Kulusas 2:1 - Ya Baru nga Tulag

¹ Ket dakayu nga mamati iyan Kulusas, gabay ku nga maemmuwan nu kuma ya panangipakat ku iya panangikarkararag ku dakayu, se̍ para kadiya iLawdisiya pe̍, se̍ orey para kadiya duduma pe̍ nga di pekkem nakasingen iyaken.

Kulusas 2:1 Iomraidhean Croise

Lukas 22:44

Ket nipaspasnec pekkem ne̍ Je̍sus ya panagkararag na, ta nadagsen nga unayin ya ricna na, ket naglinget met ka agten iya daga nga agtedted iya ginet tin.]

Aramid 20:25

“Ket itan, dakayu nga amin nga nadaldalanac nga nangikaskasabaac maipanggep iya panangituray ne̍ Apu Diyus, siguradu wac nga madi dac masingen manin.

Aramid 20:38

ta lumdaang da gapu iya pumanaw nan, se̍ nangruna ito kinagi na nga madi da nad kanu agsisingen nin. Se̍ da nawe̍ nitulud ito bapurin.

Galasiya 4:19

Dakayu nga arig nga an-anac kun, masakitan ya nakem kun gapu dakayu, nga maiyarig iya pannakapasakit niya isa nga babey nga agpakiskis nga aganac. Ket agten iyan ngarud ya panagrigat ku gapu dakayu, agingga nga ya gangey ne̍ Kristu kuma ngin ya mangituray nga pe̍yeng dakayu.

Pilipus 1:30

Itu pe̍ yin ya pannakairaman nu iyaken ka panagrigrigat, nga itu mettas ya kapada nito panagsagabac nga nasingen nu itun. Ket itu pe̍ yin ya panagsagaba nga nadamag nu nga uwed manin iyaken ita.

Kulusas 1:24

Ket no maipanggep iyaken, aganggem mac ngasin, orey maparparigat tac. Ta diya rigrigat ku wi, ket agbanag da met iya panagsirbic nga maipaay dakayu nga mamati. Ta diya rigrigat ku, bagic da ngas nga anusan, nga agten met kadito rigrigat nga nitured ne̍ Kristu itun. Ket masapul nga itured ku met pe̍ agingga ka matungpalin ya tarigagay na maipanggep iya beggi na, nga itu ya bungguy mamati.

Kulusas 1:29

Dikad pe̍ gapu iyan nga panggep ku, agbannug gac ngarud, ta ipakat ku ya amin nga bileg nga uwed iyaken gapu iya pannakabalin na nga mangpabileg iyaken.

Kulusas 2:5

Ta orey deyyu wac dakayu, silalagip pac latta nga kanayun dakayu. Ket naragsakac ngarud met, gapu ta naemmuwac nga is-isa kayu ka panpanunut, se̍ nabaked pe̍ ya panamati nu e̍ Kristu.

1 Te̍salunika 2:2

Ta emmu nu met to pannakaparparigat se̍ pannakaiyal-alyew mi enna Pilipus sacbay nito inumbe̍t mi iyan Te̍salunika. Ngem orey agten iyan, pinatured nakami ya Diyus tida nga nangipakaemmu latta dakayu iya Makaparagsac nga Damag nga gayat igina, orey adu pe̍ diya makatiped dakami itun.

He̍briyu 5:7

Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.

1 Pe̍dru 1:8

Ket ipatpateg nu ngarud nge̍ Je̍su Kristu win, orey madi kayu nasingen itun. Se̍ orey ita nga di kayu masingen, mamati kayu met latta iginan. Ket gapu igina, agragsac kayun ka panagragsac nga madi maikagi ya kinakaskasdaaw na.

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.