Lukas 1:17 - Ya Baru nga Tulag

¹⁷ “Ket mon-ona nad nga maibon ya anac nu ngem iya Apu, ket maidalan nad iya pannakabalin niya Ispiritu ne̍ Apu Diyus, nga agten ito pannakabalin nga uwed ito mammadtu nga E̍lyas itun. Pagtutunusen nad niya anac nu diya am-ama se̍ diya an-anac. Palinteggen na nad diya nasukir ya panpanunut da, ka panunut nga nalinteg. Ket iya agten iyan, paisagana nad niya anac nu diya toltoley, tasun uwed da nga nakasagana iya umbe̍tan niya Apu,” kunen nito anghe̍l.

Lukas 1:17 Iomraidhean Croise

Matyu 11:14

Ket no gabay nu, patiyen nu ngarud nga e̍ Juan, itu mettas to E̍lyas nga nipadtu da nga umbe̍t.

Matyu 14:4

Ta to Juan, nibagbaga na ngamin e̍ Ari He̍rude̍s itun, nga pe̍yeng na nga kinunen nga, “Bekken ngarud nga nalinteg ya winangel mu, nga inasawam yan nga babey,” kinunen na met itun.

Matyu 3:3

E̍ Juan mettas to kinunen nito mammadtu nga Isayas itun, ito kinunen na, “Enna away, uwed mangip-ipkaw nga kunen na, ‘Isagana nu ya dalan niya Apu! Palinteggen nu ngarud ya dalanen na!’”

Matyu 3:4

Ket to Juan, nagkawwes met ka kawwes nga naariman ka dutdut kame̍lyu, se̍ nagbarikes ngas ka lalat. Ket ya kanen na, sisibew se̍ digu yukan.

Lukas 1:16

Adu nad kadiya Israe̍lita ya pasoliyen na iya panamati da iya Apu nga Diyus da.

Lukas 1:76

Ket ikew, anac ku, maawagan ka nad ka mammadtu nga agpaay iya Kangatuwan. Ta mon-ona ka nad ngem iya Apu, tasun isaganam diya toltoley iya umbe̍t na,

Juan 1:13

Ket dito nagbalin nga anac ne̍ Apu Diyus, bekken nga gapu iya kadawyan nga pannakaiyanac da ka toley, winno gapu iya tarigagay niya kinatoley winno ya tarigagay niya kinalalaki, no di lugud gapu was iya pannakabalin ne̍ Apu Diyus.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 3:28

Dakayu mettas ya makapanecnec nga tutu nga kinunec itun nga, ‘Bekken nga iyaken ya Kristu, no di lugud naibon nac ngas nga agonona sacbay niya panagparang na,’ kunec met itun.

Aramid 10:33

“Itu nga sigida nga pinaayaban naka, ket gapu iya panangaasim, inumbe̍t kan. Ket itan, naguurnung kami nga amin nga sidadayaw iya imatang ne̍ Apu Diyus, tasun aggigicna kami kadiya amin nga paikagi niya Apu ikew,” kunen ne̍ Kurne̍lyu.

Ruma 9:23

Ket inanusan na ngarud nga siaasi dito toley, tasun maipakaemmu na ya nakaskasdaaw nga kinadayaw na. Ket diya kaasiyan na, itu pe̍ diya iraman na nad iya pannakapadayaw na, ta sigud nga panggep ne̍ Apu Diyus itun pekkem nga didi diya mapadayawan.

Kulusas 1:12

Ta ikarkararag mi nga siaanggem kayu kuma nga agyaman iya Ama, nga igina met ya namagbalin dactida nga maikari nga mairaman iya pannakagun-ud diya toley na nga uwed iya wada.

2 Timutyu 2:21

Arig tida met pe̍ nga iyan, ta ya umadeyyu kadiya nakal-alyew nga banbanag, maiyarig iya isa kadito napateg nga alikamen nga mausar kadiya orey nagan na nga napateg nga panggep niya akin-kuwa igina. Ket awan met sabali nga mabalin nga mangusar iyan, no di ngas ig-igina nga akin-kuwa.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

1 Juan 2:28

Ket itan, an-anac ku, silalagip kayu kuma ngarud e̍ Je̍su Kristu, tasun nad no agparang manin, sinanama tida kuma. Ket iya agten iyan, madi tida nad malyew iya imatang na no umbe̍tin.

Paltiing 20:4

Ket uwed da pe̍ nasingec itun nga truntrunu. Ket nagtugtugew kadito truntrunu diya nae̍cdan ka turay nga mangukum. Ket nasingec met pe̍ diya kararuwa dito napatpatey nga naputul diya ulu da, gapu iya panangipakaemmu da iya pudnu maipanggep e̍ Je̍sus se̍ iya kagi ne̍ Apu Diyus. Didi diya madi pe̍ nagdaydayaw itun ito nakan-ansing nga animal se̍ ito bultu na, se̍ madi da pe̍ pinamarkaan diya muging da winno ima da ito marka nito nakan-ansing nga animal. Ket didi nga toley, napagungar da mettin, se̍ da nakipagturay e̍ Kristu ka unus sangaribu nga dagun.