Kulusas 3:6 - Ya Baru nga Tulag

⁶ Pakaungtan ngarud ne̍ Apu Diyus diya agten kadiyan nga dake̍c.

Kulusas 3:6 Iomraidhean Croise

Ruma 1:18

Ket iya agten iyan, ipasingen met ne̍ Apu Diyus ya unget na nga pangukum na manipud ka langit kadiya amin nga managbasul se̍ managdacdake̍c. Didi nga toley, kuntraen da ya kinapudnu gapu iya kinadake̍c da.

E̍pe̍su 5:6

Ket madi kayu ngarud ipalubus nga masikapan kayu kadiya toley nga awan mamaay niya panagkagkagi da maipanggep kadidi nga kinadake̍c. Ta ya kinapudnu na, gapu kadidi nga kinadake̍c, madusa ngarud diya agsukir e̍ Apu Diyus, nga lak-amen da ya unget na.

1 Pe̍dru 1:14

Ket ita, gapu ta anac nakayu nge̍ Apu Diyusin, agtudyu kayu ngarud igina. Ket madi kayu ngarud ipalubusin nga maturayan diya beggi nu kadiya dake̍c nga tarigagay nga tinungtungpal nu ito madi kayu pekkem makaawat itun.

2 Pe̍dru 2:14

Pe̍yeng nga dake̍c ya mapanunut da no makasingen da ka babey nga bekken da nga asawa, ket madi da met makasardeng iya panagbasul da. Mangawis da kadiya toley nga nakapsut ya panamati na, ket kabisadu da pe̍ yin ya agagum. Igida met diya pakaipaayan niya panangukum ne̍ Apu Diyus!

Paltiing 22:15

Ngem diya malaskig nga gennung ito siyudad, itu diya bekken nga nadalus nga maiyarig ngas ka asu, se̍ diya makibiyang kadiya sacsairu winno iya panaggamut, se̍ diya makikamalala, se̍ diya pumapatey, se̍ diya agdaydayaw kadiya didiyusen se̍ diya mangipalubus ka busid winno diya managbusid pe̍.