Kulusas 4:4 - Ya Baru nga Tulag

⁴ Ikarkararag nu kuma ngarud nga mailawlawag ku kuma nga nalaing yani nga ikasabac, sigun iya rebbeng niya saad ku.

Kulusas 4:4 Iomraidhean Croise

Aramid 4:29

Ket itan, Apu, emmum pe̍ ya pamanpansing da dakami. Tulungan nakami kuma, dakami nga agsirsirbi ikew, tasun agtured kami kuma nga mangibaga latta iya kagim.

Aramid 5:29

Ket simungbat ngarud nge̍ Pe̍dru se̍ diya duduma nga apustule̍s nga kinunen da, “Napatpateg met dakami ya panagtungpal e̍ Apu Diyus ngem iya panagtungpal iya bilin toley.

2 Kurintu 3:12

Ket gapu ta agten iyan ya namnama mi maipanggep iya ipadamag mi, agtalged kami nga unayin iya panangipakaemmu mi.

E̍pe̍su 6:20

Ta ya Makaparagsac nga Damag, itu ngarud ya pakaibonac, nga isa ngac nga mangipacpakaemmu, orey nakakawar rac ita idi nga pagbaludan. Ket itu nga ikarkararagan dac kuma, tasun natured dac nga mangipakaemmu iya Makaparagsac nga Damag maikanatad iya rebbeng ku nga wanglen.

Kulusas 4:5

Ket no maipanggep iya panagbiyag nu iya imatang diya madi pekkem mamati, ket nasirib kayu kuma, nga usaren nu ngarud ka nabaru diya amin nga gundaway nu igida.

Kulusas 4:6

No makitbar kayu igida, naalumamay kuma nga pe̍yeng ya panagkagi nu, nga arig nga sida nga naasinan, tasun makapaawis kuma igida. Ta no agten iyan, sisasagana kayu ngarud ka kustu nga isungbat nu kadiya orey nagan na nga agsaludsud dakayu.