Kulusas 2:9 - Ya Baru nga Tulag

⁹ Ngem ya kinapudnu na, ket ito panagbiyag ne̍ Kristu nga nagpaitoley, uwed mettas igina amin nga kinaDiyus ne̍ Apu Diyus.

Kulusas 2:9 Iomraidhean Croise

Matyu 1:23

“Agten idi: Aginaw nad ya balasang, ket mangiyanac ka lalaki, nga mapanaganan nad ka E̍mmanuwe̍l,” nga kayat na nga kagiyen, “E̍ Apu Diyus, uwed dactida.”

Lukas 14:22

“Ket iya di nabayag, uwed manin to tagabu, ket kinunen na, ‘Apu, natungpalin to bilin mu, ngem uwed pekkem mas pagyanan iya panganan,’ kunen na.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:16

Ket idi nga maawagan ka Kagi, agtatalunatun ya nikaasi na dactida nga amin, gapu iya nabuslun nga siaayat nga asi na nga awan pagkurangan na.

Juan 10:30

Ngarud, ya Ama se̍ iyaken, ket is-isa,” kunen na.

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 2:21

Ngem e̍ Je̍sus, ya pagdaydayawan nga kinagi na, itu ya beggi na mettas.

Aramid 17:29

Ket no tutu nga anac nactida nge̍ Apu Diyus, madi tida kuma ngarud ipagarup nga maipada ya Diyus tida ka balituc, kuwarta winno batu. Ta kurang ngarud ya kinalaing se̍ kinasirib niya toley nga mangiladawan iya gangey ne̍ Apu Diyus.

2 Kurintu 5:19

Ket ya kayat mi nga kagiyen, agten idi: Ya panangitunus ne̍ Apu Diyus kadiya toley igina, ket gapu ito winangel ne̍ Kristu. Ket gapu ito winangel ne̍ Kristu, awan ibilang ne̍ Apu Diyus nga basul dan. Ket nitalec na pe̍ dakami ya panangisuru mi maipanggep iyan nga panangitunus na kadiya toley igina.

Kulusas 1:19

Ta ginabay ne̍ Apu Diyus nga uwed pe̍ iya Anac ya amin nga kinaDiyus na.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

Titu 2:13

Agten iyan kuma ya panagbiyag tida bayat niya panagpadpadaan tida iya makaparagsac nga pagnamnamaan tida, nga itu ya pakasingnan nad iya dayaw ne̍ Je̍su Kristu nga Mangisalakan dactida se̍ Diyus tida nga naturay nga unay.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:7

Dikad pe̍ uwed met tellu nga mangipanecnec maipanggep e̍ Je̍su Kristu: