Lukas 10:29 - Ya Baru nga Tulag

²⁹ Ngem to masirib iya Linteg, gabay na nga ikalinteggan latta ya beggi na, itu nga nagsaludsud manin e̍ Je̍sus nga kinunen na, “Bo a, ngem nagan na kuma ya naibilang nga kapadac?” kunen na.

Lukas 10:29 Iomraidhean Croise

Markus 8:34

Ket itun, pinaadenni met ne̍ Je̍susin diya toltoley se̍ dito adalan na. Ket kinunen na igida, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Lukas 10:36

Ket kalpasan nidi nga panagpangngarig ne̍ Je̍sus, kinunen na ito masirib iya Linteg, “Iya panagkunem, nagan kadito tellu ya pudnu nga kapada nito toley nga sinaneb dito tulisan?” kunen na.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Ruma 10:3

Ta madi da maawatan maipanggep iya panangpalinteg ne̍ Apu Diyus ka toley, ket pinadas da nga palinteggen diya beggi da gapu kadiya wanglen da. Itu nga di da pinaiturayan iya panangibilang kuma ne̍ Apu Diyus igida nga nalinteg iya imatang na.

Ruma 4:2

Ket agten idi ngarud: No naibilang nga nalinteg to Abraham iya imatang ne̍ Apu Diyus gapu ngas kadito winangel na, mabalin nga uwed ngarud pagpasindayaw na. Ngem emmu tida nga madi met mabalin nito Abraham ya agpasindayaw iya imatang ne̍ Apu Diyus.

Galasiya 3:11

Itu nga nalawag ngarudin, nga no iya imatang ne̍ Apu Diyus, awan nga pulus mapalinteg gapu iya panangtungpal na iya Linteg. Ta naisurat pe̍ iya Bibliya nga kinunen ne̍ Apu Diyus nga, “Ya naibilang nga nalinteg, agbiyag nad gapu iya panamati na,” kunen na.

Santiyagu 2:24

Dikad pe̍ naemmuwan nu ngarudin nga naibilang nga nalinteg ya isa nga toley gapu ta uwed pe̍ wangwanglen na, bekken nga gapu ngas ka panamati nga awan kadanggay na.