Kulusas 2:7 - Ya Baru nga Tulag

⁷ Masapul ngarud nga agbalin nga arig nga nauneg nga gamut niya kayu ya namnama nu, nga bumilbileg kuma ya panpanunut nu e̍ Kristu, se̍ bumacbaked kuma ya panamati nu kadito naisuru dakayu itun, ket se̍ siiiyaman kayu kuma nga pe̍yeng.

Kulusas 2:7 Iomraidhean Croise

Lukas 6:48

Ya agten kadiyan nga toley, maiyarig met iya isa nga nagpasikad ka baley. Nagkorob nga nona ka nauneg, ket pinas met ya nangisaadan na. Dikad pe̍ ito naglayusin, dinalapus na met yan nga baley, ket madi pulus nga naan-anu, ta nabaked ya pannakaisimpa na.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

1 Kurintu 1:8

Ket igina mettas ya mangpabaked iya panamati nu, tasun awan pakaukuman nu no madatnganin ya Timpu niya Apu tida nga Je̍su Kristu.

1 Kurintu 15:58

Dikad pe̍ patpatgec nga kakabsat, nabileg kuma nga pe̍yeng ya panamati nu, se̍ madi kayu kuma maawis ka sabali. Ket napasnec kuma nga pe̍yeng ya panagsirbi nu iya Apu, ta emmu nu nga uwed paglaingan niya panagbannug nu iya panagsirbi nu iya Apu.

2 Kurintu 1:21

Ket e̍ Apu Diyus met ya mangpatalged iya saad mi nga maigapu iya pannakaitipun tida e̍ Je̍su Kristu, nga agten met pe̍ iya saad nu. E̍ Apu Diyus pe̍ ya nangpili dactida nga maisaad igina.

E̍pe̍su 3:17

Ket se̍ adngec pe̍ nga e̍ Kristu kuma ya pe̍yeng nga mangiturturay kadiya nakem nu gapu iya panamati nu, tasun gapu iya panagiinnayat nu, agbalin nga nauneg se̍ nabaked kuma ya panagnamnama nu.

E̍pe̍su 4:21

Ta tutu met nga nagicgicna nun ya panursuru nga gayat e̍ Je̍sus. Ket gapu iya pannakaitipun nu igina, naisuru met dakayun ya pudnu nga panursuru maipanggep iya panamati igina, ta emmu tida nga yan nas pudnu ya tumaud e̍ Je̍sus.

E̍pe̍su 5:20

ta siiiyaman kayu kuma nga pe̍yeng e̍ Apu Diyus nga Ama tida. Ngarud, agyaman kayu gapu kadiya orey nagan na, nga sitatalged kayu gapu iya Apu tida nga Je̍su Kristu.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 3:17

Ngarud, sipapati kayu kuma ngas e̍ Apu Je̍sus iya orey nagan na nga ar-arimanen nu, orey kadiya kagkagiyen winno wangwanglen nu. Ket sigun iya kinaturay ne̍ Apu Je̍sus, agyaman kayu kuma ngarud e̍ Apu Diyus nga Ama.

1 Te̍salunika 5:18

Ket iya orey nagan na nga kasasaad nu, agiiyaman kayu latta, ta itu ya gabay ne̍ Apu Diyus dactida nga agpaay e̍ Kristu Je̍sus.

2 Te̍salunika 2:17

Ket ya adngen mi, itu ya pabilgen se̍ paturedden nakayu kuma tasun naan-anay kayu kadiya amin nga nabaru nga wanglen se̍ kagiyen nu.

He̍briyu 13:15

Dikad pe̍ gapu mettas e̍ Je̍sus, pe̍yeng tida kuma nga agdaydayaw e̍ Apu Diyus. Ket ya panangibalikas tida iya panagyaman tida maigapu iya kinaturay na, itu ya arig nga idatun tida iginan.

He̍briyu 13:9

Dikad pe̍ madi kayu kuma maallilaw kadiya nadumaduma nga panursuru nga sabali. Ta ya siaayat nga panangaasi ne̍ Apu Diyus kuma ngas ya mangpabileg dactida, nga bekken lugud nga diya al-alagaden maipanggep kadiya macmakan. Ta no dito nagtungtungpal kadiyan nga al-alagaden, awan met tulung nga nae̍cde̍ igida gapu kadiyan nga tungtungpalen da.

1 Pe̍dru 5:10

Ket e̍ Apu Diyus mettas nga pagtaudan niya amin nga siaayat nga asi, se̍ ya nangpili dakayu nga mairaman iya agnanayun nga pannakaidayaw na gapu e̍ Kristu. Ket igina mettas ya mangan-anay nad dakayu, no malpas yan nga e̍teng nga panagrigat nu. Ket patalgedden nakayu se̍ pabilgen nakayu nad pe̍.

Hudas 1:12

Ket dito agten iyan nga toley iya edyan nu, arig da nga mansa dakayu, ta igida ya mangsipar iya panagiinnayat nu kadiya panagsasangu nu nga mangan. Ta pulus nga awan alyew da nga makisangu dakayu iya panangipalagip nu iya Apu, ket yan nas beggi da ya asikasuwen da. Maiyarig da met ka ulep nga maib-ibluut nga di makae̍cde̍ ka udan. Ket arig da met pe̍ nga kayu nga madi mamisic, orey timpu nga panagbibisic. Ngarud, awan pulus nabaru nga ipaay da, nga arig nga kayu nga natey se̍ nabagut pe̍ yin.

Hudas 1:20

Ngem dakayu nga patpatgec, pabilgen nu kuma ya panpanunut nu gapu iya nadiyusan mettas nga pammati nu, se̍ paiturayan kayu kuma iya Ispiritu Santu iya panagkararag nu.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.