Kulusas 2:2 - Ya Baru nga Tulag

² Agten iyan ngarud ya panangipakat ku dakayu, tasun bumileg kuma ya panpanunut nu nga amin, nga agbalin kuma nga is-isa diya panpanunut nu gapu iya panagiinnayat nu, ket se̍ tasun pakaragsakan nu kuma pe̍ ya pannakaawat nu nga awan pagkurangan na maipanggep iya pudnu. Ket iya agten iyan, maemmuwan nu ngarudin ya panggep ne̍ Apu Diyus maipanggep e̍ Kristu, nga madi pekkem naipakaemmu itun.

Kulusas 2:2 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 13:11

Ket kinunen na igida, “No dakayu, napalubusan kayun nga makaawat kadiya nauneg nga adal nga di pekkem naipakaemmu kadiya duduma maipanggep iya panangituray niya Nailangitan. Ngem no igida, bekken nga maipalubus nga maipakaawat didi igida.

Lukas 1:1

Patgec nga Apu Tiyupilu, adu win diya nagisurat nga nangurnus ka istorya maipanggep kadito napasamac iya edyan mi.

Juan 10:30

Ngarud, ya Ama se̍ iyaken, ket is-isa,” kunen na.

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 16:15

Ta awan met ipaidam niya Ama iyaken, itu nga kinunec nga ipakaemmu nad niya Ispiritu Santu diya gabay ku nga ibaga dakayu.”

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Juan 5:17

Ngem kinunen met ne̍ Je̍sus igida, “Kanayun ya panagwangel ne̍ Amac nga awan sardeng na, ket agten nac pe̍ iyan nga agwangwangel,” kunen na.

Juan 5:23

Agten iyan ngarud ya winangel niya Ama, tasun diya amin nga toley, maiparis kuma ya panagdayaw da iya Anac iya panagdayaw da iya Ama. Ket iya agten iyan, ya madi mangdayaw iya Anac, madi na met pe̍ padayawan ya Ama nga nangibon igina.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Aramid 4:32

Ket is-isa ya panpanunut dito mamati nga sangkabungguy, se̍ is-isa pe̍ ya tarigagay da. Nagraramanan da diya amin nga sansanicwa da, nga madi da ngarud nagiinnimut kadiya kukuwa da.

Ruma 15:13

Sapay kuma ta e̍ Apu Diyus nga paggayatan niya namnama tida, paragsaken nakayu kuma ka napalaus nga anggem se̍ talna, gapu iya panamati nu igina. Agten iyan kuma ngarud tasun dumacdackel ya namnama nu igina, gapu iya pannakabalin niya Ispiritu Santu nga uwed dakayu.

Ruma 16:25

Madaydayaw kuma ngarud nge̍ Apu Diyus. Ket no igina, mabalin nakayu nga pabilgen iya panamati nu, maikanatad mettas iya panggep niya Makaparagsac nga Damag nga isursuruc, se̍ ya panggep met pe̍ niya pannakaikaskasaba niyan nga damag maipanggep e̍ Je̍su Kristu. Ket itu pe̍ ya pannakaipakaemmu niya ranta ne̍ Apu Diyus, nga nailimed ka nabayag itun.

Ruma 2:4

Kaynun no pagarup nu nga mabalin nu nga namnamaen ya dackel nga kinaasi, kinaanus, se̍ panagibtur ne̍ Apu Diyus. Di kayu kad emmu nga ya asi ne̍ Apu Diyus, ipaay na met dakayu tasun agbabawi kayu kuma?

1 Kurintu 14:31

Ta amin nu, mabalin nga agsasarunu kayu nga mangasaba, tasun masursuruwan kayu kuma nga amin se̍ mapabileg kuma pe̍ ya panpanunut nu nga amin.

1 Kurintu 2:12

Ket no dactida, bekken nga ya panpanunut nga tumaud kadiya uwed idi nga lubung ya naipaay dactida, no di lugud ya Ispiritu ne̍ Apu Diyus, tasun maawatan tida diya amin nga banbanag nga nikaasi ne̍ Apu Diyus dactida.

Galasiya 3:28

Dikad pe̍ gapu iya pannakaitipun nu e̍ Kristu Je̍sus, naibilang kayu nga agpapada ngin. Awan ngarud nagdudumaanin diya Hudyu se̍ bekken nga Hudyu iya imatang ne̍ Apu Diyus, ket awan pe̍ pagdumaanin niya tagabu winno bekken nga tagabu, se̍ awan pe̍ pagdumaan niya lalaki winno babey, ta is-isa kayu nga aminin.

E̍pe̍su 1:7

Gapu iya pannakaitipun tida e̍ Kristu, nawayawayaan tidan iya pakaukuman tida, gapu ito pannakaidaga na. Ta itu ya pakapakawanan diya basbasul tida, sigun iya napalaus nga asi ne̍ Apu Diyus nga siaayat.

E̍pe̍su 3:16

Tutu ngarud met nga dackel nga unay ya kinadayaw ne̍ Apu Diyus, ket itu nga adngec igina nga gapu iya pannakabalin niya Ispiritu na, mapabileg kuma diya nakem nu.

E̍pe̍su 3:3

Ta gapu iya nangiparangarang ne̍ Apu Diyus, nipakaemmu na iyaken ya panggep na nga madi pekkem naipakaemmu itun. Ket itu ya banag nito e̍teng nga naisurat ku dakayun.

E̍pe̍su 6:22

Ibon ku ngarud tasun ipadamag na dakayu ya kasasaad mi idi, se̍ tasun liwliwaen nakayu kuma pe̍.

Pilipus 2:1

Ket tutu met nga gapu iya pannakaitipun nu e̍ Kristu, mapabileg ya panpanunut nu. Ket gapu iya ayat na, maliwliwa kayu. Uwed pe̍ pannakibulun nu iya Ispiritu Santu, se̍ uwed met pe̍ panagpipinnateg se̍ panagkikinnaasi nu.

Pilipus 3:8

Ngarud ita, ibilang ku nga awan sirsirbi yin niya orey nagan na, ta napatpateg met ya pannakaem-emmuc e̍ Kristu Je̍sus nga Apuc kun ngem iya orey nagan na. Ket gapu idi nga pannakaemmuc igina, naipac iyaken nin amin dito pagtalged ku itun. Ket ibilang ku da ngasin nga arig nga basura, tasun maalac ku ya gun-gunac nga pannakibulun ku e̍ Kristu.

Kulusas 1:26

Itu ya damag nga bekken pekkem nga naipakaemmu kadiya toltoley itun nga timpu. Ngem ita, naipakaemmu mettin kadiya toley na.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

Kulusas 1:9

Itu nga manipud ito nadamag mi ya maipanggep dakayu, ket ikarkararagan dakayu nga pe̍yeng. Ket ikarkararag mi e̍ Apu Diyus nga awan kuma pagkurangan nu iya pannakaemmu nu iya tarigagay ne̍ Apu Diyus maipanggep dakayu. Ta ikarkararag mi nga mangpasirib kuma ya Ispiritu ne̍ Apu Diyus dakayu, tasun kustu kuma ya pannakaemmu se̍ pannakaawat nu kadiya amin nga banbanag.

Kulusas 2:19

Diya agten iyan nga toley, madi da met ipatpateg nge̍ Kristu win, orey igina mettas ya pannakaulu tida nga mamati, nga arig nga ulu niya beggi, ta tumaud met igina ya bileg tida nga amin. Ket iya agten iyan, agis-isa tida. Arig tida nga beggi nga masilpu diya parte̍ na gapu kadiya um-um-um se̍ ug-ugat na nga mamagkamang. Ket pabilgen met ne̍ Apu Diyus ya panamati tida, dactida nga bungguy na, nga arig mettas nga beggi nga mapadackel.

Kulusas 3:14

Ket ya kangrunaan ka amin didi nga saad nu, itu ya panagiinnayat nu. Ta itu yani ya mangpatunus kadiya amin, tasun awan pulus pagkurangan niya panagbubulun nu.

Kulusas 4:3

Ket ikarkararagan dakami kay pe̍, tasun e̍cdan nakami nge̍ Apu Diyus ka gundaway iya panangipakaemmu mi iya kagi na. Ta maikasaba mi kuma ya panggep na maipanggep e̍ Kristu, nga madi pekkem naipakaemmu itun. Ket itu pe̍ yan ya gapu na nga uwed dac nga sibabaludin.

Kulusas 4:8

Itu nga ibon ku ngarud iyan nga edyan nu, tasun maemmuwan nu kuma ya kasasaad mi, se̍ tasun pabilgen na ya panpanunut nu.

1 Te̍salunika 1:5

Ta ito nikasaba mi ya Makaparagsac nga Damag dakayu itun, uwed ngarud to nikagkagi mi nga nilawlawag mi dakayu, ket nabileg met to panamati nu ito kagi mi. Ngem bekken nas nga gapu kadito kagkagi mi to panamati nu itun, no di pe̍ lugud gapu iya pannakabalin ne̍ Apu Diyus se̍ ya tulung niya Ispiritu Santu. Ket emmu nu pe̍ nga napaw-is to ugali mi nga nasingen nu dakami ito nakibulbulun kami dakayu. Ta to panggep mi dakayu itun, yan nas mangtulung dakayu.

1 Te̍salunika 3:2

Ket ya nibon mi, e̍ Timutyu nga kabsat tida nga kabulun mi nga agpaay e̍ Apu Diyus iya pannakaisursuru niya Makaparagsac nga Damag maipanggep e̍ Kristu. Nibon mi nga mawe̍ mangpagaget se̍ mangpabileg dakayu iya panamati nu.

1 Te̍salunika 5:14

Ket idi ya ibagbaga mi nga sipapasnec dakayu, kakabsat: Bagbagaan nu diya nasadut. Pabilgen nu diya makumsa. Tulungan nu diya nakapsut pekkem ya panamati da. Ket an-anusan nu ngas pe̍ diya amin nga toley.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

He̍briyu 10:22

Dikad pe̍ umadenni tida kuma ngarud e̍ Apu Diyus, nga sipupudnu tida kuma se̍ awan kuma duwaduwa tida iya panagtalged tida nga sipapati yin. Ta awan kansing tidan nga pannakadusa gapu ka basul, ta arig nga nawarsiyan diya lemlemmet tidan. Ket se̍ diya beggi tida, naibilang da nga nadalusanin, nga arig nga naugasan ka nadalus nga danum.

He̍briyu 6:11

Ket ya gabay mi, ket agpasnec kuma ya tunggal isa dakayu iya panangpabileg nu iya panamati nu, nga agten mettas iya panagipasnec nu iya panangtulung nu kadiya kapada nu. Agten iyan kuma ya wanglen nu, tasun agingga iya panungpalan, awan pagkurangan niya kinatalged nu gapu iya namnama nu e̍ Apu Diyus.

2 Pe̍dru 1:10

Itu nga kakabsat, sipapasnec kayu kuma ngarud nga mangpatalged iya pannakapili se̍ pannakaisaad nu. Ket no agten iyan ya wanglen nu, awan ngarud pakairraduwan nu iya imatang ne̍ Apu Diyusin.

2 Pe̍dru 1:3

Gapu iya nadiyusan nga pannakabalin ne̍ Apu Diyus, ne̍cdan nactidan ka amin nga masapul tida iya panagbiyag tida se̍ iya panangtungpal tida kadiya makaay-ayu igina. Ket nae̍cde̍ yan dactida gapu iya pannakaemmu tida igina, nga igina ya nangpili dactida sigun iya mismu nga kinadayaw se̍ kinalaing na.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!

1 Juan 3:19

Ket ya napudnu nga panagayat tida iya kapada tida, itu ya pakaemmuwan tida nga kameng nactida ya pudnu nga pammati. Ket iya agten iyan, agtalged tida pe̍ iya imatang ne̍ Apu Diyus.

1 Juan 5:7

Dikad pe̍ uwed met tellu nga mangipanecnec maipanggep e̍ Je̍su Kristu: