Kulusas 1:11 - Ya Baru nga Tulag

¹¹ Ket ikarkararag mi pe̍ nga gapu iya nakaskasdaaw nga pannakabalin na, pabpabilgen kuma ne̍ Apu Diyus ya panamati nu igina, gapu iya amin nga bileg nga ipaay na dakayu. Agten iyan kuma tasun makaanus se̍ makaibtur kayu was iya orey nagan na nga mapasamac dakayu.

Kulusas 1:11 Iomraidhean Croise

Aramid 1:8

Ngem dito banbanag nga kinagic se̍ winangel ku, ket emmu nu dan. Ket no umbe̍t nad dakayu ya Ispiritu Santu, paturedden nakayu nad gapu iya pannakabalin na, tasun mangipakaemmu kayu iya kinapudnu maipanggep iyaken. Mangipakaemmu kayu nad ennid He̍rusale̍m, se̍ iya amin nga prubinsiya nga Hudya ngi, se̍ enna prubinsiya nga Samarya, se̍ orey pe̍ iya amin nga lubung,” kunen na.

Aramid 5:41

Ket siraragsac nga pimanaw dito apustule̍s ito mimitingan diya kunse̍hale̍s, ta emmu da nga gapu mettas iya winangwangel da maipanggep iya kinaturay ne̍ Je̍sus, nibilang ne̍ Apu Diyus da nga maikari nga aglak-am iyan nga pakaiyal-alyewwan da.

Ruma 2:7

Agten idi ya pananggun-guna na kadiya toley: Uwed da toley nga siaanus nga agwangwangel ka nabaru, gapu ta ipateg da ya panangpadayaw se̍ panangparaem ne̍ Apu Diyus igida, se̍ ya awan patingga na nga biyag nga ipaay na. Ket didi nga toley met diya pangipaayan nad ne̍ Apu Diyus iya biyag nga agnanayun.

1 Kurintu 16:13

Pe̍yeng kayu kuma nga nasalukag, se̍ madi kayu pagbalbaliwen ya nabaked nga panamati nu. Natured kayu kuma, se̍ nabileg kuma pe̍ ya panpanunut nu.

2 Kurintu 4:7

Ket dakami ya nangitalkan ne̍ Apu Diyus idi nga napateg nga banbanag maipanggep iya Makaparagsac nga Damag. Ket dakami, arig nga kadawyan nas nga banga nga napayan ka napateg nga unay nga gameng. Agten kami ngarud iyan, tasun maipasingen nga bekken nga dakami ya tumaudan nidi nga kangatuwan nga pannakabalin, no di ngas e̍ Apu Diyus.

E̍pe̍su 3:16

Tutu ngarud met nga dackel nga unay ya kinadayaw ne̍ Apu Diyus, ket itu nga adngec igina nga gapu iya pannakabalin niya Ispiritu na, mapabileg kuma diya nakem nu.

E̍pe̍su 4:2

Napakumbaba se̍ nanacman kayu kuma, se̍ naanus kayu kuma nga pe̍yeng, ket agpipinnase̍nsiya kayu kuma ngarud gapu iya panagiinnayat nu.

E̍pe̍su 6:10

Ket itan, idi ya ibagac dakayu: Pabilgen nu diya panpanunut nu maipanggep iya panamati nu gapu iya pannakaitipun nu iya Apu, se̍ gapu iya bileg nga tumaud iya pannakabalin na.

Pilipus 4:13

Ta awan dumateng iyaken nga madic maitured gapu iya tulung niya mangpabileg iyaken.

2 Pe̍dru 1:6

Ket iya pannakaemmu nu, iraman nu kuma pe̍ ya panagtimbeng iya beggi nu. Ket iya panagtimbeng nu, iraman nu kuma ya panaganus. Se̍ iya panaganus nu, iraman nu kuma ya panagtungpal kadiya makaay-ayu e̍ Apu Diyus.

Hudas 1:25

Ngarud, laglagipen nu kuma nga pe̍yeng nge̍ Apu Diyus, nga ig-igina ngas met ya Diyus nga Mangisalakan dactida, gapu e̍ Je̍su Kristu nga Apu tida. Sapay kuma ta igina ya madaydayaw, nga kangatuwan ya dayag na, kinaari na, pannakabalin na, se̍ turay na. Uwed met didi igina ito awan pekkem naparsuwa. Ket uwed da pe̍ orey ita, ket uwed da mettas pe̍ ka agnanayun nga awan patingga na! Agten iyan kuma ngin.

Paltiing 14:12

Itu ya gapu na nga masapul nga aganus nga pe̍yeng diya toley ne̍ Apu Diyus, nga itu diya agtungtungpal kadiya bilbilin na se̍ ya pammati da e̍ Je̍sus.