Kulusas 3:16 - Ya Baru nga Tulag

¹⁶ Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

Kulusas 3:16 Iomraidhean Croise

Matyu 26:30

Ket nagkanta da nga nagdayaw e̍ Apu Diyus, se̍ da pimanaw iya siyudadin, nga nawe̍ da enna Tageytey Ulibu.

Lukas 2:51

Ket nibulun ngarud nge̍ Je̍sus igida nga nagawir enna Nasare̍tin, ket nagtudyu met nga pe̍yeng igida. Ket e̍ ina na, sinalimetmettan na ngarud amin didi nga pasamac.

Juan 15:7

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Ruma 10:17

Dikad pe̍ maemmuwan tida nga mamati diya toley gapu iya maipadamag igida. Ket ya panangipadamag kadiya toley, itu ya pakaemmuwan da maipanggep e̍ Kristu.

Ruma 15:14

Ket ya kunec, kakabsat ku, awan panagduwaduwac maipanggep dakayu. Ta emmuc nga nanacman kayu nga tutu, se̍ naemmuwan nu pe̍ yin diya amin nga sursuru maipanggep iya pammati tida, ket makapagsisinnuru kayun.

1 Kurintu 14:15

Dikad pe̍ agten idi ya wanglec kuma: No agkararag gac, ikararag ku ngarud ya ipakaemmu niya Ispiritu Santu iya panpanunut ku, ngem masapul met pe̍ nga maawatac kuma ya ibalikas ku iya kararag ku. Ket agten pe̍ no agkanta ngac sigun iya ipakaemmu niya Ispiritu Santu iyaken iya panpanunut ku, ket masapul nga maawatac kuma pe̍ ya banag niya kantaec.

1 Kurintu 14:26

Dikad pe̍ agten idi kuma ngin, kakabsat: No aggigimung kayu, tunggal isa dakayu, uwed met kabaellan na. Uwed da mangiyayug iya panagdayaw da e̍ Apu Diyus, se̍ uwed da mangisuru, se̍ uwed da mangipalawag iya kagi ne̍ Apu Diyus, se̍ uwed da pe̍ agkagi ka sabali nga pagkakagi, se̍ uwed da pe̍ mangipatarus kadiyan nga kagi. Ket amin didi, masapul nga agsirbi da nga mangpabileg iya panamati diya aggicgicna.

E̍pe̍su 1:17

Ngarud, gapu dakayu, agpacpakaasi yac e̍ Apu Diyus nga Diyus mettas niya Apu tida nga Je̍su Kristu se̍ ya madaydayaw nga Ama. Ipacpakaasic nga e̍cde̍ na kuma dakayu ya sirib se̍ pannakaawat nga gayat iya Ispiritu Santu, tasun makaawat kayu kuma maipanggep e̍ Apu Diyus.

E̍pe̍su 5:17

Itu nga bekken kayu kuma nga agten kadiya awan pannakaawat da, no di lugud agariman kayu kadiya emmu nu nga gabay niya Apu.

E̍pe̍su 5:19

Ket iya agten iyan, no agkagi kayu kadiya kapada nu, ket diya banbanag dito salsalmu se̍ kankanta nga pagdayaw nu iya Apu kuma ya banag niya kagi nu, agten pe̍ diya duduma nga kankanta nga agtaud iya Ispiritu Santu. Ket agkankanta se̍ agtuctukar kayu kuma gapu iya panagdayaw nga uwed iya lemlemmet nu maipanggep iya Apu,

E̍pe̍su 5:26

tasun madalusan tida nga bungguy na kadiya basbasul tida, gapu iya kagi na. Ta nipac nan diya basbasul tida nga bungguy na, nga arig nga inugasan nactida ka danum.

Kulusas 1:28

Ket e̍ Kristu met ya ikaskasaba mi. Ibagbaga mi ngarud nga sipapasnec kadiya amin nga toley nga sumurut da kuma, ket se̍ suruwan mi met pe̍ diya amin nga toley sigun iya amin nga kinasirib mi nga mangipalawag. Ta gabay mi no awan kuma pagkurangan diya orey nagan na nga toley iya pannakitipun da e̍ Kristu.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 4:6

No makitbar kayu igida, naalumamay kuma nga pe̍yeng ya panagkagi nu, nga arig nga sida nga naasinan, tasun makapaawis kuma igida. Ta no agten iyan, sisasagana kayu ngarud ka kustu nga isungbat nu kadiya orey nagan na nga agsaludsud dakayu.

1 Te̍salunika 1:8

Ket gapu dakayu, bekken nas nga ka Mase̍dunya se̍ Akaya ya nagwarasan niya damag maipanggep iya Apu, no di lugud nagdindinamag pe̍ yin kadiya amin nga edyan ya panamati nu e̍ Apu Diyus. Itu nga orey awan idga mi nga kagiyen kadiya toley kadiya duduma nga luglugar.

1 Te̍salunika 4:18

Dikad pe̍ itan, agpipinnabileg kayu kuma kadiyan nga kagi.

2 Te̍salunika 3:15

Ngem madi kayu kuma ibilang nga kagura nu, no di lugud patigmaanan nu kuma, nga ibilang nu met nga kabsat nu.

1 Timutyu 6:17

Ket no maipanggep kadiya babacnang, ibagam igida nga di da kuma tumangsit gapu iya kinabacnang da. Ta napateg ngas idi nga lubung yan nga kinabacnang da, ket nalaka pe̍ nga mapukaw nad mettas. Bekken kuma nga itu ya namnamaen da, no di lugud e̍ Apu Diyus. Igina ya paggayatan diya amin nga pakaragsakan tida, nga igina met ya manage̍cde̍ kadiya amin nga kasapulan tida.

2 Timutyu 3:15

Malagip mu pe̍ nga manipud ito kinaebbing mu, ket nasuruwan kan kadito nipaisurat ne̍ Apu Diyus. Ta ya naisurat iya Bibliya, itu ya makae̍cde̍ ka pannakaawat mu maipanggep iya pannakaisalakan gapu ka panamati e̍ Kristu Je̍sus.

Titu 3:6

Ket e̍ Apu Diyus, madi na kinake̍ngan to panangiyalubu na iya Ispiritu Santu dactida, gapu ito inariman ne̍ Je̍su Kristu nga Mangisalakan dactida.

Santiyagu 1:5

Ket no uwed dakayu ya agkurang ka kinasirib na maipanggep kadidi, ikararag na kuma nga adngen e̍ Apu Diyus, ket suruwan ngarud ne̍ Apu Diyus. Ta manage̍cde̍ nge̍ Apu Diyus kadiya amin nga toley, se̍ madi na paalyewwen diya agadeng igina.

Santiyagu 3:17

Ngem ya kinasirib nga agtaud e̍ Apu Diyus nga uwed ka langit, itu ya kinasirib nga pagtaudan diya agten kadidi: ya napudnu nga banbanag, nga itu ya kangrunaan, se̍ ya panagtutunus, panagtanang se̍ panagtuluc. Ket itu pe̍ ya pagtaudan niya panangaasi se̍ ya panagwangel ka nabaru, nga awan panangiduma winno panaginpupudnu na.

Santiyagu 5:13

Agten idi kuma ya wangwanglen nu: No uwed dakayu ya isa nga agrigrigat, ket agkararag kuma. No uwed naragsac, agkanta kuma nga agdayaw e̍ Apu Diyus.

1 Juan 2:14

Agsurat tac pe̍ dakayu nga am-ama, gapu ta em-emmu nun ya uwed nga pe̍yeng orey ito panangrugi niya amin. Agsurat tac pe̍ dakayu nga babagu, gapu ta nabileg ya panamati nu e̍ Apu Diyus, se̍ silalagip kayu iya kagi na nga uwed nga pe̍yeng dakayu, ket se̍ gapu ta inabac nun ya managdacdake̍c.

1 Juan 2:24

Dikad pe̍ no dakayu, silalagip kayu kuma ngarud kadito naisuru dakayu, manipud ito damu nu pekkem nga mamati. Ta no pe̍yeng kayu nga silalagip kadiyan, pe̍yeng nu pe̍ nga laglagipen ya Anac se̍ ya Ama.

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

2 Juan 1:2

Ay-ayaten dakayu nga tutu maikanatad iya kinapudnu maipanggep e̍ Apu Diyus, ket silalagip tida nga pe̍yeng idi nga kinapudnu ita, se̍ ka agnanayun pe̍.

Paltiing 14:3

Ket ya naggayatan nidi nga uni, itu met diya nagkankanta iya isa nga kabarbaru nga kanta iya sangu nito trunu, se̍ iya sangu dito eppat nga sibibiyag nga parsuwa, se̍ dito panglakayen. Ket awan makabael nga mangadal iyan nga kanta, no di yas dito sangagasut eppat nga pulu ket eppat nga ribu nga nasubbut nga taga-lubung nga toley itun.

Paltiing 15:3

Ket nagkankanta da ito kanta nito Muyse̍s nga agsirsirbi e̍ Apu Diyus itun, se̍ kanta pe̍ niya Urbun Karne̍ru, nga kinunen da ito kanta da, “Apu Diyus, nga Apu nga Mannakabalin ka amin, madaydayaw se̍ nakaskasdaaw diya wangel mu! Ikew ya Ari diya nasnasyun. Nalinteg se̍ napudnu ya gangey mu!

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.

Paltiing 5:9

Ket dito naglakeb, kinanta da ya isa nga kabarbaru nga kanta. Agten idi to nikanta da: “Ikew ya maikari nga mamet iya nalukut nga pagbasaan se̍ mangipac kadito naikapet. Ta ikew ya napatey itun, ket gapu iya pannakaidaga niya beggim mettas, uwed da toley nga sinubbut mu nga nipaay mu e̍ Apu Diyus, nga gayat iya tunggal kapututan, pagkakagi, pagiliyan se̍ nasyun.