Kulusas 2:10 - Ya Baru nga Tulag

¹⁰ Ket dakayu, gapu iya pannakaitipun nu e̍ Kristu win, naan-anay kayu ngarud itan. Ket e̍ Kristu met ya nangatngatu ngem kadiya amin nga turay se̍ diya amin nga pannakabalin diya madi masingen.

Kulusas 2:10 Iomraidhean Croise

Matyu 28:18

Ket e̍ Je̍sus, imadenni igidan, ket kinunen na igida, “Naitalec iyaken amin nga turay nga uwed ka langit se̍ iya lubung ngi.

Juan 1:16

Ket idi nga maawagan ka Kagi, agtatalunatun ya nikaasi na dactida nga amin, gapu iya nabuslun nga siaayat nga asi na nga awan pagkurangan na.

1 Kurintu 15:24

Ket kalpasan nad niya panagungar tida, itu win ya panagpatingga nidi nga timpu. Ta pukawen nad ne̍ Kristu win diya amin nga maikuntra igina, nga agten kadiya uwed turay da, se̍ diya amin nga uwed pannakabalin da, se̍ ya bileg diya di mas-asingen. Ket ya panangituray na mettas, iyawat na nad e̍ Apu Diyus nga Ama.

E̍pe̍su 3:10

Ket ita, gapu iya masingen iya bungguy mamati, ket diya uwed turay winno pannakabalin da ka langit, maemmuwan da ngarudin ya nakaskasdaaw nga kinasirib ne̍ Apu Diyus kadiya nadumaduma nga panggep na.

E̍pe̍su 3:19

Ngarud, gapu ta uwed dakayun yan nga kabaellan nga makaawat, maemmuwan nu kuma maipanggep idi nga ayat na, nga madi matukud toley. Ket iya agten iyan, agbalin kayu nga awan pagkurangan nan iya panangtulad nu iya gangey nga ipasingen ne̍ Apu Diyus, nga awan met pagkurangan na.

Kulusas 2:15

Ket itu pe̍ to panangipac ne̍ Apu Diyus iya turay se̍ pannakabalin diya di mas-asingen. Ket e̍ Apu Diyus nga sibaballaigi, nipasingen na met pe̍ itun nga silalatac ya panangabac ne̍ Kristu igida.

Kulusas 3:11

Ket diya toley nga uwed igida yani nga kabarbaru nga gangey, awan pulus maibilang nga pagdudumaan niya kinatoley dan, orey bekken nga Hudyu man winno Hudyu, orey nakugit man winno diya madi agtungpal iyan nga ugali, agten pe̍ kadiya di pekkem makaemmu iya ugali Griye̍gu, se̍ diya taga-Sitya nga awan adal da. Ngarud, awan met pagdudumaan diya toley yin, orey tagabu man winno siwayawaya nga toley, ta e̍ Kristu met ya ibilang tida nga kangrunaanin, se̍ igina met ya katurayan ka amin.

He̍briyu 5:9

Ket ito nakasagana nge̍ Je̍susin para iya awan pagkurangan na nga saad na, igina ya nagbalin nga pakaisalakanan ka agnanayun diya amin nga agtungpal igina.

1 Pe̍dru 3:22

Ket e̍ Je̍su Kristu, nawe̍ ka langitin, nga uwed itan iya kadayawan nga edyan, nga itu ya madiwanan ne̍ Apu Diyus. Ket naipaituray iginan diya anghe̍le̍s se̍ diya amin nga duduma nga nailangitan nga uwed turay winno pannakabalin da.