Kulusas 4:1 - Ya Baru nga Tulag

¹ Ket dakayu nga amu diya tagabu, ipaay nu was ya nalinteg se̍ rumbeng kadiya tagabu nu. Ta laglagipen nu kuma nga uwed met pe̍ Apu nu, nga uwed ka langit.

Kulusas 4:1 Iomraidhean Croise

Matyu 20:4

Ket kinunen na igida, ‘Mawe̍ kayu pe̍ agwangel enna kaubasac, ket tangdanan nakayu mettas ka kustu,’ kunen na. Ket nawe̍ da ngarudin.

Lukas 19:15

“Ngem naisaad nga tutu to mabigbig nga toley iya kinaari na. Ket kalpasan na, simoli ngarud ito pagiliyan na. Ket pinalbe̍t na dito tagabu na nga ne̍cdan na ka kuwarta, tasun emmuwen na no piga ya naganansiya da.

Santiyagu 2:13

Tutu met yan, ta madi nad kaasiyan ne̍ Apu Diyus ya toley nga awan kaasi na. Ngem ya managkaasi, ket awan pakaukuman na.

Santiyagu 5:4

Ket ita, lagipen nu ngarud diya mangmanglu dakayu nga sinikapan nu. Ta orey nagwangel da kadiya laplapug nu, madi nu da tinangdanan. Ket arig nga mangpabasul dakayu diya sulsulag dan. Ket agten pe̍ diya pinaggani nu, lagipen nu da ngarud. Ta e̍ Apu Diyus nga Mannakabalin ka amin, dengdenggen na mettin diya sulsulag dan.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.

Paltiing 19:16

Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”