadito adalan na,” kunen na.

Lukas 12:20

“Ngem e̍ Apu Diyus, kinunen na ito bacnang, ‘Kurang latta met ya pannakaawat mu! Ta ita mettas nga gabi, matey kan. Ket iya agten iyan, amin didi nga inurnung mu, bekken met nga ikew nad ya makin-kuwa ngin,’ kunen na.”

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 16:2

Dikad pe̍ pinalbe̍t ngarud nito bacnang to pagay-aywanen na, ket kinunen na igina, ‘Ape̍ nga uwed nadamag ku maipanggep ikew? Ala! Ipasingem iyaken nin diya listaan dito amin nga nitalec ku nga sansanicwac ikew, ta di naka met pagaywanen nin,’ kunen na.

Lukas 16:25

“Ngem kinunen ne̍ Abraham, ‘Ay, anac ku, lagipem mas nga ito sibibiyag ka pekkem, naglak-am ka met ka nakaay-ayu nga nanam-ay nga banbanag. Ngem e̍ Lasaru nga gennung, karigatan nga banbanag ngas met to nalak-aman na itun. Ngem ita, maliwliwa met idi nin. Ket ikew met ya agrigrigatin.

Lukas 18:22

Ket ito nagicna ne̍ Je̍sus yan nga kunen nito pangulu, ket kinunen na igina, “Uwed pekkem mas isa nga masapul nga wanglem. Ilakum diya amin nga sansanicwam, se̍ ka iwaras ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panangiwaras mun, umbe̍t nac suruten nin,” kunen na.

Lukas 8:18

Itu nga agdengngeg kayu kuma nga nalaing. Ta ya kinapudnu na, ket ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Juan 11:1

Ket enna ili nga Be̍tanya itun, uwed isa nga lalaki nga agsakit, nga agnagan ka Lasaru. Ket nagedyan pe̍ ka Be̍tanya de̍ Marya nge̍ Marta nga agkabsat, nga kakabsat nito Lasaru nga agsakit.

Juan 11:19

adu pe̍ dito Hudyu nga taga-antuni nga nawe̍ nakipagladingit kade̍ Marta nge̍ Marya gapu ito pannakatey nito kabsat da nga lalaki.

Juan 12:3

Ket to Marya, namet itun ka isa nga butilya nga bangbanglu nga para labu. Isa nga litru nga bangbanglu nga naggayat ka mula nga nardu ya mayan na, ket nangina nga unay, ta tutu nga awan lauc na. Ket nibucbuc na met to bangbanglu kadiya saka ne̍ Je̍sus, se̍ na nipunas met ya ebbuc na kadiya saka na. Binumngaay ngarud ya ellab nito bangbanglu ito baley.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

1 Kurintu 13:3

Ket orey no ikaasic kuma diya amin nga sanicwac kadiya napanglaw, se̍ orey no iyawat ku kuma ya beggic nga pooran da gapu iya pammatic, ket no awan latta ayat ku, awan met pe̍ mamaay na yan nga paglaingac.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.