Lukas 1:32 - Ya Baru nga Tulag

³² Maipatpateg nad ngarud, ket maawagan nad ka Anac niya Kangatuwan. Pagbalinen nad ne̍ Apu Diyus nga agari nga agten mettas ito panagari nito Ari Dabid nga am-ama na.

Lukas 1:32 Iomraidhean Croise

Matyu 1:1

Idi ya listaan diya nagnagan diya toley nga kapuunan ne̍ Je̍su Kristu. Ket e̍ Je̍su Kristu, nagtaud iya kapututan nito Ari Dabid. Ket to Dabid, nagtaud iya kapututan nito Abraham.

Matyu 12:42

“Ket iya panangukum nad ne̍ Apu Diyus, makisangu nad pe̍ to Re̍yna nga nagturay itun enna abagatan, ket mairaman kadiya toltoley nga sibibiyag ita nga timpu. Ket pabasulen nakayu met pe̍ to Re̍yna. Ta igina, orey deyyu ya edyan na itun, inumbe̍t na met dinngeg ya kinasirib nito Ari Sulumun. Ket itan, uwed met idi ya naturturay pekkem ngem ito Ari Sulumun, ngem madi nu met denggen,” kunen na.

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Matyu 3:11

“Ket iyaken ita, danum ya pamautisar ku dakayu gapu iya panagbabawi nu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangabsin ngas iya palloka na para igina. Ket igina, ya Ispiritu Santu se̍ apuy met ya pamautisar na nad dakayu.

Markus 14:61

Ngem pulus nga madi negkim nge̍ Je̍sus, nga awan nisungbat na. Ket nagsaludsud ngarud manin to kangatuwan nga agsirsirbi iya Te̍mplu nga kinunen na igina, “Kumaan na? Tutu kad aya nga ikew ya Kristu nga Anac mettas niya Kadayawan?” kunen na.

Markus 5:7

nga nicre̍s na ka nabileg, nga kinunen na, “Je̍sus nga Anac ne̍ Apu Diyus nga Kangatuwan! Nagan ngarud ya biyang mu iyaken? Pangngaasim kay ta gapu mettas iya dayaw ne̍ Apu Diyus, madi nac kuma parigaten!” kunen na.

Lukas 1:15

Ta yan nga anac nu, napateg nad iya imatang niya Apu. Ket masapul nga madi nad uminum ka basi winno orey nagan na nga makapae̍nglew. Ket manipud iya pannakaiyanac na, maturayan nad iya Ispiritu Santu.

Lukas 1:35

Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Lukas 1:76

Ket ikew, anac ku, maawagan ka nad ka mammadtu nga agpaay iya Kangatuwan. Ta mon-ona ka nad ngem iya Apu, tasun isaganam diya toltoley iya umbe̍t na,

Lukas 3:16

Itu nga kinunen ne̍ Juan igida nga amin, “Ket iyaken ita, danum ya pamautisar ku dakayu. Ngem uwed nad umbe̍t nga sumarunu iyaken nga dacdackel ya pannakabalin na ngem iyaken, ket di yac pe̍ maikari nga orey no mangukas ngas kadiya listun diya palloka na. Ket igina, ya Ispiritu Santu se̍ apuy met ya pamautisar na nad dakayu.

Lukas 6:35

“Ngem ya wanglen nu kuma nga gennung, ayaten nu lugud diya kumuntra dakayu, ket nabaru ya ipaay nu igida. Ket agpautang kayu nga orey awan namnamaen nu nga maibayad. Ket no agten iyan ya wanglen nu, dackel met ya maigun-guna dakayu, ket anac nakayu nga tutu ya Kangatuwan maigapu ka ugali. Ta igina, kaasiyan na met orey diya toley nga madi makaemmu nga agyaman, se̍ diya dake̍c nga toley.

Juan 12:34

Ket dito toltoley, kinunen da, “Ngem kunen na met iya Linteg tida nga agbiyag kanu ka agnanayun ya Kristu. No tutu yan, ape̍ kunem mun nga masapul nga maibayug ya Anac nga Naipatoley? No tutu nga agnanayun ya Kristu, nagan ngarud nidi nga Anac nga Naipatoley nga kunem?” kunen da.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Aramid 16:17

Nip-ipuyut met yan nga balasang dakami de̍ Pablu, se̍ nip-ipkaw na nga kinunen na, “Didi nga toley, e̍ Apu Diyus nga Kangatuwan ya agsirsirbiyan da, ket inumbe̍t da nga mangipakaemmu dakayu no nagan niya pakaisalakanan nu,” kunen na.

Aramid 2:30

Isa nga mammadtu to Ari Dabid kadito nipaikagi ne̍ Apu Diyus igina. Ket naemmuwan na ya kari ne̍ Apu Diyus igina, ta nikari ne̍ Apu Diyus ka napasnec ito Dabid nga pagbalinen na nad nga ari ya isa kadiya kapututan nito Dabid, nga agten mettas iya panagari nito Ari Dabid.

Aramid 2:36

“Dikad pe̍ kapadpadac nga Israe̍lita, maemmuwan tida kuma nga nalaingin nga e̍ Je̍sus nga nipailansa nu ka krus, igina mettin ya dinutukan ne̍ Apu Diyus nga Apu se̍ Kristu.” Itu ya nipakaemmu ne̍ Pe̍dru.

Aramid 7:48

“Ngem e̍ Apu Diyus nga Kangatuwan, bekken met nga pagdaydayawan nga inariman toley ya tutu nga pagedyanan na. Ta agten ito kinunen nito isa nga mammadtu itun, nga nipaikagi ne̍ Apu Diyus igina nga kinunen na,

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Paltiing 3:7

“Ket idi ya isurat mu iya anghe̍l nga agay-aywan iya bungguy mamati ka Pilade̍lpiya: “Itu yan ya kunen niya awan basul na se̍ napudnu iya imatang ne̍ Apu Diyus. Igina pe̍ ya agiturayin iya pagiturayan nito Ari Dabid, nga arig nga igina ya mangik-ikem iya tulbec niyan nga pagariyan. Ket no ilukat na ya giset na, ket pulus nga awan makaigiset tin. Ket no igiset na, awan met makailukatin. Agten idi ya kunen na: