Lukas 10:34 - Ya Baru nga Tulag

³⁴ Inadenniyan na ngarud, ket inagasan na diya talingu na ka lana se̍ basi, se̍ na binedbeddanin. Kalpasan na, nisakey na to lalaki iya kabayu na, ket nawe̍ na nipen iya isa nga pagdadagusan, se̍ na inistimar antuni.

Lukas 10:34 Iomraidhean Croise

Markus 14:8

Ket ya babey nga idi, winangel na met ya patingga niya kabaellan na. Ta binucbukan na ya beggic, ket itu met ya panangisagana na iyaken iya pannakaitamen ku.

Lukas 10:33

“Ngem uwed met pe̍ isa nga iSamarya nga nanalan iyan. Ket ito nasingen na to natulisan, naasiyan igina.

Lukas 10:35

“Ket ito kaagsapaan na, nange̍cde̍ to iSamarya ka duwa nga pirac ito agpadpadagus, ket kinunen na, ‘Istimarem kay yani nga toley. Ket no madi makaanay yan nga ne̍cde̍c, anayac nad no sumoli yac,’ kunen nito iSamarya,” kunen na.

Lukas 2:7

Ket lalaki met ya niyanac na, nga itu to inauna nga anac na. Ket linampinan na, se̍ na nipaida ka papakanan ka animal, ta awan met pagedyanan da ito pagdadagusan nga baley.

Ruma 12:20

Dikad pe̍ madi kayu kuma ngarud agibales, no di lugud arimanen nu ya maikanatad iya kunen na iya Bibliya nga, “No mabisin ya gumurgura ikew, ket pakanem kuma. Ket no mewwew, painumem. Ta no agten iyan ya panangibales mu iya gura na ikew, ket malyew ngas met, nga arig nga manggabuun ka met ka bekkag nga nabara iya ulu na,” kunen na.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.