Kulusas 2:4 - Ya Baru nga Tulag

⁴ Kunec ngarud dakayu yan, ta madic gabay no uwed makaallilaw dakayu ka napaw-is nga kagi nga mangos-osog dakayu.

Kulusas 2:4 Iomraidhean Croise

Matyu 24:24

Ta uwed da nad agparang nga sinan-Kristu se̍ sinan-mammadtu. Ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma orey diya pinili ne̍ Apu Diyus nga toley na.

Matyu 24:4

Ket kinunen ne̍ Je̍sus igida, “Agannad kayu ngarud tasun awan kuma mangiyaw-awan dakayu maipanggep iyan nga timpu.

Markus 13:22

Ta uwed da nad agparang nga sinan-Kristu se̍ sinan-mammadtu, ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma diya pinili ne̍ Apu Diyus nga toley na.

Aramid 20:30

Se̍ orey iya bungguy nu mettas, uwed da met pe̍ mangirugrugi nad nga mangisuru ka busid, ta gabay da nga awisen diya pasurut niya Apu tasun sumurut da met igidan.

1 Kurintu 2:4

Ket ito panangisuruc se̍ panangilawlawag ku dakayu itun, madi yac nagusar ka napaw-is nga balikas nga makapasurut dakayu, no di lugud nagkagi yac nga nangawis dakayu gapu iya panangpanecnec niya pannakabalin niya Ispiritu ne̍ Apu Diyus.

2 Kurintu 11:3

Ngem madanagan nac maipanggep dakayu gapu kadito sabali nga mangaskasaba. Ta kaynun no maallilaw kayu nga agten ito E̍ba itun nga inallilaw nito malaga gapu iya kinasikap na. Ket no mapagten kayu iyan, kaynun no maiyaw-awan kayu iya napasnec se̍ napudnu nga panagsirbi nu e̍ Kristu win.

Galasiya 2:4

Ngem uwed da met busid nga kabulun mi nga nasikap nga timipun dakami itun, tasun siimen da ya wayawaya mi gapu iya pannakikameng mi e̍ Kristu Je̍sus. Ta gabay dakami nga parigaten kadiya tungtungpalen diya Hudyu, tasun arig nga matagabu kami kadiyan.

E̍pe̍su 4:14

Ket no agten iyanin, bekken tida nga arig nga diya maipalupalung winno diya maipurad ngas iya kumpurmi nga pennan niya belluut. Ta bekken tida kuma nga arig nga diya ebbing, nga nalaka nga maawis kadiya nadumaduma nga panursuru diya mangallilaw nga mangiyaw-awan ka toley gapu kadiya kinasikap da.

E̍pe̍su 4:17

Ket itan, uwed ibilin ku dakayu gapu iya turay ku nga ne̍cde̍ niya Apu iyaken: Madi kayu kuma ngarud nga ituluy ya panagbiyag nu sigun iya gangey diya bekken nga Hudyu, nga itu diya agtungtungpal ngas kadiya uwed iya panpanunut da nga awan sirsirbi na.

E̍pe̍su 5:6

Ket madi kayu ngarud ipalubus nga masikapan kayu kadiya toley nga awan mamaay niya panagkagkagi da maipanggep kadidi nga kinadake̍c. Ta ya kinapudnu na, gapu kadidi nga kinadake̍c, madusa ngarud diya agsukir e̍ Apu Diyus, nga lak-amen da ya unget na.

Kulusas 2:18

Itu nga madi kayu lugud paiturayan kadiya mangallilaw dakayu, orey nagan na nga toley nga mangipapilit kuma dakayu iya ugali da. Ipapilit da ya ugali da nga mangiparit iya beggi kadiya kalinteggan toley. Se̍ ipapilit pe̍ diya agten iyan nga toley ya ugali da nga agdaydayaw kadiya anghe̍le̍s. Ta diya mangisursuru iya agten kadiyan, mayat da nga mangipaspasindayaw kadiya ipakaemmu kanu diya nailangitan igida. Ngem awan met banag nga tutu niya panangipaspasindayaw da, ta timaud das met kadiya nailubungan nga panpanunut da.

Kulusas 2:8

Agannad kayu ngarud, ta kaynun no macna kayu iya panagpilusupu diya mangallilaw kuma dakayu kadiya busid nga sursuru nga awan sirsirbi na. Bekken nga gayat e̍ Kristu ya sursuru da, no di lugud patauden da ngas kadiya ug-ugali toley, sigun mettas kadiya sursuru nga tumaud das idi nga lubung.

2 Timutyu 2:16

Ket diya panagsusungbat nga madi makaay-ayu e̍ Apu Diyus, adeyyuwam mas, ta mangpadeyyu was diyan kadiya toltoley iya panagdayaw e̍ Apu Diyus.

2 Timutyu 3:13

Ket diya paiturayan ka dake̍c, ad-adda nad met nga dumake̍c da. Ket se̍ diya mangal-allilaw, ket kumarkaru nad met pe̍ ya panangallilaw da kadiya toley. Ngem igida ngas met ya maallilaw nga tutu.

1 Juan 2:18

An-anac ku, dandani mettin ya panagpatingga nidi nga timpu. Ket nasuruwan kayun nga uwed umbe̍t nga mangkuntra e̍ Kristu no matungpal yani nga timpu win. Ket ita, adu mettin diya kumunkuntra e̍ Kristu. Itu nga emmu tida nga dandani ya kaodiyan nga timpu win.

1 Juan 2:26

Isurat ku didi dakayu tasun maawatan nu kuma maipanggep kadito mayat nga mangiyaw-awan dakayu.

1 Juan 4:1

Patpatgec nga kakabsat, madi kayu kuma patiyen diya amin nga agkunen nga uwed kanu igida ya Ispiritu ne̍ Apu Diyus. Emmuwen nu kuma nga mona no pudnu nga gayat e̍ Apu Diyus ya panpanunut da, ta adu win diya mangaskasaba ka busid iya amin nga lubungin.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.

Paltiing 12:9

Ket to dackel nga dragun, naidegsut ngarud manipud ka langitin. Ngarud, igina yan to sinan-malaga itun pekkem, se̍ ya maawagan ka diyablu nga itu nge̍ Satanas. Igina met ya mangal-allilaw kadiya toltoley iya amin nga lubung. Naidegsut ngarud iya ginet tin, ket naidegsut pe̍ yin dito anghe̍le̍s na.

Paltiing 13:8

Ket agdaydayaw met igina diya kaaduwan nga toley iya lubung, nga itu diya amin nga bekken nga naisurat ya nagan da iya libru niya Urbun Karne̍ru nga napatey. Ket idi nga libru, itu ya nakaisuratan diya nagnagan nga naisurat ito di pekkem naparsuwa ya lubung, nga igida diya nae̍cdan ka biyag nga agnanayun.

Paltiing 20:3

Ket nidegsut nito anghe̍l ito nakaun-uneg nga ebbut, se̍ na tinulbekkan ya giset na. Ket minarkaan na ka nikapet na iyan nga giset, tasun madi makaruwar to dragun nga mangallilaw manin kadiya toltoley kadiya nasnasyun, agingga ka madi aggibus ya sangaribu nga dagun. Ngem kalpasan niya sangaribu nga dagun, masapul nga mawayawayaan manin to dragun ka di mabayag nga timpu.

Paltiing 20:8

Ket rinumwar ngarud nga nawe̍ nangallilawin kadito maawagan ka Gug se̍ Magug, nga itu diya nasnasyun iya amin nga lubung. Ket inurnung na da nga nisagana nga makigubatin. Ket ya bilang dito naurnung itun, ket agten iya kaadu niya lapuc iya pingit niya baybay.