Kulusas 2:3 - Ya Baru nga Tulag

³ Igina ngas met ya makaipakaawat dakayu iya amin mettas nga kinasirib se̍ pannakaawat ne̍ Apu Diyus.

Kulusas 2:3 Iomraidhean Croise

Matyu 10:26

“Dikad pe̍ madi kayu kuma ngarud mansing ka toley. Ta ya kinapudnu na, masapul nga maiparangarang nad diya amin nga palimed ita, se̍ maipakaemmu nad met diya amin nga madi naipadlaw ita.

Lukas 11:49

Itu nga sigun iya kinasirib ne̍ Apu Diyus, kunen na nga, ‘Uwed da pekkem nad ibon ku igida nga mammadtu se̍ apustule̍s. Ket diya ibon ku, uwed da nad met patayen diya toltoley, se̍ diya duduma igida, irurumen nad met diya toltoley da.’

Ruma 11:33

Ay, napalaus met nga unay ya panagkaasi ne̍ Apu Diyus! Se̍ nauneg nga unay ya sirib na se̍ diya emmu na! Awan ngarud makailawlawag kadiya pangngeddeng ne̍ Apu Diyus, se̍ awan makaawat kadiya pangpanggep na.

1 Kurintu 1:24

Ngem kadiya toley nga pinili ne̍ Apu Diyus, nga Hudyu man winno bekken nga Hudyu, e̍ Kristu met ya ibilang da nga pakaemmuwan iya pannakabalin se̍ sirib ne̍ Apu Diyus.

1 Kurintu 1:30

Ta e̍ Apu Diyus mettas ya nangpaitipun dactida e̍ Kristu Je̍sus, nga igina ya pinagbalin ne̍ Apu Diyus nga pagtaudan niya sirib tida, se̍ ya pannakapalinteg tida iya imatang na, se̍ ya pannakaisaad tida nga toley na, se̍ ya pannakawayawaya tida kadiya basbasul tidan.

E̍pe̍su 1:8

Ket idi nga siaayat nga asi na, nipaay na dactida nga sibubuslun. Ket sigun iya kinasirib se̍ pannakaawat ne̍ Apu Diyus,

Kulusas 1:19

Ta ginabay ne̍ Apu Diyus nga uwed pe̍ iya Anac ya amin nga kinaDiyus na.

Kulusas 1:28

Ket e̍ Kristu met ya ikaskasaba mi. Ibagbaga mi ngarud nga sipapasnec kadiya amin nga toley nga sumurut da kuma, ket se̍ suruwan mi met pe̍ diya amin nga toley sigun iya amin nga kinasirib mi nga mangipalawag. Ta gabay mi no awan kuma pagkurangan diya orey nagan na nga toley iya pannakitipun da e̍ Kristu.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

Kulusas 3:3

Ta naibilang kayu nga natey yin maipanggep kadiya banbanag idi nga lubung. Ket ya kabarbaru nga biyag nu, arig nga naitalipen mettin e̍ Apu Diyus, gapu iya pannakaibulun nu e̍ Kristu.

2 Pe̍dru 1:5

Ket itu nga ikagumaan nu kuma nga iraman iya panamati nu ya panagtacneng. Ket iya panagtacneng nu, iraman nu kuma pe̍ ya pannakaemmu maipanggep e̍ Apu Diyus.

Paltiing 2:17

“Ket diya amin nga uwed pannakaawat na, tandaanan da kuma ngarud ya ipakaemmu niya Ispiritu kadiya bungguy diya mamati, nga agten idi: ‘Diya maibilang nga mangabac, e̍cdac da nad ka pagbiyag nga madi masingen, nga maawagan ka mana. Se̍ e̍cdac da nad pe̍ ka puraw nga batu nga nakaisuratan niya isa nga kabarbaru nga nagan, ket awan pulus nga makaemmu iyan nga naisurat nga nagan, no di yas ya umawat.’”