Kulusas 4:5 - Ya Baru nga Tulag

⁵ Ket no maipanggep iya panagbiyag nu iya imatang diya madi pekkem mamati, ket nasirib kayu kuma, nga usaren nu ngarud ka nabaru diya amin nga gundaway nu igida.

Kulusas 4:5 Iomraidhean Croise

Matyu 10:16

“Ket ita, ya panangibon ku dakayu, ket arig mettas nga uwed karne̍ru nga iturung ku iya edyan diya atap nga asu nga nauyung. Itu nga agsalsalingag kayu kuma ngarud nga arig nga malaga, se̍ nanacman kayu kuma pe̍ nga arig nga kalapati.

Markus 4:11

Ket kinunen ne̍ Je̍sus igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray ne̍ Apu Diyus. Ngem diya bekken na nga kameng, biig nga pangngarig ngas ya maisuru igida.

Ruma 16:19

Ngem no dakayu, agdindinamag ya panagtungpal nu iya pammati tida, ket itu ya gapu na nga maragsakan nac gapu dakayu. Ket gabay ku no diya nabaru kuma ngas ya emmu nu nga tungpalen. Ket no maipanggep iya dake̍c, madi kayu kuma pulus nga padasen nga gennung.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

1 Te̍salunika 4:12

Agten iyan ya wanglen nu kuma ngarud, tasun raemmen nakayu diya di pekkem mamati, se̍ tasun bekken kayu nga siaadeng kadiya duduma iya kasapulan niya panagbiyag nu.

1 Timutyu 3:7

Ket masapul pe̍ nga naraem kadiya madi mamati, tasun awan pakaiyal-alyewwan na, nga itu ya maiyarig iya isa nga ilug niya diyablu nga mangsilu igina.

Santiyagu 1:5

Ket no uwed dakayu ya agkurang ka kinasirib na maipanggep kadidi, ikararag na kuma nga adngen e̍ Apu Diyus, ket suruwan ngarud ne̍ Apu Diyus. Ta manage̍cde̍ nge̍ Apu Diyus kadiya amin nga toley, se̍ madi na paalyewwen diya agadeng igina.

Santiyagu 3:13

No uwed dakayu ya isa nga nasirib se̍ nalaka nga makaawat, ipasingen na kuma ya kinasirib na gapu iya panagbiyag na nga napaw-is se̍ kadiya panagwangel na ka nabaru, gapu iya kinasirib na nga mange̍cde̍ ka kinapakumbaba.

Santiyagu 3:17

Ngem ya kinasirib nga agtaud e̍ Apu Diyus nga uwed ka langit, itu ya kinasirib nga pagtaudan diya agten kadidi: ya napudnu nga banbanag, nga itu ya kangrunaan, se̍ ya panagtutunus, panagtanang se̍ panagtuluc. Ket itu pe̍ ya pagtaudan niya panangaasi se̍ ya panagwangel ka nabaru, nga awan panangiduma winno panaginpupudnu na.

1 Pe̍dru 3:1

Ket dakayu nga siaasawaan nga babey, rebbeng nu ya paiturayan kadiya asawa nu. Ta orey no uwed asawa nu nga madi da gabay ya mamati iya kagi ne̍ Apu Diyus, bareng no mamati da nad mettas, no masingen da diya nabaru nga ug-ugali nu nga as-asawa da, orey no awan ikagi nu igida.