Kulusas 4:3 - Ya Baru nga Tulag

³ Ket ikarkararagan dakami kay pe̍, tasun e̍cdan nakami nge̍ Apu Diyus ka gundaway iya panangipakaemmu mi iya kagi na. Ta maikasaba mi kuma ya panggep na maipanggep e̍ Kristu, nga madi pekkem naipakaemmu itun. Ket itu pe̍ yan ya gapu na nga uwed dac nga sibabaludin.

Kulusas 4:3 Iomraidhean Croise

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Aramid 14:27

Ket ito nakadateng de̍ Pablu ka Antiyakiya ngin, pinagurnung da ya bungguy mamati, nga nisalaysay da igida dito amin nga nipawangel ne̍ Apu Diyus igida, se̍ to gundaway nga mamati diya bekken nga Hudyu.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

1 Kurintu 16:9

Agedyan nac pekkem ngarud idi, ta adu nga tutu ya paglaingan niya wangel ku ennidi, ket kamuwec kuma ngarud. Ngem adu pe̍ diya mangkuntra kadiya isursuruc ennidi.

1 Kurintu 4:1

Ket no dakami, ibilang dakami kuma nga agsirsirbi e̍ Kristu, se̍ natalec nga mangipacpakaemmu kadiya pangpanggep ne̍ Apu Diyus nga di na pekkem nipakaemmu itun.

2 Kurintu 2:12

Ket ito nawe̍ yac ka Truwas tasun mangikasaba ngac iya Makaparagsac nga Damag maipanggep e̍ Kristu, nadateng ku ya gundaway ku antuni nga nangariman iya nangibonan niya Apu iyaken.

E̍pe̍su 3:1

Itu ya gapu na nga iyaken nga Pablu, uwed dac idi nga nakaibaludac. Naibalud dac ngarud gapu mettas iya isusurut ku e̍ Kristu Je̍sus iya pannakaibon ku nga mangipakaemmu maipanggep igina dakayu nga bekken nga Hudyu.

E̍pe̍su 3:3

Ta gapu iya nangiparangarang ne̍ Apu Diyus, nipakaemmu na iyaken ya panggep na nga madi pekkem naipakaemmu itun. Ket itu ya banag nito e̍teng nga naisurat ku dakayun.

E̍pe̍su 3:4

Ket no mabasa nun, maawatan nu ngarudin ya agten mettas nga pannakaemmuc maipanggep iya panggep ne̍ Kristu, nga bekken pekkem nga naipalawag itun.

E̍pe̍su 3:9

Ket iyaken pe̍ ya pinili na nga mangipalawag kadiya amin nga toley maipanggep iyan nga panggep ne̍ Apu Diyus nga madi pekkem naipakaemmu itun. Ta agingga ita nga timpu, e̍ Apu Diyus nga namarsuwa ka amin, igina ngas met ya makaemmu iyan nga panggep na.

E̍pe̍su 4:1

Ket itan, iyaken, uwed dac iya pagbaludan nga idi gapu iya panagsirbic iya Apu. Ket sipapasnekkac nga mangbagbaga dakayu nga maitutup kuma ya ugali niya panagbiyag nu iya kinadayaw niya saad nu nga nangpiliyan ne̍ Apu Diyus dakayu.

Pilipus 1:19

Ket orey nad pe̍, maragsakan nac met, ta emmuc nga gapu kadiya karkararag nu, se̍ ya itutulung niya Ispiritu ne̍ Je̍su Kristu, ket agbanag ngarud ka pannakaisalakan ku amin didi nga panagrigrigat ku.

Pilipus 1:7

Ket rumbeng met ya agten iyan nga panangnamnamac maipanggep dakayu nga amin, ta patpatgen nakayu. Rumbeng ngarud gapu ta makikanunung kayu nga amin iya siaayat nga panangtulung ne̍ Apu Diyus iyaken, orey idi nga pannakaibalud ku, se̍ orey iya panangipanecnec se̍ panangikasabac iya kinapudnu niya Makaparagsac nga Damag.

Kulusas 1:26

Itu ya damag nga bekken pekkem nga naipakaemmu kadiya toltoley itun nga timpu. Ngem ita, naipakaemmu mettin kadiya toley na.

Kulusas 4:18

Ket iyaken mettas nga Pablu ya nangisurat idi nga nod-odi, nga itu ya pakumustac dakayu. Ikararagan dac kay iya pannakaibalud ku wi. Ket uwed kuma dakayu ya siaayat nga asi ne̍ Apu Diyus.

1 Te̍salunika 5:25

Kakabsat, ikarkararagan dakami kuma pe̍.

2 Timutyu 1:16

Ngem to One̍sipuru nga gennung, name̍n-adu nga liniwliwa nac, nga madi na niyalyew ya pannakaibalud ku. Itu nga ikararag ku nga kaasiyan kuma ne̍ Apu Diyus ya pamilya na.

2 Timutyu 2:9

Ket gapu ta ipalawag ku yan nga Makaparagsac nga Damag, itu ya gapu na nga uwed dac idi nga aglak-am ka rigatin, nga sibabalud dac kun nga sikakawar, nga arig nga isa nga managbasul. Ngem orey maigapus sac ennidi, madi nga gennung nga maigapus ya kagi ne̍ Apu Diyus.

2 Timutyu 4:2

Ket ya ibilin ku ikew, agten idi: Ipakaemmum nga pe̍yeng ya kagi ne̍ Apu Diyus orey no uwed pakarigatam. Mamagbaga ka nga ipalawag mu kadiya toley diya pagkurangan da. Mangilbec se̍ mamatigmaan ka. Ket iya panangtungpal mu kadiyan, siaanus ka kuma nga pe̍yeng iya panangisurum igida.

Pilimun 1:22

Ket iya agten iyan, adngec pe̍ nga isaganaan nac kay ka kuwartu nga pagedyanac iyan. Ta sinanama ngac nga kaasiyan nac nge̍ Apu Diyus, tasun makapen nac manin iya edyan nu, gapu mettas kadiya karkararag nu para iyaken.