Lukas 10:28 - Ya Baru nga Tulag

²⁸ Ket kinunen ne̍ Je̍sus igina, “Kustu ya sungbat mu. Agten iyan kuma ya wanglem, ket uwed nad ngarud ikew yan nga biyag,” kunen na.

Lukas 10:28 Iomraidhean Croise

Matyu 19:17

Ket kinunen ne̍ Je̍sus igina, “Ape̍ nga iyaken ya pagsaludsudam maipanggep iya nalinteg? Is-isa ngas met ya nalinteg. Ngem no maipanggep iya pannakairaman mu kuma iya agnanayun nga biyag, tungpalem ngarud dito bilbilin ito Linteg,” kunen na met.

Markus 12:34

Ket nibilang ngarud ne̍ Je̍sus nga mayat to nisungbat nito manursuru iya Linteg. Itu nga kinunen ne̍ Je̍sus igina, “Denni ngarud ya panangituray ne̍ Apu Diyus ikew win,” kunen na. Ket kalpasan niyan, awan nakaitured nga nagsaludsud e̍ Je̍susin.

Lukas 7:43

Ket simungbat ngarud to Parisiyu nga Simon, nga kinunen na, “Ya kunec, ket to toley nga ad-adu ya napakawan nga utang na ngata, a,” kunen na. Ket kinunen ne̍ Je̍sus igina, “Kustu met ya kunem,” kunen na.

Ruma 10:4

Ngem ya kinapudnu na, e̍ Kristu met ya nakatungpalan nito Linteg ne̍ Muyse̍s, tasun maibilang nga nalinteg iya imatang ne̍ Apu Diyus diya amin nga mamati e̍ Kristu.

Ruma 3:19

Ket naemmuwan tida ngarudin nga diya bilbilin niya Linteg ne̍ Muyse̍s, naipaay da ngarud kadiya Hudyu, nga itu diya nabilin. Ket iya agten iyan, nabangun ya Linteg tasun orey nagan na nga toley, Hudyu man winno bekken nga Hudyu, awan rasun na iya panangukum ne̍ Apu Diyus igina. Nabangun pe̍ tasun maemmuwan ya nagbasulan diya amin nga toley iya lubung ngi.

Ruma 7:10

Ket naemmuwac itunin nga naibilang ngac nga isa nga natey iya imatang ne̍ Apu Diyus. Ket to bilin nga mangiturung kuma dactida iya biyag nga ipaay ne̍ Apu Diyus, itu mettas ya nangibilang iyaken nga natey iya imatang na.

Galasiya 3:12

Ngem ya Linteg, bekken nga maigapu ka panamati, no di lugud maigapu ka panagtungpal. Tutu met, ta kunen na pe̍ iya Bibliya nga, “Ya makatungpal kadidi nga paglinteggan, agbiyag nad gapu kadidi,” kunen na.