Lukas 10:21 - Ya Baru nga Tulag

²¹ Iyan mettas nga kanitu, pinagragsac met niya Ispiritu Santu nge̍ Je̍sus. Ket kinunen ne̍ Je̍sus nga sikakararag, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na. Agten iyan ngarud ya wagas mu, Ama, ta itu met ya gabay mu,” kunen na.

Lukas 10:21 Iomraidhean Croise

Matyu 16:17

Ket kinunen ne̍ Je̍sus e̍ Pe̍dru, “Nagasat ka ngarud, Simon, nga anac ne̍ Hunas. Ta bekken met nga toley ya nangipakaemmu ikew idi, no di lugud ya Amac nga uwed ka langit.

Matyu 21:16

Itu nga kinunen da e̍ Je̍sus, “Madi ka magicna ya kagkagiyen diyan?” kunen da. Ket kinunen ne̍ Je̍sus igida, “Kapuutin, magicnac met. Ape̍? Madi kayu kad pekkem nabasa to naisurat iya Bibliya nga kunen na nga, ‘Gapu iya maikagi diya eb-ebbing se̍ ke̍bke̍bit, nipakaemmum ya dayaw mu,’ kunen na met?” kunen ne̍ Je̍sus.

Matyu 3:7

Ket ito nasingen ne̍ Juan nga adu diya Parisiyu se̍ Sadusiyu nga umbe̍t agpabautisar, kinunen na met igida, “Arig kayu ngas nga putputut diya nagita nga malaga! Ape̍? Nagan kad ya nangibaga dakayu nga masapul nu nga ilisi diya beggi nu iya maadpangan nga pannakaukum?

Markus 10:15

Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya makitipun kadiya iturayan ne̍ Apu Diyus,” kunen na.

Lukas 15:5

Ket no nasmac nan, bugtungen na nga iyawir nga siraragsac.

Lukas 15:9

Ket no nasmac nan, ayaban na ngarud diya gagayyem na se̍ diya karruba na, ket kunen na, ‘Makipagragsac kayu kuma iyaken nin, ta nasmac ku mettasin to nawagac ku nga diplatac,’ kunen na.

Juan 11:41

Dikad pe̍ nipac da ngarudin to batu. Ket e̍ Je̍sus, limangad nga kinunen na, “Ama, agyaman nac, ta ipangag nac.

2 Kurintu 4:3

Ngem no uwed da toley nga nalingdan ya pannakaawat da maipanggep iya Makaparagsac nga Damag nga isursuru mi, ket itu diyan diya toley nga agturung iya pakapukawan da.

E̍pe̍su 1:11

Ket e̍ Apu Diyus, matungpal na ngarud diya amin nga panggep na sigun iya pangngeddeng na. Itu nga no dactida, gapu iya pannakaitipun tida e̍ Kristu, pinili nactida nge̍ Apu Diyus, nga agtawid igina. Ta nikeddeng na nga agbalin tida nga toley na, sigun iya panggep na itun pekkem.

E̍pe̍su 1:5

Ngarud, gapu iya ayat ne̍ Apu Diyus dactida, nikeddeng na itun pekkem nga pagbalinen nactida nga anac nan gapu e̍ Je̍su Kristu. Ta itu ya sigud nga panggep ne̍ Apu Diyus sigun iya tarigagay na.