Juan 9:39 - Ya Baru nga Tulag

³⁹ Ket kinunen ne̍ Je̍sus, “Inumbe̍t tac idi nga lubung, nga manglinteg kadiya toltoley, tasun makasingen kuma diya maiyarig ka kulap, se̍ tasun diya agkunen nga makasingen da, igida nga gennung ya agbalin nga arig nga kulapin,” kunen na.

Juan 9:39 Iomraidhean Croise

Matyu 11:5

Ibaga nu nga makasingen nin diya kulap, makadalanin diya lugpi, napalaingin diya agkukutel, se̍ makagicna ngin diya tuleng. Ket diya natey, napaungar dan. Diya nanumu nga toley, nakaskasabaan dan iya Makaparagsac nga Damag.

Matyu 15:14

Itu nga ipamoya nu was diyan nga Parisiyu. Arig da ngas nga kulap nga mangge̍pe̍d. Ket no kulap ya mangge̍pe̍d iya pada na nga kulap, misacdul da nga duwa nga maipisuc ka ebbut,” kunen na.

Matyu 6:23

Ngem no bekken nga nabaru ya matam, ket arig nga uwed iya gicbet ya amin nga parte̍ niya beggim. Ket iya agten iyan, no nagicbet ikew ya wada niya dilag mu, nakaru ngarud met ya gicbet niya kasasaad mu!”

Lukas 1:79

tasun mawadaan tidan, dactida nga arig nga agtugtugew iya gicbet, nga sidadanag iya umbe̍t nga pakatayan tida. Ket yan nga wada, itu win ya mangiturung dactida iya pagtalnaan tida,” kunen nito Sakaryas.

Lukas 13:30

Ket pudnu met nga uwed diya maibilang nga nababa ngas ita, nga maibilang nad met nga nadayawin. Ket uwed diya maibilang nga nadayaw ita, nga maibilang nad ngas met nga nababa ngin,” kunen na.

Lukas 2:34

Ket nikararagan ne̍ Simyun da, ket kinunen na e̍ Marya nga ina nito ebbing, “Ngarud, naipaay met yani nga ebbing nga pakaipaseggeddan se̍ pakaipangatuwan diya adu nga toley idi nga Israe̍l. Ket igina pe̍ ya naipaay nga pagilasinan nga kunkuntraen nad diya toley.

Lukas 4:18

“Uwed iyaken ya Ispiritu niya Apu, ta pinili nac nga mae̍cdan, tasun mangikasaba ngac iya damag nga makaparagsac kadiya nanumu nga toley. Nibon nac met nga mangiwaragawag iya pannakawayawaya diya natagabu, se̍ ya pannakasingen manin diya nakulap, se̍ tasun wayawayaac diya maparparigat.

Lukas 7:21

Ket bayat nito kauwed da iya edyan ne̍ Je̍sus, adu diya pinalaing na nga agsacsakit, se̍ diya uwed sarut da, se̍ diya naluganan ka sairu, se̍ adu pe̍ diya kulap nga pinagbalin na nga makasingen nin.

Juan 12:31

Ta ita mettin ya panangrugi niya panangukum ne̍ Apu Diyus kadiya toley idi nga lubung. Ita met pe̍ yin ya timpu niya panangpatalew ne̍ Apu Diyus iya agituray idi nga lubung.

Juan 12:46

Inumbe̍t tac iya lubung ngi, nga arig gac nga mangwada ka toley, tasun diya amin nga mamati iyaken, madi da agedyan iya gicbet tin.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 3:19

Agten idi ya pakaukuman toley: Inumbe̍t idi nga lubung ngin ya Mangwada ka toley. Ngem gapu ta dake̍c diya wangwanglen diya toltoley, ginabgabay da ya gicbet ngem iya wada.

Juan 8:12

Ket itun, nagkagi manin nge̍ Je̍sus kadiya toltoley nga kinunen na, “Iyaken ya mangwada ka toley iya lubung ngi. Ya sumurut iyaken, madi manmanalan iya gicbet tin, no di lugud mawadaan ka wada nga mange̍cde̍ ka biyag,” kunen na.

Juan 8:15

Ta no dakayu, gapu was iya pagarupen nu ya panangukum nu. Ngem no iyaken, bekken ku nga gagara ya mangukum ka orey nagan na nga toley.

Juan 9:25

Ket kinunen nito lalaki, “Di yac emmu no uwed basul na winno awan. Basta idi yas ya emmuc: Kulap pac itun, ngem ita, makasingen nac kun!” kunen na.

Aramid 26:18

Ibon naka ngarud igida, tasun malasin dac gapu iya ibagam igida, tasun pe̍yeng nga e̍ Apu Diyus ya mangituray igidan, nga bekken nga e̍ Satanasin, se̍ tasun wada ya suruten dan, nga bekken nga ya gicbet tin. Ket iya agten iyan, mapakawan diya basbasul dan, gapu iya panamati da iyaken, se̍ maidga dan kadiya maibilang nga toley ne̍ Apu Diyus,’ kunen na iyaken.

2 Kurintu 2:16

Ket diya toley nga madi da emmu ya panangisalakan ne̍ Apu Diyus, dake̍c igida yan nga ellab, ta itu ya ellab niya pakatayan da. Ngem diya toley nga makaemmu win iya panangisalakan na igida, ket nabaru met igida yan nga ellab, ta itu ya ellab niya pakabiyagan da. Ay, masdaaw wac. Ta emmuc nga awan sigud nga kabaellan mi idi nga panagsirbi mi e̍ Apu Diyus. Ta awan toley nga maikari idi!

E̍pe̍su 5:14

Itu ya kayat nga kagiyen nito pagkakagi nga kunen na, “Malukag kan, ikew nga docyep! Agungar kan iya pakatayam! Ket iya agten iyan, e̍ Kristu met ya mangwada ikew win,” kunen na.

2 Te̍salunika 2:10

Awan kinadake̍c nga di na nad iyusar nga pangallilaw kadiya toltoley. Ket diya allilawen na nad, itu diyan diya toley nga madusa nga mapukaw, ta di da nipateg ya kinapudnu tasun maisalakan da kuma.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.

1 Juan 2:11

Ngem ya gumurgura iya kapada na, uwed pekkem iya gicbet, ket itu win ya sursuruten na. Ket ya agten iyan nga toley, madi met makailasin iya pennan na, ta arig nga nakulap gapu iya gicbet.