Lukas 1:49 - Ya Baru nga Tulag

⁴⁹ gapu kadiya nakaskasdaaw nga inariman ne̍ Apu Diyus nga Mannakabalin iyaken. Ket madaydayaw ngarud met ya napudnu nga turay na.

Lukas 1:49 Iomraidhean Croise

Markus 5:13

Ket pinalubusan ne̍ Je̍sus da, ket pimanaw ngarud dito sairu ito lalaki, nga nawe̍ da limugan kadito abuyin. Agduwa nga ribu met ya bilang dito abuy nga nagbubungguy. Ket ito naluganan dito sairu win dito abuy, nagtatagtag mettin dito abuy nga nanagus iya nangiras, nga nawe̍ da ito baybayin, ket nalisem da mettin.

Lukas 1:48

Ta nibilang nac nga napateg, iyaken nga nanumu nga agsirsirbi igina. Ket tutu met nga manipud ita, awagan dac diya amin nga toley ka nagasat,

Lukas 1:50

Kadiya agsasarunu nga timpu, pe̍yeng met nga kaasiyan na diya agdayaw igina.

E̍pe̍su 3:20

Ngarud, malagip tida nga gapu iya dackel nga kabaellan ne̍ Apu Diyus nga ipaay na dactida, ket orey nagan na nga adngen tida igina, kabaellan na met nga tungpalen ka nasursuruc pekkem ka adu ngem iya maadeng tida. Ket dacdackel ngarud met pe̍ ya kabaellan na ngem iya orey nagan na nga maarapaap tida.

Paltiing 15:4

Awan madi mansing iya kinaturay mu, Apu. Awan madi mangipakaemmu iya kinadayaw mu. Ta ik-ikew was ya nalinteg nga tutu. Sumuku nad met ikew diya amin nga nasnasyun, nga umbe̍t nad agdayaw diya toltoley ikew, ta naemmuwan ngarudin diya nalinteg nga wangwangel mu,” kunen da.

Paltiing 4:8

Ket ennem ya payac niya tunggal isa kadito sibibiyag nga parsuwa, ket nasanap pe̍ ka adu nga mata orey diya linung se̍ sap-ew niya payac da. Ket algew-gabi nga madi da sumardeng nga mangikankanta iya agten idi: “Nalinteg, nalinteg, nalinteg nge̍ Apu Diyus, nga Apu nga Mannakabalin ka amin. Igina ya uwed itun, uwed ita, se̍ ya umbe̍t nad pekkem,” kunen da.