Kulusas 2:16 - Ya Baru nga Tulag

¹⁶ Dikad pe̍ ita, madi kayu ngarud paiturayan kadiya toley nga mangpilit dakayu ka bilbilin maipanggep kadiya mabalin winno maiparit kanu nga kanen se̍ inumen nu. Uwed da pe̍ ipapilit da nga bilbilin maipanggep kadiya ipangilin da dakayu, nga agten kadito dinagun nga padaya da, se̍ to ngilin da iya binulan nga panaglenned niya bulan, se̍ to Algew Ngilin da nga kada Sabadu.

Kulusas 2:16 Iomraidhean Croise

Matyu 15:11

Bekken nga ya maipauneg iya musung niya toley ya makaparugit iya nakem na, no di lugud diya rumwar iya musung na. Yan nga agtaud igina, itu ngarud mettas ya mangrugit igina,” kunen na.

Markus 7:19

Ta ya kanen toley, madi ngarud maigamer iya panpanunut na, no di ngas mawe̍ iya bessug, ket mairuwar nad mettas nga maipay iya kasilya,” kunen na. Ket iya agten iyan, nipakaemmu met ne̍ Je̍susin nga awan makan nga madi maibilang nga nadalus iya imatang ne̍ Apu Diyus.

Aramid 15:20

Ket ya wanglen tida nga gennung, ket agsurat tida kuma igida, nga ibaga tida kuma ngas nga madi da kuma mangan kadiya makan nga naidatun ka didiyusen, ta dake̍ken tida yan. Se̍ isurat tida pe̍ nga madi da makikamalala. Se̍ madi da pe̍ kuma agsida ka daga winno ya karni niya di napadaga.

Ruma 14:10

Itu nga bekken nga rumbeng no ibilang nu nga dake̍c winno laisen nu ya kabsat nu ka pammati. Ta amin tida, maisangu tida nad e̍ Apu Diyus tasun kedngan nactida.

Galasiya 4:10

Ta ngilinen nu pe̍ lugudin diya naidumduma nga algew, bulan, timpu, se̍ dagun.

Kulusas 2:20

Ket gapu ta naibilang kayu nga kabulun ne̍ Kristu ito pannakatey na, nawayawayaan kayun kadiya sursuru nga agtaud das idi nga lubung. No agten iyan, ape̍ ngarud nga tultuladen nu pekkem diya ug-ugali nga nagtaud das idi nga lubung? Ape̍ agtungtungpal kayu pekkem kadiya bilbilin diya agten kadiyan nga ug-ugali maipanggep kadiya maiparit kanu dakayu?

He̍briyu 13:9

Dikad pe̍ madi kayu kuma maallilaw kadiya nadumaduma nga panursuru nga sabali. Ta ya siaayat nga panangaasi ne̍ Apu Diyus kuma ngas ya mangpabileg dactida, nga bekken lugud nga diya al-alagaden maipanggep kadiya macmakan. Ta no dito nagtungtungpal kadiyan nga al-alagaden, awan met tulung nga nae̍cde̍ igida gapu kadiyan nga tungtungpalen da.

He̍briyu 9:10

Ta dito datdatun da itun, al-alagaden ngas met nga agpaay ngas kadiya masingen nga banbanag, nga agten kadiya pannangan, panaginum, se̍ nadumaduma nga al-alagaden maipanggep iya pannakadalus. Ket napateg diyan agingga ngas iya timpu niya panangbangun ne̍ Apu Diyus iya kabarbaru nga panggep na.

Santiyagu 4:11

Kakabsat, madi kayu kuma agpipinnadake̍c. Ta no mamadpadake̍c kayu maipanggep iya kabsat nu ka pammati, winno sadapen nu, ket ya paglinteggan ne̍ Apu Diyus met ya pangagiyan nu ka dake̍c se̍ sadapen nu. Ket no sadapen nu ya paglinteggan ne̍ Apu Diyus, bekken kayu nga pasurut niya paglinteggan nan, no di lugud arig kayu nga apu nan.