Kulusas 4:12 - Ya Baru nga Tulag

¹² Ket e̍ E̍papras met pe̍, nga isa mettas dakayu, nga isa nga agsirsirbi e̍ Kristu Je̍sus, ket makikumusta kanu pe̍ dakayu. Ket pe̍yeng nga sipapasnec nga mangikarkararag dakayu e̍ Apu Diyus. Ta gabay na met no nabaked kuma ya panamati nu, se̍ awan nga pulus duwaduwa nu maipanggep iya orey nagan na nga tarigagayan ne̍ Apu Diyus dakayu.

Kulusas 4:12 Iomraidhean Croise

Matyu 5:48

Ngarud, dakayu, masapul nga agbalin kayu nga awan pagkurangan iya panagbiyag nu, nga agten mettas iya gangey niya nailangitan nga Ama nu, nga awan pagkurangan na.”

Lukas 1:1

Patgec nga Apu Tiyupilu, adu win diya nagisurat nga nangurnus ka istorya maipanggep kadito napasamac iya edyan mi.

Lukas 22:44

Ket nipaspasnec pekkem ne̍ Je̍sus ya panagkararag na, ta nadagsen nga unayin ya ricna na, ket naglinget met ka agten iya daga nga agtedted iya ginet tin.]

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Ruma 15:14

Ket ya kunec, kakabsat ku, awan panagduwaduwac maipanggep dakayu. Ta emmuc nga nanacman kayu nga tutu, se̍ naemmuwan nu pe̍ yin diya amin nga sursuru maipanggep iya pammati tida, ket makapagsisinnuru kayun.

Ruma 15:30

Ket kakabsat, ipacpakaasic dakayu nga makipagkararag kayu kay iyaken e̍ Apu Diyus. Ta gapu iya panamati tida iya Apu tida nga Je̍su Kristu, se̍ gapu iya panagiinnayat tida nga gayat iya Ispiritu ne̍ Apu Diyus, ipasnec nu kuma ya makipagkararag iyaken e̍ Apu Diyus maipanggep iya kasasaad ku.

1 Kurintu 14:20

Kakabsat, bekken kuma ngin nga arig nga panunut ebbing ya panagpanpanunut nu maipanggep kadidi. Ngem no maipanggep iya dake̍c, mayat met lugud no arig kayu nga ke̍bit, a. Ngem no iya panagpanunut nu, basta nanakem kayu kuma.

1 Kurintu 2:6

Ngem no kadiya nataengnganin ka panamati, agkagi kami ngarud ka nauneg nga panursuru igida. Ngem ya agten iyan nga kinasirib, bekken nga agten iya sirib diya toley winno diya agtuturay idi nga lubung. Ket didi nga agtuturay, mapukapukaw da ngas met.

2 Kurintu 13:11

Ket kakabsat, idi ya modi nga ibagbagac dakayu idi nga surat kun: Aganggem kayu ngas kuma. Ket palinteggen nu kuma ngarudin ya ugali nu, se̍ tungpalen nu kuma ngarud ya pamagbagac dakayu idi nga surat ku. Agkikinnaawatan kayu kuma, se̍ agtutunus kayu kuma pe̍. Ket no agten iyanin, uwed met dakayu nge̍ Apu Diyus, nga igina ya pagtaudan niya ayat se̍ talna.

Galasiya 1:10

Nitured ku nga nibaga ya agten iyan, ta bekken met nga ya beggic ya gabay ku nga padayawen. Ya iyaannamung ne̍ Apu Diyus lugud ya sapsapulec kadidi nga nibagac. Bekken ngarud nga toley ya gabay ku nga ay-ayuwen kadidi nga nibagac, ta no toley kuma ya gabay ku nga ay-ayuwen, bekken met nga e̍ Kristu ya pagsirsirbiyac kun.

Galasiya 4:19

Dakayu nga arig nga an-anac kun, masakitan ya nakem kun gapu dakayu, nga maiyarig iya pannakapasakit niya isa nga babey nga agpakiskis nga aganac. Ket agten iyan ngarud ya panagrigat ku gapu dakayu, agingga nga ya gangey ne̍ Kristu kuma ngin ya mangituray nga pe̍yeng dakayu.

Kulusas 1:22

Ngem itan, pinagbalin nakayu nge̍ Apu Diyus nga naitunus iginan, gapu ito ipapatey niya naipatoley nga Anac na para dactida, tasun maisangu kayu iya imatang na, nga nadalus kayu nga awan mansa winno pakababalawan nu.

Kulusas 1:28

Ket e̍ Kristu met ya ikaskasaba mi. Ibagbaga mi ngarud nga sipapasnec kadiya amin nga toley nga sumurut da kuma, ket se̍ suruwan mi met pe̍ diya amin nga toley sigun iya amin nga kinasirib mi nga mangipalawag. Ta gabay mi no awan kuma pagkurangan diya orey nagan na nga toley iya pannakitipun da e̍ Kristu.

Kulusas 1:29

Dikad pe̍ gapu iyan nga panggep ku, agbannug gac ngarud, ta ipakat ku ya amin nga bileg nga uwed iyaken gapu iya pannakabalin na nga mangpabileg iyaken.

Kulusas 1:7

Ket agten iyan ngarud, ta nasursuru nu yan e̍ E̍papras nga patpatgen mi nga kabulun iya panagsirsirbi mi, se̍ nalagon nga agsirsirbi e̍ Kristu. Ket e̍ E̍papras, igina met ya pannakabeggi mi nga agsirsirbi dakayu.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 4:9

Ket kabulun na pe̍ nga mawe̍ iyan nge̍ Une̍simu, nga isa met pe̍ nga managtungpal, se̍ patpatgen tida nga kabsat, se̍ kailiyan nu mettas. Ket igida nad diya mangipadamag dakayu kadiya amin nga mapaspasamac idi.

1 Te̍salunika 5:23

Sapay kuma ta palinteggen nakayu nge̍ Apu Diyus nga mange̍cde̍ ka talna na, tasun awan nga pulus maipabasul dakayu. Ket aywanan na kuma pe̍ diya nakem nu, diya biyag nu, se̍ diya beggi nu, tasun mailisi kuma didi iya amin nga pagbasulan. Agten iyan kuma agingga mettas iya umbe̍t niya Apu tida nga Je̍su Kristu.

Pilimun 1:23

Ket kumusta ka kanu, kunen ne̍ E̍papras nga padac nga balud idi maigapu iya panamati na e̍ Kristu Je̍sus.

He̍briyu 5:14

Ngem ya adal nga maiyarig iya nasgat nga makan diya manacman, itu ya gabay diya manakem iya panamati dan, nga itu diya naruwam iya panagilasin iya nabaru se̍ iya dake̍c kin.

He̍briyu 5:7

Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

Santiyagu 1:4

Ket aganus kayu kuma nga pe̍yeng, tasun napaw-is ya panagbiyag nu, se̍ tasun naan-anay kayu kadiya amin nga panagibtur nu, nga awan pagkurangan nu kadidi nin.

Santiyagu 5:16

Itu nga no uwed agsakit dakayu, ket ya tunggal isa dakayu, ipakaemmu na kuma nga situtulnug diya basul na, kadiya pada na nga mamati. Se̍ agkikinnararag kayu kuma tasun maagasan kayu. Ta dackel nga unay ya maitulung niya napasnec nga kararag niya toley nga naibilang nga nalinteg.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.