Lukas 1:6 - Ya Baru nga Tulag

⁶ Ket de̍ Sakaryas nge̍ E̍lisabe̍t, nalinteg met ya panagbiyag da iya imatang ne̍ Apu Diyus. Awan ngarud nagkurangan da iya panagtungpal da kadiya sursuru se̍ bilbilin ne̍ Apu Diyus.

Lukas 1:6 Iomraidhean Croise

Lukas 1:7

Ngem awan anac da, ta lupes met nge̍ E̍lisabe̍t, ket lakay se̍ bacbaket da pe̍ yin.

Lukas 16:15

Ket kinunen ne̍ Je̍sus igida, “Dakayu, ket agpammarang kayu met nga arig nga nalinteg iya imatang diya toley. Ngem emmu met ne̍ Apu Diyus ya tutu nga uwed iya lemlemmet nu. Ta ya ibilang diya toley nga napateg, ibilang met nga gennung ne̍ Apu Diyus nga nakar-aryec.

Lukas 2:25

Ket enna He̍rusale̍m itun, uwed isa nga lakay nga agnagan ka Simyun. Nalinteg yan nga toley, se̍ managtungpal iya pammati na, ket pinadpadaanan na nga sinanama ya pannakaliwliwa diya iIsrae̍l. Ket uwed pe̍ igina ya Ispiritu Santu.

Aramid 2:25

“Tutu met yan, ta kinunen nito Ari Dabid itun maipanggep e̍ Je̍sus, ‘Kankanayun nga emmuc nga ya Apuc ya pe̍yeng nga mangidalan iyaken, ket awan ansing kun, ta pe̍yeng nga uwed iyaken.

Aramid 23:1

Ket e̍ Pablu, pespeskan na dito kunse̍hale̍s, se̍ kinunen na igida, “Wawagic, natalna ngas ya nakem ku, ta awan met winangel ku nga iyalyew ku e̍ Apu Diyus, orey agingga ita,” kunen na.

Aramid 24:16

Itu nga wanglec nga pe̍yeng ya kabaellac nga agwangel iya kustu, ta gabay ku no nadalus nga pe̍yeng ya nakem ku, nga awan basbasul ku e̍ Apu Diyus se̍ kadiya toltoley.

Aramid 8:21

Awan bibiyang mu winno bagim idi nga wangwanglen mi, ta emmu ne̍ Apu Diyus nga bekken nga nabaru ya lemlemmet mu.

Ruma 8:4

Ket inariman ne̍ Apu Diyus ya agten iyan tasun ya nalinteg nga kaipapennan diya bilbilin niya Linteg, matungpal dactida nga madi agtungpal iya tarigagay niya kinatoley tida, no di lugud agtungpal iya tarigagay niya Ispiritu ne̍ Apu Diyus.

1 Kurintu 11:2

Naragsakan nac gapu dakayu, gapu ta silalagip kayu nga pe̍yeng iyaken, se̍ gapu ta sursuruten nu pe̍ diya sursuru niya pammati tida, sigun ito nisuruc dakayu.

2 Kurintu 1:12

Agtalged kami ngarud gapu kadiya panangikararag nu dakami. Ket natalna ngas ya nakem mi, ta emmu mi nga napaw-is ya ugali mi iya imatang diya toltoley, se̍ nangruna ya pannakibulun mi dakayu. Ta diyan nas gabay ne̍ Apu Diyus diya winangwangel mi, agten kadiya nalinteg se̍ napudnu. Ket ya panagtungpal mi kadiyan nga gabay ne̍ Apu Diyus, bekken nga sigun iya kinasirib niya kinatoley mi, no di lugud gapu mettas iya sirib nga ikaasi ne̍ Apu Diyus nga siaayat dakami.

Pilipus 2:15

tasun awan kuma pakapilawan winno pakapabasulan nu. Ket no agten iyan, awan dake̍c nga masingen dakayu iya imatang diya nakillu se̍ naalas nga toltoley idi nga lubung. Ngarud, an-anac nakayu nge̍ Apu Diyus, nga maiyarig kayu ka nasilap nga bitbituwen nga mangwada igida nga uwed iya gicbet.

Kulusas 1:22

Ngem itan, pinagbalin nakayu nge̍ Apu Diyus nga naitunus iginan, gapu ito ipapatey niya naipatoley nga Anac na para dactida, tasun maisangu kayu iya imatang na, nga nadalus kayu nga awan mansa winno pakababalawan nu.

1 Te̍salunika 3:13

Ket no agten iyan, pabilgen nad niya Apu diya panpanunut nu, tasun ig-igina ngas ya pangipaayan nu iya panagbiyag nu, nga awan nad pakapilawan nu iya imatang ne̍ Apu Diyus nga Diyus se̍ Ama tida, no umbe̍t nad manin ya Apu tida nga Je̍sus agraman kadiya amin nga toley na.

2 Pe̍dru 3:14

Dikad pe̍ dakayu nga patpatgec, gapu ta namnamaen nu diyan, wanglen nu kuma ya patingga niya kabaellan nu nga mangtungpal kadiya gabay ne̍ Apu Diyus, tasun ibilang nakayu nga awan mansa winno pagkurangan na, nga katunus nakayun.

1 Juan 2:29

Ket emmu nu met nga nalinteg nge̍ Kristu. Itu nga emmu nu met pe̍ nga anac ne̍ Apu Diyus ya amin nga agariman iya nalinteg.

1 Juan 2:3

Ket masiguradu tida nga tutu nga em-emmu tida nge̍ Apu Diyus no tungpalen tida diya bilbilin na.

1 Juan 3:7

Patpatgec nga an-anac, madi kayu kuma nga maiyaw-awan iya kunen diya toley. Ta ya kinapudnu na, ya toley nga agar-ariman kadiya nalinteg, ket nalinteg met, nga agten mettas e̍ Kristu nga nalinteg.