Juan 9:38 - Ya Baru nga Tulag

³⁸ Ket kinunen ngarud nito lalaki, “Ay, mamati yac ngarudin, Apu!” kunen na, ket nagparintumeng nga nagdaydayaw e̍ Je̍susin.

Juan 9:38 Iomraidhean Croise

Matyu 14:33

Ket dito adalan na nga uwed ito bangka, nagdaydayaw da ngarud e̍ Je̍sus, nga kinunen da, “Pudnu met nga ikew ya Anac ne̍ Apu Diyus!” kunen da.

Matyu 28:17

Ket ito nasingen da nge̍ Je̍sus antuni, nagparintumeng da ngarud nga nagdaydayaw igina. Ngem uwed da met duduma igida nga nagduwaduwa pekkem.

Matyu 28:9

Ket ito uwed dito babey ito dalanin, uwed met iyanin nge̍ Je̍sus nga simabet igida. Ket kinablaawan na da. Ket imadenni da ngarud e̍ Je̍sus, nga nagparintumeng da nga nicman da diya saka na, ket nagdaydayaw da igina.

Matyu 8:2

Ket itun, uwed isa nga lalaki nga nakutel nga nawe̍ iya edyan ne̍ Je̍sus. Nagparintumeng met nga sidadayaw iya sangu ne̍ Je̍sus, nga kinunen na, “Apu, emmuc nga mapalaing nac met, no gabay mu,” kunen na.

Lukas 24:52

Ket nagdaydayaw da ngarudin igina, se̍ da simoli ka He̍rusale̍m nga siaanggem nga unay.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 9:39

Ket kinunen ne̍ Je̍sus, “Inumbe̍t tac idi nga lubung, nga manglinteg kadiya toltoley, tasun makasingen kuma diya maiyarig ka kulap, se̍ tasun diya agkunen nga makasingen da, igida nga gennung ya agbalin nga arig nga kulapin,” kunen na.