Kulusas 3:12 - Ya Baru nga Tulag

¹² Ket dakayu diya pinili ne̍ Apu Diyus, ket ibilang nakayu nga awan basbasul nun, se̍ patpatgen nakayu pe̍. Itu nga isaad nu kuma ngarudin iya beggi nu ya gangey nga naasi, naalumamay, napakumbaba, nasingpet se̍ naanus.

Kulusas 3:12 Iomraidhean Croise

Matyu 24:22

Ket gapu iya nakaru nga panagrigat iyan nga timpu, pulus nga awan nad toley nga makalasat, no madi mapae̍teng ya kabayag na. Ngem nalaing lugud ta gapu iya panangipateg ne̍ Apu Diyus kadiya pinili na nga toley, ket pae̍tngen na nad ngarud ya kabayag na.

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 24:31

Ket uwed nad magicna nga nabileg nga uni tangguyub manipud kadito ulep, ket itu nad ya panangibon na kadiya anghe̍le̍s nan. Ket mawe̍ diya anghe̍le̍s kadiya eppat nga pagtaudan niya belluut, nga urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Markus 13:20

Ket gapu iya nakaru nga panagrigat nad iyan nga timpu, pulus nga awan toley nga makalasat, no madi nga pae̍tngen ne̍ Apu Diyus ya kabayag na. Ngem nalaing lugud ta gapu iya panangipateg ne̍ Apu Diyus kadiya pinili na nga toley na, ket pae̍tngen na nad ngarud ya kabayag na.

Markus 13:22

Ta uwed da nad agparang nga sinan-Kristu se̍ sinan-mammadtu, ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma diya pinili ne̍ Apu Diyus nga toley na.

Markus 13:27

Ket manipud kadito ulep, ibon na nad diya anghe̍le̍s nga mawe̍ kadiya eppat nga pagtaudan niya belluut, tasun urnungen da nad diya pinili ne̍ Apu Diyus nga toley na. Ngarud, urnungen da nad da nga gayat kadiya amin nga parte̍ niya lubung.”

Lukas 1:78

gapu mettas iya siaanus nga panangngaasi ne̍ Apu Diyus. Ket itu nga umbe̍t nad ngarud dactida ya mangisalakan nga aggayat ka langit, nga arig nga malawaan tidan,

Lukas 18:7

Ket no e̍ Apu Diyus, di na ngarud pe̍ aya tulungan diya pinili na nga toley na, nga umaw-awag nga pe̍yeng igina orey algew se̍ gabi maipanggep iya pruble̍ma da? Ngarud, madi na met tactaken ya mangipakaemmu iya kinalinteg da.

Ruma 1:7

Itu nga isurat ku yani dakayu nga uwed ka Ruma, dakayu nga amin nga ay-ayaten se̍ pinili ne̍ Apu Diyus nga agbalin nga toley na nga naipaay igina. Sapay kuma ta uwed dakayu ya siaayat nga asi, se̍ talna, nga gayat e̍ Apu Diyus nga Ama tida se̍ e̍ Apu Je̍su Kristu.

Ruma 13:14

Ngem ya wanglen nu kuma nga gennung, ipada nu ngas ya ugali nu iya ugali ne̍ Apu Je̍su Kristu. Ket madi kayu palubusanin ya panangtungpal nu kadiya dake̍c nga tarigagay niya kinatoley nu.

Ruma 9:11

Ket ito di pekkem naiyanac dito singin, se̍ awan pekkem nawangel da itun, nga nabaru winno dake̍c, pinili ne̍ Apu Diyus to isa igida. Agten iyan ngarud, ta gabay ne̍ Apu Diyus no matungpal ya panggep na ito isa gapu ngas iya panangpili na igina, bekken nga gapu iya winangel toley.

1 Kurintu 13:4

Ket ya toley nga napudnu ya panagayat na kadiya kapada na, naanus se̍ naasi. Ya uwed napudnu nga ayat na, bekken pe̍ nga naimun, winno napangas, winno natangsit.

2 Kurintu 6:6

Ket ipasingen mi pe̍ nga pudnu kami nga agsirsirbi e̍ Apu Diyus gapu iya nadalus nga panagbiyag mi, se̍ iya pannakaemmu mi maipanggep iya panamati e̍ Kristu, se̍ iya panagpasinsiya se̍ panangngaasi mi ka toley, se̍ gapu iya kauwed niya Ispiritu Santu dakami, se̍ gapu pe̍ iya napudnu nga panagayat mi.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

E̍pe̍su 1:4

Ta orey ito sacbay nga naparsuwa ya lubung ngi, pinili nactidan nge̍ Apu Diyus, nga agbalin nga toley na nga nadalusan ka basul se̍ awan pakababalawan tida iya imatang na, gapu mettas iya pannakaitipun tida e̍ Kristu.

E̍pe̍su 4:2

Napakumbaba se̍ nanacman kayu kuma, se̍ naanus kayu kuma nga pe̍yeng, ket agpipinnase̍nsiya kayu kuma ngarud gapu iya panagiinnayat nu.

E̍pe̍su 4:24

se̍ sukatan nu kuma ngarudin to daan nga gangey nu ka kabarbaru nga parsuwa nga maipada iya gangey mettas ne̍ Apu Diyus, nga tutu nga nalinteg se̍ nadalus.

E̍pe̍su 4:32

Ket ya wanglen nu kuma lugud, ket itu ya agkikinnaasi se̍ agpipinnateg kayu, nga agpipinnakawan kayu nga agten mettas ito panangpakawan ne̍ Apu Diyus dakayu gapu iya pannakaitipun nu e̍ Kristu.

Pilipus 1:8

Ket e̍ Apu Diyus met ya makapanecnec maipanggep iya napalaus nga ayat ku dakayu, ta patpatgen nakayu ka panangipateg nga tumaud e̍ Kristu Je̍sus mettas.

Kulusas 3:10

Ket nisaad nu met itan ya kabarbaru nga gangey nun. Ket idi nga kabarbaru nga gangey nu, pe̍yeng nga mapabpabaru, gapu iya naadal nu maipanggep iya gangey ne̍ Apu Diyus, nga igina met ya pagtaudan na.

1 Te̍salunika 5:15

Laglagipen nu nga madi kayu balsen ka dake̍c diya agariman ka dake̍c dakayu. Ngem ya wanglen nu kuma nga gennung, ikarigatan nu lugud nga pe̍yeng ya agariman ka nabaru iya tunggal isa dakayu, se̍ orey kadiya amin nga toley.

2 Timutyu 1:9

Igina met ya nangisalakan dactida, se̍ igina pe̍ ya nangpili dactida nga agbalin nga toley na. Bekken nga gapu iya nawangel tida diyan, no di lugud gapu iya kabucbukudan na nga panggep se̍ siaayat nga asi. Ket nipaay na yani nga siaayat nga asi na dactida itun pekkem, gapu mettas e̍ Kristu Je̍sus, orey ito madi pekkem naparsuwa ya lubung.

2 Timutyu 2:10

Itu nga anusac ngas ya orey nagan na, para kadiya pinili ne̍ Apu Diyus nga toley na. Agten ngarud iyan ya wanglec, tasun maisalakan da pe̍ gapu e̍ Kristu Je̍sus nga mangiraman igida iya pannakapadayaw na nga madi agpatingga.

Titu 1:1

Iyaken nge̍ Pablu nga isa nga agsirsirbi e̍ Apu Diyus se̍ isa nga apustul nga agpaay e̍ Je̍su Kristu. Naibon nac nga mangpabileg iya panamati diya pinili ne̍ Apu Diyus nga an-anac na, se̍ tasun mangiturung ngac pe̍ igida iya kustu nga sursuru niya pammati tida, nga itu ya sursuru nga agiturung iya panagtungpal iya tarigagay ne̍ Apu Diyus.

1 Pe̍dru 1:2

Suratan nakayu nga napili na maikanatad iya sigud nga panggep ne̍ Apu Diyus nga Ama. Ket ya Ispiritu na, pinagbalin nakayu nga agpaay ngas igina, tasun sumurut kayu kuma e̍ Je̍su Kristu, se̍ tasun madalusan kayu gapu ito daga na, nga arig nga nawarsiyan kayu. Sapay kuma ta nawadwad ya siaayat nga asi, se̍ talna, nga gayat e̍ Apu Diyus nga naipaay dakayu.

2 Pe̍dru 1:10

Itu nga kakabsat, sipapasnec kayu kuma ngarud nga mangpatalged iya pannakapili se̍ pannakaisaad nu. Ket no agten iyan ya wanglen nu, awan ngarud pakairraduwan nu iya imatang ne̍ Apu Diyusin.

1 Juan 4:19

Ket no dactida, agayat tida ngarudin gapu ta nona nga inayat nactida nge̍ Apu Diyus.

2 Juan 1:13

Pakumustaan daka diya anac niya kabsat mu nga pinili ne̍ Apu Diyus.

Paltiing 17:14

Mawe̍ da nad met gubaten ya Urbun Karne̍ru, ngem abaken nad met niya Urbun Karne̍ru da, ta igina ngarud ya Apu diya amin nga ap-apu, se̍ ya Ari diya amin nga ar-ari. Ket diya kabulun na, igida diya naawis se̍ napili se̍ napudnu nga pasurut na,” kunen nito anghe̍l.