Kulusas 1:10 - Ya Baru nga Tulag

¹⁰ Ket agten iyan ngarud ya ikarkararag mi, ta gabay mi no agbiyag kayu kuma nga tumutup iya Apu. Ta diyan nas makaay-ayu igina ya pe̍yeng nu nga wangwanglen kuma, ta agbanag kuma ka nabaru diya amin nga nadumaduma nga wangwanglen nu, se̍ umad-adu kuma pe̍ ya pannakaemmu nu maipanggep iya gangey ne̍ Apu Diyus.

Kulusas 1:10 Iomraidhean Croise

Juan 15:16

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Juan 15:8

Ta pakaidayawan niya Amac ya panamisic nu ka adu gapu iya panamati nu. Ket itu pe̍ ya panangipasingen nu nga tutu kayu nga pasurut ku.

Juan 17:3

Ket ya banag nidi nga biyag nga agnanayun, ket itu ya pannakaem-emmu da ikew nga is-isa se̍ pudnu nga Diyus, se̍ ya pannakaem-emmu da pe̍ e̍ Je̍su Kristu, nga itu ya nibon mu.

Ruma 1:13

Kakabsat, gabay ku nga maemmuwan nu kuma yani: Name̍n-adu win nga pinanggep ku ya umbe̍t sumacwar dakayu, ngem agingga ita, uwed met pekkem diya makatiped iyaken. Gabay ku ya umbe̍t iya edyan nu, tasun uwed kuma pe̍ nabaru nga pagbanagac iyan Ruma, agten mettas iya pagbanagac kadiya pada nu nga bekken nga Hudyu nga uwed kadiya duduma nga pagiliyan nga napennac.

Ruma 4:12

Ket dactida nga Hudyu nga nagtungpalin iya panagkugit, to Abraham met pe̍ ya maibilang nga ama tida, no tungpalen tida to nipasingen na nga pagtuladan tida, nga itu ya panamati na orey madi pekkem nga nagpakugit itun.

Ruma 6:4

Ngarud, ito nabautisaran tida, naipasingen nga naibilang tidan nga arig nga naitamen pe̍ nga nairaman igina gapu iya pannakairaman tida ito pannakatey na. Ket nairaman tida ngarud ito pannakatey na tasun agbiyag tida kuma sigun iya kabarbaru nga biyag, nga agten pe̍ ito biyag ne̍ Kristu nga napagungar gapu iya nadayaw nga pannakabalin niya Ama.

2 Kurintu 2:14

Ngem agyaman nac latta e̍ Apu Diyus, ta igina ya mangidaldalan dakami nga sibaballaigi, gapu iya pannakaitipun tida e̍ Kristu. Ket se̍ dakami ya usaren ne̍ Apu Diyus iya pannakaiwaragawag niya damag maipanggep e̍ Kristu kadiya amin nga lugar. Ket idi nga damag maipanggep e̍ Kristu, arig nga nabangug nga ellab.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

2 Kurintu 5:9

Ngem orey no uwed kami pekkem idi nga beggi, winno uwed kami iya edyan niya Apu win, ket panggep mi met latta ya mangay-ayu igina.

2 Kurintu 9:8

Ket e̍ Apu Diyus, mabalinan na ya mange̍cde̍ ka siaayat nga asi nga nasursuruc ngem iya kasapulan nu. Agten iyan ya arimanen na, tasun madi kayu nga agkurang iya orey nagan na, se̍ tasun uwed pe̍ dakayu ya adu nga maitulung nu iya orey nagan na nga rantaen nu nga kaasiyan.

E̍pe̍su 1:17

Ngarud, gapu dakayu, agpacpakaasi yac e̍ Apu Diyus nga Diyus mettas niya Apu tida nga Je̍su Kristu se̍ ya madaydayaw nga Ama. Ipacpakaasic nga e̍cde̍ na kuma dakayu ya sirib se̍ pannakaawat nga gayat iya Ispiritu Santu, tasun makaawat kayu kuma maipanggep e̍ Apu Diyus.

E̍pe̍su 2:10

Ta ya kinapudnu na, uwed din dactida nga mamati yan nga kasasaad tida, gapu ngas ito inariman ne̍ Apu Diyus. Ta niraman nactida iya kasasaad mettas ne̍ Kristu Je̍sus, tasun agpaay tida pe̍ iya panagwangel kadiya makaay-ayu igina. Itu met to panggep ne̍ Apu Diyus itun pekkem nga wangwanglen tida kuma ita.

E̍pe̍su 4:1

Ket itan, iyaken, uwed dac iya pagbaludan nga idi gapu iya panagsirbic iya Apu. Ket sipapasnekkac nga mangbagbaga dakayu nga maitutup kuma ya ugali niya panagbiyag nu iya kinadayaw niya saad nu nga nangpiliyan ne̍ Apu Diyus dakayu.

E̍pe̍su 4:13

Ket agten iyan kuma ya maariman agingga nga agkaykaysa tidan iya panamati tida se̍ iya pannakaawat tida maipanggep iya Anac ne̍ Apu Diyus. Ta agbalin kuma nad nga naan-anay diya nakem tida maipanggep kadidi, nga agten mettas kuma iya nakem ne̍ Kristu nga awan pagkurangan na.

E̍pe̍su 5:10

Ket diya banbanag ngas nga makaay-ayu iya Apu kuma ya emmuwen nu.

E̍pe̍su 5:15

Itu nga pe̍yeng nu kuma ngarud nga panunuten nga nalaing no nagan ya kustu nga mawangel nu. Ta bekken kayu nga agten kadito toley nga di pekkem makaawat, no di lugud nasirib kayu kuma ngin.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

Pilipus 1:11

Ket iya agten iyan, adu win diya nalinteg nga banbanag nga masingen dakayu gapu iya tulung ne̍ Je̍su Kristu, ket agbanag didi ka pakasingnan iya kinaDiyus se̍ kinadayaw ne̍ Apu Diyus.

Pilipus 1:27

Ket kangrunaan, itunus nu kuma ya panagbiyag nu iya Makaparagsac nga Damag maipanggep e̍ Kristu. Agten iyan kayu kuma tasun orey no awan nac pekkem iya edyan nu, winno no makadateng ngac nad nga sumacwar dakayun, ket madamag ku kuma nga nabaked ya panagbubulun nu gapu iya is-isa nga panpanunut nu, nga is-isa ya panggep nu iya panagtungpal nu iya rebbeng nu iya pammati tida nga maigapu iya Makaparagsac nga Damag.

Pilipus 4:18

Ket kustu mettin to nae̍cde̍ iyaken, ket nagsursuruc pe̍ lugudin. Ta awan pulus masapul kun, gapu ito nipakagtu nu e̍ E̍papruditu nga para iyaken. Ket naibilang ngarud nga nabangug nga pagdatun nu ditun nga ne̍cde̍ nu, nga isa nga datun nga annamungan ne̍ Apu Diyus, nga pakaragsakan na.

Kulusas 2:19

Diya agten iyan nga toley, madi da met ipatpateg nge̍ Kristu win, orey igina mettas ya pannakaulu tida nga mamati, nga arig nga ulu niya beggi, ta tumaud met igina ya bileg tida nga amin. Ket iya agten iyan, agis-isa tida. Arig tida nga beggi nga masilpu diya parte̍ na gapu kadiya um-um-um se̍ ug-ugat na nga mamagkamang. Ket pabilgen met ne̍ Apu Diyus ya panamati tida, dactida nga bungguy na, nga arig mettas nga beggi nga mapadackel.

Kulusas 2:6

Ket gapu ta makiapu kayu e̍ Kristu Je̍susin, makitipun kayu kuma ngarud pe̍ igina iya panagbiyag nun.

Kulusas 3:20

Ket dakayu nga an-anac, managtungpal kayu kadiya naganac dakayu iya orey nagan na, ta itu ya makaay-ayu e̍ Apu Diyus.

Kulusas 4:5

Ket no maipanggep iya panagbiyag nu iya imatang diya madi pekkem mamati, ket nasirib kayu kuma, nga usaren nu ngarud ka nabaru diya amin nga gundaway nu igida.

1 Te̍salunika 2:12

Ta binagbagbagaan dakayu, pinabpabileg dakayu, se̍ liniwliwa dakayu nga tunggal isa. Agten iyan ngarud ya winangwangel mi, tasun agbiyag kayu kuma nga pe̍yeng nga makaay-ayu e̍ Apu Diyus nga nangpili dakayu nga mairaman iya pangiturayan na se̍ pakadayawan na.

1 Te̍salunika 4:1

Ket itan, kakabsat, uwed pekkem ibaga mi kuma dakayu. Nisuru mi dakayu itun ya panagbiyag nga makaay-ayu e̍ Apu Diyus. Agten iyan kuma pe̍ ya panagbiyag nu, ta itu ya ipalagip se̍ ibilin mi nga sipapasnec dakayu gapu e̍ Apu Je̍sus. Ket emmu mi met nga makaay-ayu ngarudin ya panagbiyag nu e̍ Apu Diyus, ngem laclaingen nu pekkem kuma.

2 Timutyu 2:4

Ket emmu ta nga ya suldadu nga uwed iya nakaibonan na, madi ngarud makibiyang kadiya wangwanglen diya sibilyan, ta gabay na nga ay-ayuwen ya turayen na nga suldadu.

Titu 3:1

Ket ipalagip mu pe̍ kadiya toley ennan nga paiturayan da kadiya agtuturay iya pagiliyan se̍ diya upisyal. Tungpalen kuma ngarud diya toley ennan diya bilbilin diya agtuturay, se̍ pe̍yeng da nga sisasagana nga agwangel ka nabaru.

Titu 3:14

Ket isurum kuma diya kabulun tida ennan nga makibiyang da kadiya nabaru nga wangwangel, tasun makatulung da kuma kadiya toley nga uwed kasapulan da, se̍ tasun uwed nabaru nga pagbanagan niya panagbiyag da.

He̍briyu 11:5

Ket to E̍nuc pe̍, gapu ta uwed panamati na, madi natey, ata inalac ne̍ Apu Diyus nga nipen ka langit ito sibibiyag pekkem. Ket madi nasmac dito pada na nga toley, ta naalac mettin. Ket emmu tida maipanggep ito panamati na, ta sigun ito naisurat iya Bibliya maipanggep igina, naemmuwan tida nga ito sibibiyag pekkem to E̍nuc idi nga lubung, naay-ayu na nge̍ Apu Diyus.

He̍briyu 13:16

Ket di nu kuma pe̍ liwayan ya panagariman ka nabaru, se̍ ya panagtitinnulung nga siaasi. Ta diya agten kadiyan, arig da nga datun nu nga makaay-ayu e̍ Apu Diyus.

He̍briyu 13:21

Ngarud, e̍ Apu Diyus met ya pagkararagac maipanggep dakayu, ket ikararag ku nga ipaay na kuma dakayu diya amin nga nabaru nga masapul nu, tasun makatungpal kayu kuma iya tarigagay na. Ket sapay kuma ta e̍ Apu Diyus, ipawangel na dactida diya makaay-ayu mettas igina, gapu iya tulung ne̍ Je̍su Kristu dactida. Ket madaydayaw kuma ngarud nge̍ Je̍su Kristu ka agnanayun nga awan patingga na. Agten iyan kuma ngarudin.

2 Pe̍dru 1:8

Ket no uwed dakayu didi nin se̍ pe̍yeng nga itu diya ad-adda nga wangwanglen nun, siguradu nga uwed sirbi se̍ nabaru nga pagbanagan niya pannakaemmu nu iya Apu tida nga Je̍su Kristu.

2 Pe̍dru 3:18

Ngem sapay kuma ta bumilbileg pekkem ya panamati nu iya Apu tida se̍ Mangisalakan dactida nga Je̍su Kristu, gapu iya siaayat nga panangaasi na dakayu, se̍ gapu iya pannakaemmu nu maipanggep igina. Igina kuma ya madaydayaw, orey ita nga timpu, se̍ iya maadpangan pe̍ nga agnanayun!

1 Juan 3:22

Ket orey nagan na nga adngen tida igina, ipaay na dactida, ta tungpalen tida diya bilin na se̍ wanglen tida pe̍ diya makaay-ayu igina.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

3 Juan 1:6

Ket uwed da met kadidi diya nangipadamagin iya bungguy mamati ennidi maipanggep iya panagayat mu igida. Ket no uwed da manin dumagdagus iyan, pangngaasim kay ta nabaru met no tulungam da iya orey nagan na nga masapul da iya panagbulay da. Ta itu ya tumutup nga ugali diya agsirsirbi e̍ Apu Diyus.