Kulusas 3:1 - Ya Baru nga Tulag

¹ Ket dakayu, naibilang kayun nga kabulun ne̍ Kristu ito pannakapagungar na. Itu nga diya ipatpateg nu kuma ngin, ket diyan nas banbanag nga agtaud ka langit. Itu mettas ya edyan ne̍ Kristu nga naipatugew win iya kadayawan nga saad, nga itu ya madiwanan ne̍ Apu Diyus.

Kulusas 3:1 Iomraidhean Croise

Matyu 22:44

‘Kinunen niya Apu iya Apuc, “Agtugew ka idi nga madiwanan ku agingga nga mapasukuc diya gumurgura ikew, nga arig nga ipatey ku ya sakam igida,”’ kunen nito Dabid itun.

Matyu 26:64

Ket kinunen ne̍ Je̍sus igina, “Nakagi mun. Ket bekken nas nga iyan, ta pudnu met pe̍ nga manipud ita nga timpu, masingen nu ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu pe̍ nga umbe̍t nad manipud iyan, nga nakasakey kadiya ulep nga gayat ka langit,” kunen na met.

Matyu 6:20

Ngem ya ipateg nu kuma, itu ya arig nga panangipundu nu ka kinabacnang enna langit. Ta antuni, awan met mangpirdi nga bucbuc winno kirang, se̍ awan tulisan nga makalnec nga mangtakew.

Matyu 6:33

Itu nga diya banbanag maipanggep iya panangituray na se̍ diya nalinteg nga panggep na, itu kuma nga gennung ya ipangpangruna nu nga panpanunuten. Ket iya agten iyan, mae̍cdan kayu pe̍ yin ka amin diyan nga kasapulan nu.

Markus 12:36

Nagan ya kunen nu maipanggep ito kinunen nito Dabid, ito niturung niya Ispiritu Santu, ta kinunen na nga, ‘Kinunen niya Apu iya Apuc, “Agtugew ka idi nga madiwanan ku agingga nga mapasukuc diya gumurgura ikew, nga arig nga ipatey ku ya sakam igida,”’ kunen nito Dabid itun.

Markus 14:62

Ket kinunen ne̍ Je̍sus, “Bo, iyaken met. Ket masingen nu nad ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu nad pe̍ nga umbe̍t manipud iyan, nga maibulun igina diya ulep nga gayat ka langit,” kunen na met.

Markus 16:19

Ket itun, kalpasan nito pannakitbar ne̍ Apu Je̍sus igida, ket naipangudu ka langitin. Ket enna langit, nagtugew iya kadayawan nga edyan, nga itu ya madiwanan ne̍ Apu Diyus.

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Lukas 20:42

Ta e̍ Dabid mettas ya nagkunen iya libru diya Salmu nga, ‘Kinunen niya Apu iya Apuc, “Agtugew ka idi nga madiwanan ku

Lukas 22:69

Ngem agten idi ya ibagac: Manipud ita, maipatugew ya Anac nga Naipatoley iya madiwanan ne̍ Apu Diyus nga Mannakabalin,” kunen na.

Aramid 2:34

Tutu met, ata bekken nga to Ari Dabid to nawe̍ ka langit itun, no di lugud e̍ Je̍sus. Ta to Dabid, kinunen na ngarud, ‘Kinunen niya Apu iya Apuc, “Agtugew ka idi nga madiwanan ku,

Aramid 7:55

Ngem e̍ E̍ste̍ban, naidalan ya panpanunut na gapu iya Ispiritu Santu. Ket limangad nga nasingen na ya dayag ne̍ Apu Diyus, se̍ nasingen na pe̍ nge̍ Je̍sus nga gasisikadin iya madiwanan ne̍ Apu Diyus.

Ruma 8:34

Awan pe̍ makaukum dactidan iya imatang ne̍ Apu Diyus. Ta e̍ Kristu Je̍sus, igina met to natey, ket bekken nas nga natey, no di lugud napagungar met pe̍. Ket naisaadin iya kadayawan nga edyan, nga itu ya madiwanan ne̍ Apu Diyus. Ket igina mettin ya mangibabaet dactidan e̍ Apu Diyus.

Ruma 8:6

Ket diya toley nga manglagip pekkem iya gabay niya kinatoley da, agbanag da ngarud ka pannakatey. Ngem diya manglagip iya gabay niya Ispiritu, agbanag da iya biyag se̍ talna nga ipaay ne̍ Apu Diyus.

2 Kurintu 4:18

Ta bekken nga diya masingsingen idi nga lubung ya laglagipen mi, no di lugud diya di masingen nga banbanag. Ta diya masingen nga banbanag, ket agpatingga da nad mettas. Ngem diya madi masingen nga banbanag, ket agnanayun da met.

E̍pe̍su 4:10

Ngarud, ya nagpasegged, igina mettas pe̍ ya nagpangudu win iya kangatuwan nga edyan iya ngudu, tasun igina ya pakakumplituwan niya aminin.

E̍pe̍su 5:22

Ket dakayu nga babey nga uwed asawa nan, paiturayan kayu ngarud kadiya asawa nu, nga arig nga maipaay mettas iya Apu ya panagpaituray nu.

Kulusas 2:20

Ket gapu ta naibilang kayu nga kabulun ne̍ Kristu ito pannakatey na, nawayawayaan kayun kadiya sursuru nga agtaud das idi nga lubung. No agten iyan, ape̍ ngarud nga tultuladen nu pekkem diya ug-ugali nga nagtaud das idi nga lubung? Ape̍ agtungtungpal kayu pekkem kadiya bilbilin diya agten kadiyan nga ug-ugali maipanggep kadiya maiparit kanu dakayu?

Kulusas 3:2

Ket diya banbanag nga agtaud ka langit, itu kuma ya pe̍yeng nu nga laglagipen nin, nga bekken kuma nga diya agtaud das iya lubung ngi.

He̍briyu 1:13

Ket no diya anghe̍le̍s, awan pulus igida ya nangagiyan ne̍ Apu Diyus ka agten idi: “Agtugew ka idi nga madiwanan ku, agingga nga mapasukuc diya gumurgura ikew, nga arig da nad nga pagipatayam iya saka mun,” kunen na.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

He̍briyu 10:12

Ngem e̍ Kristu nga gennung, nam-ame̍nsan ngas nga nidatun na ya beggi na mettas, ket kustu win ka agnanayun. Ket agsirbi nga agnanayun yani nga datun na, nga itu mettin ya pakaipakan diya basbasul. Ket kalpasan nito panangidatun na iya beggi na, nawe̍ nagtugew iya kadayawan nga edyan, nga itu ya madiwanan ne̍ Apu Diyus.

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 8:1

Ket agten idi ya kaipapennan niya ibagbagac: Uwed mettin Kangatuwan nga Agsirsirbi nga mangibegbeggi dactidan e̍ Apu Diyus, nga agten mettas ito nilawlawag ku. Ket igina, agtugtugew win iya kadayawan nga edyan, nga itu ya madiwanan niya trunu nga pagtugawan niya Nadayag nga Diyus ka langit.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.