Kulusas 1:13 - Ya Baru nga Tulag

¹³ Ta nisalakan nactida nge̍ Apu Diyus iya nagicbet nga turay niya dake̍c, ket niyalis nactidan nga niraman kadiya iturayan niya patpatgen na nga Anac.

Kulusas 1:13 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 25:34

“Ket kunen nad niya Ari kadiya uwed iya madiwanan na, ‘Umbe̍t kayun, dakayu nga pinagasatan niya Amac! Makipagtawid kayu ngarudin iya pannakairaman nu iya pagiturayan, nga itu ya tawid nu nga naisagana para dakayu manipud ito pannakaparsuwa niya lubung.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Lukas 13:24

Ket kinunen ne̍ Je̍sus kadito aggigicna, “No diya toley nga maisalakan, ket maiyarig da iya umuneg ka ruwangan nga nailet. Ket dakayu, ikagumaan nu kuma ngarud ya umuneg iyan nga ruwangan. Ta ya kinapudnu na, adu nad diya mayat nga umuneg, ngem madi da nad met mabalinan.

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 3:35

Ket ya Ama, ayaten na met ya Anac, ket nitalec na igina diya amin.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

Ruma 14:17

Ta no maipanggep iya panangituray ne̍ Apu Diyus dactida, ket bekken nga ya pannangan se̍ panaginum ya napateg, no di lugud ya pannakapalinteg, se̍ ya panagtutunus, se̍ ya panaganggem nga tumaud iya Ispiritu Santu.

2 Kurintu 11:14

Ngem bekken tida kuma nga masdaaw iya agten iyan nga gangey da. Ta orey e̍ Satanas, emmu na met nga pagbaliwen ya langa na tasun makapagparang nga arig nga isa nga anghe̍l nga mangipawada iya kinapudnu.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

E̍pe̍su 1:6

Agten iyan ya naariman, tasun daydayawen tida kuma ngarud nge̍ Apu Diyus gapu iya nakaskasdaaw nga siaayat nga asi na nga nipaay na dactida gapu iya pannakaitipun tida iya Dungdungnguwen na nga Anac.

E̍pe̍su 4:18

Ta diya agten iyan nga madi mamati, nagicbet pekkem ya panpanunut da. Ket awan ngarud pakairamanan da iya kabarbaru nga biyag nga e̍cde̍ ne̍ Apu Diyus, ta gapu iya kinamulinas da, madi da makaawat maipanggep e̍ Apu Diyus.

E̍pe̍su 5:5

Ta emmu tida met nga amin diya makikamalala, se̍ diya naalas ya panpanunut da, se̍ diya naagum, ket madi da ngarud mairaman nga makipagtawid kadiya iturayan de̍ Kristu nge̍ Apu Diyus. Diya naagum kunec, ta ya aguman da, ket agbalin nga arig nga diyus da nga daydayawen da.

E̍pe̍su 5:8

Ta itun, tutu met nga nagicbet pe̍ ya panpanunut nu nga agten met pe̍ igida. Ngem itan, uwed dakayun ya nawada nga panpanunut, gapu iya pannakaitipun nu iya Apu. Itu nga agtungpal kayu kuma ngarudin kadiya tumutup nga ugali niya isa nga anac niya wada.

E̍pe̍su 6:12

Ta bekken met nga toley ya kakuntra tida, no di lugud diya dake̍c nga di mas-asingen nga gayat iya ngudu. Itu diya uwed pannakabalin se̍ turay da, se̍ diya agituray kadiya dake̍c nga toltoley nga uwed idi nga lubung ita nga timpu, nga arig nga nagicbet.

1 Te̍salunika 2:12

Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.

He̍briyu 2:14

Ket gapu ta uwed kinatoley didi nga naibilang nga anac na, nagbalin met nge̍ Je̍sus nga agten pe̍ igida, ta naglak-am met pe̍ iya kasasaad niya kinatoley da. Agten iyan ya winangel na, tasun gapu iya pannakatey na, pirdiyen na ya pannakabalin niya diyablu, nga itu ya pakaigapuwan niya pannakatey.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

2 Pe̍dru 1:11

Ket iya agten iyan, adu diya napateg nga maipaay dakayu iya pannakairaman nu nad iya agnanayun nga pagiturayan ne̍ Je̍su Kristu nga Apu tida se̍ Mangisalakan dactida.

1 Juan 2:8

Ngem orey bekken nga kabarbaru yani nga bilin nga isurat ku dakayun, ket arig nga kabarbaru met dakayu. Ket nasingen met ya nabaru nga pagbanagan na ito panagbiyag ne̍ Je̍sus itun, se̍ masingen met pe̍ iya panagbiyag nu ita. Agten iyan nga tutu, ta arig nga agsirnac kin ya pudnu nga mangwada, ket agpucpukaw mettin ya gicbet.

1 Juan 3:14

Dactida nga mamati, naiyalis tidan iya turay niya biyag, manipud iya turay niya patey. Ket ya panagayat tida kadiya kakabsat tida ka pammati, itu ya pakaemmuwan tida nga tutu yan. Ngem ya madi agayat kadiya kapada na, ket paiturayan met iya turay niya patey.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.