Kulusas 1:5 - Ya Baru nga Tulag

⁵ Ket idi nga panamati nu se̍ panagayat nu, maitutup met iya namnamaen nu, nga itu ya namnama nga naisagana para dakayu ka langit. Nadamag nu ya maipanggep iyan nga namnama ito naipakaemmu dakayu ya kinapudnu itun, nga itu mettas ya Makaparagsac nga Damag.

Kulusas 1:5 Iomraidhean Croise

Lukas 12:33

“Itu nga ilaku nu diya sanicwa nu, ket ya paglakuwan nu, ikaasi nu kadiya napanglaw. Ta ipateg nu kuma ya pagpunduwan nga madi marukup, nga itu ya pagurnungan enna langit ka kinabacnang nga madi macsayan. Ket madi pe̍ makalnec antuni diya mannanakew, se̍ awan pe̍ mabucbuc antuni.

Aramid 10:36

“Emmu nun ya Makaparagsac nga Damag nga nipakaemmu ne̍ Apu Diyus dakami nga iIsrae̍l maipanggep e̍ Je̍su Kristu nga Apu diya amin nga toley. Ta e̍ Je̍sus, igina ya mangitunus dactida e̍ Apu Diyus.

Aramid 13:26

“Wawagi, dactida nga kapututan nito Abraham se̍ dakayu nga bekken nga Hudyu nga mangipatpateg e̍ Apu Diyus, dactida met ya nangipakaemmuwan ne̍ Apu Diyusin iya kagi na maipanggep iya panangisalakan na dactida.

Aramid 23:6

Ket itunin, nalagip ne̍ Pablu win nga makikamkameng dito duduma nga kunse̍hale̍s iya bungguy diya Sadusiyu, se̍ dito duduma, iya bungguy diya Parisiyu. Itu nga ginewweng ne̍ Pablu da, ta nibileg na ya timec na nga kinagi na, “Wawagi, iyaken, Parisiyu wac met pe̍, se̍ Parisiyu met pe̍ dito nagputputut iyaken. Ket emmuc met ya kagura nu iyaken nin, ta namnamaec nga uwed nad panagungar diya natey,” kunen na.

Aramid 24:15

Namnamaec pe̍ ya panangpagungar ne̍ Apu Diyus kadiya amin nga toley, nga dake̍c man se̍ nalinteg. Ket orey pe̍ didi nga mangipabasul iyaken, itu met pe̍ ya namnamaen da.

Ruma 10:8

Bekken kuma ngarud nga agten iyan ya panangipagarup tida, ta kunen na pe̍, “Arig nga denni ikew ya kagi ne̍ Apu Diyusin, ta pe̍yeng nga itu ya balbalikasem se̍ lemlemtam,” kunen na. Ket itu met ya kagi ne̍ Apu Diyus maipanggep ka panamati, nga itu pe̍ ya kagi nga ikaskasaba mi.

1 Kurintu 13:13

Ket uwed ngarud tellu nga awan panagpatingga da, nga itu ya panamati, se̍ ya sinanama nga panpanunut, se̍ ya panagayat. Ngem kangrunaan kadidi ya panagayat.

1 Kurintu 15:19

Ngarud, no agpaay ngas idi nga biyag ya panagnamnama tida e̍ Kristu, ket dactida nga mamati igina ya kangrunaan nga kackaasi kadiya amin nga toley.

2 Kurintu 5:19

Ket ya kayat mi nga kagiyen, agten idi: Ya panangitunus ne̍ Apu Diyus kadiya toley igina, ket gapu ito winangel ne̍ Kristu. Ket gapu ito winangel ne̍ Kristu, awan ibilang ne̍ Apu Diyus nga basul dan. Ket nitalec na pe̍ dakami ya panangisuru mi maipanggep iyan nga panangitunus na kadiya toley igina.

2 Kurintu 6:7

Ket ipasingen mi pe̍ nga pudnu kami nga agsirsirbi e̍ Apu Diyus gapu iya kinapudnu niya isursuru mi, se̍ gapu iya kauwed niya pannakabalin ne̍ Apu Diyus dakami. Ket arig nga pangabac mi ka dake̍c ya panagwangel mi ka nalinteg, nga itu ya maiyarig ka panggubat nga armas se̍ kalasag mi.

Galasiya 2:14

Ngem ito nadlaw ku nga bekken nga kustu ya winangwangel da, gapu ta bekken nga maitutup iya banag niya panursuru maipanggep iya Makaparagsac nga Damag, nilbec ku ngarud nge̍ Pe̍dru iya imatang da mettas nga amin. Kinunec ngarud igina, “Isa ka nga Hudyu, ngem itun, tinultulad mu met diya ug-ugali diya bekken nga Hudyu, nga madi ka tinungpal diya ug-ugali diya Hudyu. Ape̍ ipapilit mu ita kadiya bekken nga Hudyu ya panangtungpal kadiya ug-ugali Hudyu?” kunec.

Galasiya 2:5

Ngem pulus nga madi kami nituluc to gabay da, ta madi mi gabay no mariribuc ya kinapudnu nga nisursuruc dakayu, nga itu ya Makaparagsac nga Damag.

Galasiya 5:5

Ngem no dakami, namnamaen mi ya pannakaibilang mi nga nalinteg iya imatang ne̍ Apu Diyus gapu iya Ispiritu na. Itu nga sinanama kami gapu iya panamati mi.

E̍pe̍su 1:13

Ket iya agten iyan, namati kayu e̍ Kristu ito nagicna nu ya kasaba maipanggep iya kinapudnu, nga itu ya Makaparagsac nga Damag nga pakaisalakanan nu. Ket gapu iya pannakaitipun nu e̍ Kristu, arig nga minarkaan nakayu nge̍ Apu Diyus iya Ispiritu Santu. Itu ya Ispiritu nga nikari ne̍ Apu Diyus, ket itu ya pakaemmuwan iya panangtagikuwa na dakayu.

E̍pe̍su 4:21

Ta tutu met nga nagicgicna nun ya panursuru nga gayat e̍ Je̍sus. Ket gapu iya pannakaitipun nu igina, naisuru met dakayun ya pudnu nga panursuru maipanggep iya panamati igina, ta emmu tida nga yan nas pudnu ya tumaud e̍ Je̍sus.

Kulusas 1:23

Ngem basta masapul nga sipapati kayu nga kanayun iya Anac. Ta nabaked se̍ napaut kuma ya panamati nu, tasun madi kayu lugud maiyaw-awan nga maisina iya namnama nga e̍cde̍ niya Makaparagsac nga Damag nga naikasaba dakayu itun. Ta itu mettas yan ya Makaparagsac nga Damag nga naipakaemmu ka amin nga toley iya lubungin. Ket iyaken nga Pablu, nagbalin nac met nga isa nga natalec nga mangikaskasaba iyan nga damag.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

Kulusas 3:16

Ket diya sursuru nga nagtaud e̍ Kristu, itu kuma ya pe̍yeng nu nga laglagipen iya panagsisinnuru se̍ panagbibinnalakad nu maikanatad iya sirib nga e̍cde̍ ne̍ Apu Diyus. Ket iya agten iyan pe̍, agkankanta kayu kuma, nga agiiyaman kayu kuma nga siaayat e̍ Apu Diyus. Ta agkankanta kayu ngarud kadiya dandaniw nga uwed ayug da, se̍ kadiya kankanta nga pagdayaw e̍ Apu Diyus, se̍ iyayug nu kuma pe̍ diya duduma nga panagdayaw nu.

1 Te̍salunika 2:13

Ket agyaman kami nga pe̍yeng e̍ Apu Diyus gapu ta ito nipakaemmu mi dakayu ya kagi ne̍ Apu Diyus, pinati nu. Nibilang nu nga tutu nga kagi nga gayat e̍ Apu Diyus, bekken nas nga kagi toley. Ket tutu met nga kagi ne̍ Apu Diyus yan nga mangiturturung dakayu nga mamati.

2 Te̍salunika 2:16

Ket uwed kuma adngen mi iya Apu tida nga Je̍su Kristu se̍ e̍ Apu Diyus nga Ama tida nga mangayat dactida. Ta gapu iya siaayat nga asi na, liwliwaan nactida ka liwliwa nga madi agpatingga, se̍ namnama nga nabaru.

1 Timutyu 1:15

Tandaanam kuma yani nga ibagac, ata pudnu met yani, se̍ gabay ku no awan kuma madi mamati iya amin nidi: Inumbe̍t nge̍ Kristu Je̍sus idi nga lubung tasun isalakan na diya uwed basul da. Ket iyaken met ya kadake̍kan iya amin!

2 Timutyu 4:8

Ket itan, uwed naisagana para iyaken nga arig nga gun-gunac. Itu ya kinalinteg niya Apu nga ikutac nad mettas, nga arig nga isa nga kuruna nga igun-guna niya Apu iyaken nad no Timpu na nga manglinteg kadiya toltoley. Ket bekken nas nga iiyaken ya magun-gunaan nad ka agten iyan, no di pe̍ diya amin nga siaayat nga mangpadpadaan iya umbe̍t na manin.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

He̍briyu 7:19

Ta awan met naibilang nga awan pagkurangan na iya imatang ne̍ Apu Diyus gapu ito Linteg. Ket ita, uwed met namaymayat nga pagnamnamaan nga naipakaemmu dactidan, ket itu ya pakaiyadenniyan tidan e̍ Apu Diyus.

1 Pe̍dru 2:2

Arig kayu kuma nga kaiyanac nga ke̍bit nga napalaus ya ayat na nga sumusu. Agten kuma ngarud iyan ya ayat nu nga mangemmu iya kagi ne̍ Apu Diyus nga maiyarig ka nailangitan nga gatas nga awan kinadake̍c na. Itu ya tarigagayan nu kuma, tasun bumilbileg ya panamati nu patingga nga madatngan nu ya pakatungpalan niya pannakaisalakan nu,

1 Pe̍dru 3:15

Ngem ya wangwanglen nu kuma nga gennung, lemlemtan nu nge̍ Kristu nga ipatpateg nu nga Apu. Se̍ pe̍yeng kayu kuma nga nakasagana nga mangipalawag no uwed agsaludsud maipanggep iya namnamaen nu gapu iya panamati nu. Ngem no agsungbat kayu igida, annadan nu kuma ya panagkagkagi nu, se̍ siraraem kayu kuma iya panagsungbat nu.

2 Pe̍dru 1:12

Ket gapu iyan, orey no emmu nun diyan nga nibagac dakayu, se̍ orey nabaked din ya panamati nu iya kinapudnu nga naisuru dakayun, panggep ku latta nga ipalpalagip dakayu nga pe̍yeng diyan.

1 Juan 3:3

Ket amin diya sinanama kadiyan gapu e̍ Kristu, masapul nga iparis da met ya panagbiyag da iya kinadalus na.