Lukas 1:35 - Ya Baru nga Tulag

³⁵ Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Lukas 1:35 Iomraidhean Croise

Matyu 1:18

Ket agten idi ya kasasaad nito pannakaiyanac ne̍ Je̍su Kristu: E̍ Marya nga ina na, naitulag itunin nga maiyasawa e̍ Huse̍. Ket sacbay niya panagtipun da, naemmuwan nga uwed met bucsit nan, ket gapu met iya Ispiritu Santu ya bucsit na.

Matyu 1:20

Ngem ito uwed iya lemlemmet na pekkem yan, uwed met isa nga anghe̍l niya Apu nga nagpasingen igina iya pasmeg na. Ket kinunen met nito anghe̍l, “Huse̍ nga kapututan ne̍ Ari Dabid, madi ka umikeb nga umawat e̍ Marya nga asawa mun, ta gapu mettas iya Ispiritu Santu ya bucsit na.

Matyu 14:33

Ket dito adalan na nga uwed ito bangka, nagdaydayaw da ngarud e̍ Je̍sus, nga kinunen da, “Pudnu met nga ikew ya Anac ne̍ Apu Diyus!” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Matyu 4:3

Ket imadenni to mangsulisug, ket kinunen na e̍ Je̍sus, “No tutu nga Anac naka nge̍ Apu Diyus, bilinem man didi nga batu nga agbalin da nga tinapay,” kunen na.

Markus 1:1

Agten idi to pangrugiyan niya Makaparagsac nga Damag maipanggep e̍ Je̍su Kristu nga Anac ne̍ Apu Diyus.

Markus 1:24

Ket nipkaw na nga kinunen, “Je̍sus nga iNasare̍t! Nagan ngarud ya biyang mu dakami? Numbe̍t nakami kad pirdiyen? Em-emmu naka met! Ikew ya Nalinteg nga Ebbon ne̍ Apu Diyus!” kunen na.

Lukas 1:27

Naibon nge̍ Gabriye̍l iya isa nga di pekkem nase̍cde̍ng nga balasang, nga naitulag nga maiyasawa. Huse̍ ya nagan nito lalaki nga nakaitulagan na, ket kapututan nito Ari Dabid. Ya nagan nito balasang, ket Marya.

Lukas 1:34

Ket e̍ Marya, kinunen na ito anghe̍l, “Kumaan na nga mapasamac yan? Ta awan met pekkem pannakitipun ku ka lalaki,” kunen na.

Lukas 1:36

“Ket malagip mu pe̍ nge̍ kabagiyam nga E̍lisabe̍t nga kunen da itun nga lupes. Ket ita, mabucsit mettin, orey no bacbaket nga unayin, ket lalaki met ya bucsit na. Ennem nga bulan niya bucsit nan.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Aramid 8:36

Ket ito agluglugan da pekkem, uwed danum nga mataliban da. Ket kinunen nito upisyal, “Kad ya danum! Di ngarud nabaru no agpabautisar rac kun?” kunen na.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

E̍pe̍su 2:3

Ket ya kinapudnu na, dactida nga amin, agten tida met pe̍ kadiyan itun. Diya kabucbukudan tida nga tarigagay met ya tinungtungpal tida itun, ta winangwangel tida ngas diya tinarigagayan diya beggi se̍ nakem tida. Ket gapu kadiyan nga gangey tida itun, sigud nga maikari tida ngas nga aglak-am iya unget ne̍ Apu Diyus, agten mettas kadiya duduma nga toltoley.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.