Kulusas 3:11 - Ya Baru nga Tulag

¹¹ Ket diya toley nga uwed igida yani nga kabarbaru nga gangey, awan pulus maibilang nga pagdudumaan niya kinatoley dan, orey bekken nga Hudyu man winno Hudyu, orey nakugit man winno diya madi agtungpal iyan nga ugali, agten pe̍ kadiya di pekkem makaemmu iya ugali Griye̍gu, se̍ diya taga-Sitya nga awan adal da. Ngarud, awan met pagdudumaan diya toley yin, orey tagabu man winno siwayawaya nga toley, ta e̍ Kristu met ya ibilang tida nga kangrunaanin, se̍ igina met ya katurayan ka amin.

Kulusas 3:11 Iomraidhean Croise

Juan 14:23

Ket kinunen ne̍ Je̍sus igina, “Agten idi: Ya agayat iyaken, agtungtungpal ngarud kadiya kagic. Ket ya agten iyan nga toley, ayaten pe̍ niya Amac. Ket iyaken se̍ ya Ama, umbe̍t kami agedyan igina.

Juan 15:5

“Ngarud, iyaken ya arig nga kunungan niya lanut niya ubas, ket dakayu diya sangsanga na. Ya naisilpu iyaken, nakasilpu wac met pe̍ igina. Ket adu nad diya maibisic na nga nabaru, ta awan mawangel nu no di yas gapu iyaken.

Juan 17:23

Naitipun nac igida. Ket ikew, naitipun ka met pe̍ iyaken tasun iya agten iyan, awan met pagkurangan niya panagkaykaysa da. Ket no agten iyan, maemmuwan ngarud diya toltoley iya lubung nga tutu nga nibon nac idi, se̍ maemmuwan da met pe̍ nga uwed panagayat mu kadiya mamati iyaken, nga agten met iya panagayat mu iyaken.

Aramid 15:17

tasun emmuwen pe̍ dito duduma nga toley ya maipanggep iyaken. Itu diyan diya pinilic kadiya bekken nga Hudyu nga agbalin nga toley kun.”

Aramid 28:2

Ket diya umili antuni, naasiyan da dakami nga unay. Nakigayyem da dakami nga amin. Niyapuyan dakami ka naginuduwan mi, ta agud-udan, ket nalmin met.

Aramid 28:4

Ket ito nasingen dito umili to nagita nga malaga nga gabe̍be̍sin pekkem ito ima ne̍ Pablu, kinunen da iya tunggal isa igida, “Isa nga pumapatey kid yan nga toley, ta orey madi nalibet ito baybay, matey mettin iya tumutup nga dusa na,” kunen da.

Ruma 1:14

Ta uwed rebbeng ku nga mangipakaemmu iya Makaparagsac nga Damag kadiya amin nga toltoley: kadiya makaemmu win iya ugali Griye̍gu, se̍ kadiya di pekkem makaemmu iyan, agten pe̍ kadiya uwed adal nan, se̍ kadiya awan adal na.

Ruma 10:12

Ket agpaay met yan kadiya amin nga toley, ta awan pakaidumaan iya imatang ne̍ Apu Diyus diya bekken nga Hudyu kadiya Hudyu. Ta ya Apu mettas ya Apu diya amin nga toley, ket ipaay na ya panagkaasi na kadiya amin nga umawag igina.

Ruma 3:22

Ket agten idi: Gapu iya panamati diya toltoley nga mamati e̍ Je̍su Kristu, ibilang ne̍ Apu Diyus da nga amin nga nalinteg iya imatang na. Agten iyan ngarud, ta iya imatang ne̍ Apu Diyus, awan pulus pagdudumaan diya toley.

Ruma 3:29

Ket nagan ya kunen tida? Diyan nas Hudyu kad ya akin-Diyus e̍ Apu Diyus? Bekken kad nga igina pe̍ ya Diyus diya bekken nga Hudyu? Igina met! Ta e̍ Apu Diyus, igina ngarud met ya Diyus pe̍ diya bekken nga Hudyu.

1 Kurintu 12:13

Ta amin tida, Hudyu man winno bekken nga Hudyu, tagabu man winno bekken, ket agpapada tida nga nabautisaran nga nakikamkameng e̍ Kristu, gapu mettas iya is-isa nga Ispiritu Santu. Se̍ is-isa yani nga Ispiritu nga nae̍cde̍ dactida, nga arig nga is-isa ya naipainum dactida.

1 Kurintu 14:11

Ngem no madi yac maawatan ya kagi niya isa nga agkagkagi, madi kami ngarud agkinkinnaawatan, ket arig nga gan-gannaet tac ngas iya makin-kagi, se̍ igina, arig nga gan-gannaet met iyaken.

1 Kurintu 7:19

Ta awan met mamaay nan no makugit ya toley yin winno bekken. Ta ya napatpateg gin, itu ya panagtungpal tida kadiya bilin ne̍ Apu Diyus.

Galasiya 2:20

Ngarud, naibilang ngac nga natey yin gapu ta nairaman nac ito pannakailansa ne̍ Kristu ito krus na. Ngem orey naibilang ngac nga nairaman ito pannakatey ne̍ Kristu, sibibiyag gac pekkem. Ngem bekken nga ya gangey niya kinatoley ku ya mangituray iyaken nin, no di lugud ya gangey ne̍ Kristu win, ta uwed met iyaken nge̍ Kristu win. Ket idi nga panagbiyag ku ita, ipaay ku was iya Anac ne̍ Apu Diyus, gapu ta igina met ya patpatiyec, nga igina ya nangipateg iyaken, se̍ ya nangipalubus iya pannakaidatun niya beggi na para iyaken.

Galasiya 5:6

Ta diya toley nga naitipun e̍ Kristu Je̍sus gapu iya panamati da, bekken met nga ya ugali diya toley nga agpakugit winno ya ugali da nga madi agpakugit ya napateg. Ta ya nasken lugud, itu ya panamati nga mangipasingen ka panagayat.

E̍pe̍su 1:23

Ket didi nga kamkameng niya bungguy ne̍ Kristu, arig da nga beggi na nga awan kurang na, ta igina met ya pakakumplituwan niya amin-amin.

E̍pe̍su 2:14

Ta e̍ Kristu met ya nangpatunus kadiya Hudyu se̍ bekken nga Hudyu. Ta pinagbalin nactida nga is-isa nga bungguy nan, ito nipac na to panaggiginnura tida nga arig nga sirra nga nangpasina dactida itun.

E̍pe̍su 2:15

Ta to pannakatey ne̍ Kristu, ket itu ya nakaukasan nito Linteg mi nga Hudyu, agraman dito bilbilin se̍ al-alagaden na. Agten iyan ya inariman na, tasun gapu iya pannakaitipun tida iginan, bekken tida nga duwa nga bungguy toley yin, no di lugud is-isa tida nga kabarbaru nga bungguy yin, nga sukat dito duwa ngin. Ket iya agten iyanin, agkikinnaawatan tidan.

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

E̍pe̍su 3:6

Ket ya panggep na nga nipakaemmu nan, ket agten idi: Gapu iya Makaparagsac nga Damag, uwed dakayu nga bekken nga Hudyu ya gundawayin nga makipagtawid kadiya ipatawid ne̍ Apu Diyus kadiya Hudyu. Naibilang kayu pe̍ yin nga kamkameng niyan nga is-isa nga bungguy, se̍ nairaman kayu pe̍ yin iya pagbanagan nito nikari ne̍ Apu Diyus kadiya Hudyu. Kuwa nu ngarud pe̍ diyanin gapu iya pannakaitipun nu e̍ Kristu Je̍sus.

E̍pe̍su 6:8

Ta laglagipen nu kuma nga gun-gunaan niya Apu ya orey nagan na nga toley nga agariman ka nabaru, orey tagabu man winno bekken nga tagabu ya mangariman.

Kulusas 2:10

Ket dakayu, gapu iya pannakaitipun nu e̍ Kristu win, naan-anay kayu ngarud itan. Ket e̍ Kristu met ya nangatngatu ngem kadiya amin nga turay se̍ diya amin nga pannakabalin diya madi masingen.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

2 Juan 1:9

Orey nagan na nga uwed sabali nga panursuru na, se̍ madi na laglagipen ya panursuru ne̍ Kristu win, awan pannakitipun na e̍ Apu Diyus. Ngem ya toley nga silalagip iya panursuru ne̍ Kristu, uwed met pannakitipun na iya Ama, ket bekken nas nga iya Ama no di pe̍ iya Anac.