Lukas 1:20 - Ya Baru nga Tulag

²⁰ Ngem ita, gapu ta di ka met namati ito nibagac ikew, maumel ka met, nga madi ka makakagi yin, agingga nga di pekkem mapasamac yan nga nibagac. Ket matungpal nad ngarud met no timpu na,” kunen na.

Lukas 1:20 Iomraidhean Croise

Markus 16:14

Ket itun, nagpasingen pe̍ nge̍ Je̍sus kadito sangapulu ket isa nga adalan na, ito nagsasangu da nga mangmangan. Ket dinanengdengngan na da ngarud gapu ta di da gabay ya mamati, se̍ gapu ta nasukir da. Ta madi da met namati iya kagi dito nakasingen igina kalpasan nito panagungar na.

Markus 9:19

Ket kinunen met ne̍ Je̍sus igida, “Ay, dakayu nga toley ita nga timpu! Ape̍ nga awan panamati nu? Masapul kad nga agedyan nac pekkem dakayu ka mabayag? Masapul kad nga mabayag pekkem ya panaganus ku dakayu? Ala, e̍lbe̍t nu ngarud iyaken ya ebbing!” kunen na.

Lukas 1:19

Ket kinunen nito anghe̍l, “Iyaken nge̍ Gabriye̍l nga agsirsirbi iya imatang ne̍ Apu Diyus. Naibon nac met tasun makitbar rac ikew, nga ibagac ikew yani nga damag nga makaparagsac.

Lukas 1:21

Ket dito toltoley iya ruwar niya Te̍mplu nga ag-agton e̍ Sakaryas, nasdaawan da mettin gapu ta nabayag nga unay iya uneg nito pagdayawanin.

Lukas 1:22

Ket ito rinumwarin, madi met makakagi igidan, ket itu ya nakaemmuwan da nga uwed nagpasingen igina iya uneg niya Te̍mplu. Ket sininyasan na da ngas, ta naumel met nga tutu win.

Lukas 1:45

Nagasat ka ngarud pe̍, ta pinatim met nga matungpal nga tutu to naibaga ikew nga gayat iya Apu,” kunen na.

Lukas 1:64

Ket iyan mettas nga kanitu, nalaingan met to kinaumel ne̍ Sakaryasin. Ket makakagi ngarudin, nga nidaydayaw na ngarud nge̍ Apu Diyusin.

Ruma 3:3

Ngem no bekken nga mapagtalkan diya duduma nga Hudyu iya kagi ne̍ Apu Diyus, nagan ngata ya wanglen ne̍ Apu Diyusin? Babawiyen na aya ya kagi na?

2 Timutyu 2:13

Ket orey no nakapsut ya panamati tida, tungpalen na pekkem ya kagi na, ta madi mabalin nga baybay-an na ya bukud na nga panggep.”

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

Paltiing 3:19

Ket maemmuwam kuma nga balakadac se̍ palinteggec met diya ay-ayatec. Dikad pe̍ agpasnec ka kuma ngarud, ket ibabawi mun diya basbasul mu.