Lukas 1:46 - Ya Baru nga Tulag

⁴⁶ Ket idi met to kinunen ne̍ Marya ngin: “Tumaud met iya nakem ku ya panagdayaw kun iya Apu.

Lukas 1:46 Iomraidhean Croise

Ruma 5:11

Ket bekken nas nga ya pannakaisalakan tida ya pagragsakan tida, no di lugud agragsac tida pe̍ e̍ Apu Diyus, gapu iya Apu tida nga Je̍su Kristu nga nangibalin dactidan nga naitunus e̍ Apu Diyus.

1 Kurintu 1:31

Ket iya agten iyan, tutu ngarud met to naisurat iya Bibliya nga kunen na, “No uwed mayat nga agpasindayaw, ket diya ar-ariman nas niya Apu kuma ya ipasindayaw na,” kunen na.

2 Kurintu 2:14

Ngem agyaman nac latta e̍ Apu Diyus, ta igina ya mangidaldalan dakami nga sibaballaigi, gapu iya pannakaitipun tida e̍ Kristu. Ket se̍ dakami ya usaren ne̍ Apu Diyus iya pannakaiwaragawag niya damag maipanggep e̍ Kristu kadiya amin nga lugar. Ket idi nga damag maipanggep e̍ Kristu, arig nga nabangug nga ellab.

Pilipus 3:3

Igida ngarud ya annadan nu, ta ya kinapudnu na, dactida met diya ibilang ne̍ Apu Diyus nga toley na nga arig nga nakugit. Ta dactida diya agdaydayaw e̍ Apu Diyus gapu iya Ispiritu na nga madi masingen. Ket e̍ Kristu Je̍sus met ya pagnamnamaan tida, nga awan lugud pagtalged tida iya mawangel toley.

Pilipus 4:4

Basta aganggem kayu kuma nga pe̍yeng gapu iya pannakaitipun nu iya Apu. Ngarud, ulitec manin: Aganggem kayu kuma!

1 Te̍salunika 5:23

Sapay kuma ta palinteggen nakayu nge̍ Apu Diyus nga mange̍cde̍ ka talna na, tasun awan nga pulus maipabasul dakayu. Ket aywanan na kuma pe̍ diya nakem nu, diya biyag nu, se̍ diya beggi nu, tasun mailisi kuma didi iya amin nga pagbasulan. Agten iyan kuma agingga mettas iya umbe̍t niya Apu tida nga Je̍su Kristu.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.