Lukas 10:2 - Ya Baru nga Tulag

² Ket kinunen na kadito ibon na, “Arig nga adu win ya magani kuma, ngem e̍teng ngas diya aggani. Itu nga agkararag kayu kuma ngarud nga agadeng kayu iya akin-kuwa iya magani, tasun uwed da ibon na kuma nga mawe̍ manggani kadiya ipagani na.

Lukas 10:2 Iomraidhean Croise

Matyu 20:1

“Tutu met yan, ta ya panangituray niya Nailangitan, ket agten idi nga pangngarig: Uwed isa nga makin-kuwa iya isa nga kaubasan, nga rinumwar iya nasapa pekkem nga agsapa, nga nawe̍ agsapul ka tangdanan na nga agwangel iya kaubasan na.

Markus 13:34

Ket maiyarig yani iya isa nga toley nga mawe̍ ka deyyu nga lugar. Ket sacbay nga agrubwat, bilinen na ngarud diya tagabu na, nga italec na igida ya tunggal pagrebngan da, se̍ bilinen na pe̍ ya agbantay iya gagayangan, nga sisasagana kuma kanu nga pe̍yeng.

Markus 16:15

Ket kinunen pe̍ ne̍ Je̍sus igida, “Mawe̍ kayu kadiya amin nga parte̍ niya lubung, tasun ikasaba nu ya Makaparagsac nga Damag kadiya amin nga toltoley.

Markus 16:20

Ket dito adalan na, pimanaw da ito edyan da, nga nawe̍ da ngarud nangaskasaba kadiya amin nga luglugar. Ket ya Apu, tinulungan na da ngarud pe̍, ta nipanecnec na ya kinapudnu dito nikasaba da, gapu kadiya pagilasinan nga naibulun kadiya panangikasaba da iya kagi na.]

Lukas 9:1

Ket iya isa nga algew, pinagurnung ne̍ Je̍sus dito sangapulu ket duwa nga adalan na. Ket nitalec na igida ya pannakabalin se̍ turay nga mangpatalew ka orey nagan na nga sairu, se̍ mangagas kadiya sacsakit.

Aramid 11:19

Ito nakatey nito E̍ste̍ban itun, itu to panangrugi dito duduma nga mamati nga naiwarawara kadiya sabasabali nga il-ili, gapu ta maparparigat dan kadiya madi mamati e̍ Je̍sus. Ket dito duduma nga naiwarawara, nakadateng da iya pagiliyan nga Pe̍nisiya se̍ enna puru nga Sipre̍ se̍ iya ili nga Antiyakiya ka prubinsiya nga Sirya. Ket nibaga didi ya damag maipanggep e̍ Je̍sus kadiya pada da nga Hudyu, ngem madi da nakibiyang kadiya bekken nga Hudyu.

Aramid 13:2

Ket iya name̍nsan nga algew, madama da nga agsirsirbi maigapu iya Apu, se̍ niparit da pe̍ yin iya beggi da ya mangan. Ket ya Ispiritu Santu, kinunen na igida, “Isibna nu ngarud nga ipaay de̍ Be̍rnabe̍ nge̍ Saulu, ta uwed panggep ku nga ipawangel igida,” kunen na.

Aramid 13:4

Ket iya agten iyan, nibon ngarudin niya Ispiritu Santu de̍ Be̍rnabe̍ nge̍ Saulu nga nawe̍. Nanagus da nga nawe̍ ka ili nga Se̍lyusiya, se̍ da naglugan ka bapur manipud iyan, nga nawe̍ da ka puru nga Sipre̍.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

Aramid 22:21

“Ket kinunen na met iyaken, ‘Pumanaw ka lugudin, ta ibon naka kadiya bekken nga Hudyu enna deyyu,’ kinunen ne̍ Je̍sus iyaken,” kunen ne̍ Pablu.

Aramid 8:4

Ket dito mamati nga naiwarawara, nikaskasaba da ya Makaparagsac nga Damag maipanggep iya kagi ne̍ Apu Diyus kadiya amin nga il-ili nga napennan da.

1 Kurintu 12:28

Ket iya agten iyan, uwed dito nipaisaad ne̍ Apu Diyus iya bungguy mamati. Ket ya mona, itu diya apustule̍s. Ket ya maikadduwa, itu diya mangaskasaba. Ket ya maikatlu, itu diya manursuru. Ket uwed da pe̍ diya makaariman ka nakaskasdaaw, se̍ diya uwed pannakabalin da nga mangpalaing kadiya agsakit. Ket uwed da pe̍ diya nalaing nga agistimar kadiya kapada da, se̍ diya nalaing nga mangipangulu, se̍ uwed da pe̍ diya makakagi ka nadumaduma nga pagkakagi nga bekken da nga naadal.

1 Kurintu 15:10

Ngem gapu mettas iya siaayat nga panangaasi ne̍ Apu Diyus iyaken, nagbalin nac met latta nga apustul, ta nabaru met ya nagbanagan nito siaayat nga panangaasi na iyaken. Itu nga nagbanbannug gac met ka ad-adu ngem kadito duduma nga padac nga apustul. Ngem bekken met nga iyaken ya tutu nga akin-wangel, no di lugud pinagwangel nac nge̍ Apu Diyus gapu iya pannakabalin nga nikaasi na nga siaayat iyaken.

2 Kurintu 6:1

Ket gapu ta kabulun nakami nge̍ Apu Diyus idi nga wangel mi, ibilin mi pe̍ nga sipapasnec dakayu nga bekken nu kuma nga iyaleng-aleng ya siaayat nga asi ne̍ Apu Diyus dactida, tasun madi kuma masayang.

Pilipus 2:21

Ta diya duduma, awan sabali nga laglagipen da no di ngas ya bukud da nga paglaingan, nga bekken lugud nga diya gabay ne̍ Kristu Je̍sus.

Pilipus 2:25

Ket kunec pe̍ nga masapul nga ibon ku iyanin nge̍ E̍papruditu nga kabsat ku ka pammati, se̍ kabulun ku iya panagsirbic iya Apu, se̍ padac pe̍ nga arig nga suldadu na. Ket igina mettas to nibon nu nga pannakabeggi nu nga nangistimar iyaken itun.

Pilipus 2:30

Ta igina, nistay natey gapu iya panangipusta na iya biyag na iya wangel na nga maipaay e̍ Kristu, ito nangitungpal na ito panangaasi nu iyaken.

Kulusas 1:29

Dikad pe̍ gapu iyan nga panggep ku, agbannug gac ngarud, ta ipakat ku ya amin nga bileg nga uwed iyaken gapu iya pannakabalin na nga mangpabileg iyaken.

Kulusas 4:12

Ket e̍ E̍papras met pe̍, nga isa mettas dakayu, nga isa nga agsirsirbi e̍ Kristu Je̍sus, ket makikumusta kanu pe̍ dakayu. Ket pe̍yeng nga sipapasnec nga mangikarkararag dakayu e̍ Apu Diyus. Ta gabay na met no nabaked kuma ya panamati nu, se̍ awan nga pulus duwaduwa nu maipanggep iya orey nagan na nga tarigagayan ne̍ Apu Diyus dakayu.

1 Te̍salunika 2:9

Tutu met kakabsat, ta malagip nu ngarud to panagwangel se̍ panagrigat mi itun. Ta algew-gabi nga nagwangel kami itun, tasun awan kuma pakarigatan nu gapu ka kasapulan mi ito uwed kami iyan nga mangikaskasaba dakayu iya Makaparagsac nga Damag nga gayat e̍ Apu Diyus.

1 Te̍salunika 5:12

Uwed pekkem ibaga mi kuma dakayu, kakabsat. Raemmen nu kuma diya agbannug para dakayu, nga igida met diya pinili niya Apu nga mangipangulu dakayu se̍ diya mangibagbaga dakayu maipanggep iya panamati tida.

2 Te̍salunika 3:1

Ket ya modi nga kunen mi dakayun, kakabsat, ket ikararagan dakami kuma tasun dagus kuma ya pannakaiwaragawag niya kagi niya Apu. Ket maipangag kuma pe̍ nga sidadayaw ya kagi na, nga agten mettas ito pannakaipangag na dakayu.

1 Timutyu 4:10

Ta e̍ Apu Diyus nga sibibiyag, igina ngarud ya pagnamnamaan tida, ket itu nga ikarigatan tida kuma ya agpasnec gapu igina. Ket igina met ya mangisalakan ka amin nga toley, nangnangruna dactida nga mamati.

2 Timutyu 4:5

Ngem ikew, sipupuut ka kuma ngarud maipanggep iya orey nagan na. Anusam mas diya pakarigatam. Tungpalem ngarud to gagaram nga mangipakaemmu iya Makaparagsac nga Damag. Ngarud, tungpalem ya amin nga rebbeng mu iya panagsirsirbim e̍ Apu Diyus.

Pilimun 1:1

Iyaken nge̍ Pablu nga naibaludin maigapu e̍ Kristu Je̍sus. Ket dakami nge̍ Timutyu nga kabsat tida ka pammati, surat mi yani ikew, Pilimun nga patpatgen mi nga kabulun nga agsirsirbi.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

Paltiing 2:1

Ket kinunen manin nito arig nga toley iyaken, “Idi ya isurat mu iya anghe̍l nga agay-aywan iya bungguy mamati ka E̍pe̍su: “Itu yan ya damag nga gayat iya mangik-ikem kadiya pitu nga bituwen iya diwanan nga ima na, se̍ agpaspasyar iya edyan diya pitu nga dilag nga balituc: