Lukas 10:17 - Ya Baru nga Tulag

¹⁷ Ket kalpasan nito gagara dito pitu nga pulu ket duwa nga nibon ne̍ Je̍sus, simoli da nga siaanggem. Ket kinunen da, “Apu, orey diya sairu, ikasu dakami met gapu iya turay mu!” kunen da.

Lukas 10:17 Iomraidhean Croise

Matyu 4:24

Ket iya agten iyan, nagdinamag met pe̍ nge̍ Je̍sus iya amin nga parte̍ niya prubinsiya nga Sirya. Ket nipen ngarud diya toltoley igina diya amin nga uwed dipe̍re̍nsiya winno pakarigatan da, nga agten kadiya naluganan ka sairu, diya agkeskessiw, se̍ diya madi makakiwa ya beggi da. Ket pinalaing ngarud ne̍ Je̍sus da.

Markus 16:17

“Ket uwed nad pagilasinan nga maibulun kadiya mamati, nga agten idi: Gapu iya kinaturay ku, makapatalew da ka sairu, se̍ makakagi da nad kadiya sabali nga pagkakagi nga bekken da nga naadal.

Lukas 10:1

Ket kalpasan diyan, pimili manin ya Apu ka pitu nga pulu ket duwa nga toley, ket nibon na da nga sinagduduwa, nga mon-ona da nga mawe̍ kadiya tunggal ili se̍ lugar nga dumagasan nad ne̍ Je̍sus.

Lukas 10:20

Ngem orey ikasu dakayu diya sacsairu, bekken kuma nga itu ya paganggemman nu, no di lugud aganggem kayu gapu ta nailista diya nagan nu ka langitin,” kunen na.

Lukas 10:9

Palaingen nu diya agsacsakit iyan nga ili, se̍ ibaga nu kadiya toley iyan nga, ‘Umadenni dakayun ya panangituray ne̍ Apu Diyus,’ kunen nu.

Lukas 9:1

Ket iya isa nga algew, pinagurnung ne̍ Je̍sus dito sangapulu ket duwa nga adalan na. Ket nitalec na igida ya pannakabalin se̍ turay nga mangpatalew ka orey nagan na nga sairu, se̍ mangagas kadiya sacsakit.

Ruma 16:20

Ket e̍ Apu Diyus nga mangpatalna dactida, ket dagus nga abaken na nge̍ Satanas, nga arig nga ipagudel na dakayu. Uwed kuma dakayu ya siaayat nga asi niya Apu tida nga Je̍sus.

E̍pe̍su 5:24

Ket iya agten iyan ngarud, masapul nga paiturayan nga pe̍yeng diya babey kadiya asawa da, nga agten met pe̍ iya panagpaituray niya bungguy mamati e̍ Kristu.