Lukas 1:2 - Ya Baru nga Tulag

² Nisurat da sigun mettas kadito naipadamag dactida, nga nibaga dito nakasingen kaditun nanipud ito damu, nga igida pe̍ diya nangikaskasaba iya kagi ne̍ Apu Diyus.

Lukas 1:2 Iomraidhean Croise

Markus 1:1

Agten idi to pangrugiyan niya Makaparagsac nga Damag maipanggep e̍ Je̍su Kristu nga Anac ne̍ Apu Diyus.

Markus 16:20

Ket dito adalan na, pimanaw da ito edyan da, nga nawe̍ da ngarud nangaskasaba kadiya amin nga luglugar. Ket ya Apu, tinulungan na da ngarud pe̍, ta nipanecnec na ya kinapudnu dito nikasaba da, gapu kadiya pagilasinan nga naibulun kadiya panangikasaba da iya kagi na.]

Markus 4:14

“Agten idi ya banag na: To panagiwaris nito nagmula ka eggic, itu ya panangipadamag iya kagi ne̍ Apu Diyus.

Lukas 24:48

Ket dakayu mettas ya mangipakaemmu iya pudnu maipanggep kadidi nga banbanag.

Juan 15:27

Ket dakayu met pe̍ diya mangipakaemmu iya kinapudnu maipanggep iyaken, ta dakayu met diya nibulubulun iyaken manipud ito damu.”

Juan 16:4

Tutu met nga mapasamac nad diyan, ngem nibagac dakayun tasun nad no dumateng da dakayu, malagip nu kuma nga nibagac dan dakayu. Madic nipakaemmu diyan dakayu ito damu, gapu ta uwed dac pekkem itun dakayu.”

Aramid 1:3

Kalpasan nito pannakatey na, nagpaspasingen nge̍ Je̍sus igida ka unus eppat nga pulu nga algew, ket adu diya pammanecnec na tasun mapanecnekkan da nga tutu nga nagungarin. Nasingen da ngarud nge̍ Je̍sus, ket nilawlawag na igida ya maipanggep iya panangituray ne̍ Apu Diyus.

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 14:25

Ket nikasaba da pe̍ ya kagi ne̍ Apu Diyus ka ili nga Pe̍rge̍, ket kalpasan na, nawe̍ da ka ili nga Atalya.

Aramid 16:6

Ket mawe̍ de̍ Pablu kuma ka prubinsiya nga Asiya tasun mangikasaba da antuni iya kagi ne̍ Apu Diyus, ngem pinaritan met niya Ispiritu Santu da. Itu nga nawe̍ da pinasyar ya prubinsiya nga Prigya ngin, se̍ ya prubinsiya nga Galasiya.

Aramid 17:11

Ket dito Hudyu ka Be̍rya, nanacnacman da ngem kadito iTe̍salunika, ta gabay da nga unay ya agdengngeg iya kagi ne̍ Apu Diyus. Ket inalgew nga ad-adalen da ya Bibliya, tasun mapanecnekkan da no pudnu dito isursuru de̍ Pablu.

Aramid 26:16

Ngem itan, gumnukat kan. Idi ya gapu nga nagpasingen nac ikew: tasun dutukan naka nga katulungac, se̍ tasun mangipakaemmu ka iya nasingem ita maipanggep iyaken, se̍ tasun ipakaemmum pe̍ diya ipasingec nad pekkem ikew.

Aramid 4:20

Ta no dakami, madi met mabalin no madi kami ibaga dito nagicna mi se̍ nasingen mi,” kunen da.

Aramid 8:4

Ket dito mamati nga naiwarawara, nikaskasaba da ya Makaparagsac nga Damag maipanggep iya kagi ne̍ Apu Diyus kadiya amin nga il-ili nga napennan da.

Ruma 15:16

Ta nisaad nac ngarud nga agsirsirbi e̍ Kristu Je̍sus para kadiya bekken nga Hudyu. Agsirsirbi yac kunec, ta gapu iya panangikaskasabac iya Makaparagsac nga Damag, iyarig ku met yani nga wangel ku kadiya wangel diya agsirsirbi iya Te̍mplu. Ta ipaay ku e̍ Apu Diyus diya bekken nga Hudyu nga mamati yin, nga arig nga igida ya idatun ku e̍ Apu Diyusin. Ket igida, maiyarig da nga pagdatun nga makaay-ayu ngarud e̍ Apu Diyus, ket nagbalin dan nga agpaay igina gapu iya Ispiritu Santu.

1 Kurintu 4:1

Ket no dakami, ibilang dakami kuma nga agsirsirbi e̍ Kristu, se̍ natalec nga mangipacpakaemmu kadiya pangpanggep ne̍ Apu Diyus nga di na pekkem nipakaemmu itun.

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

1 Pe̍dru 5:1

Dikad pe̍, gapu kadiyan nga banbanag, uwed ibagbagac dakayu nga panglakayen diya bungguy diya mamati. Ta iyaken ya isa nga pada nu nga panglakayen, se̍ isa ngac pe̍ nga nakasingen kadito pannakaparparigat ne̍ Kristu. Se̍ iyaken pe̍ ya isa nga maibulun nad igina iya pakaidayawan na nga dandani maipasingen nin.

2 Pe̍dru 1:16

Bekken met nga sarsarita nga pinataud ngas niya nasirib nga toley to nisuru mi dakayu, ito nipakaemmu mi dakayu ya pannakabalin niya Apu tida nga Je̍su Kristu se̍ ya umbe̍t na nad manin. Bekken ngarud nga agten iyan, ta dakami mettas ya mismu nga nakasingen iya dackel nga kinaturay na.