Juan 9:35 - Ya Baru nga Tulag

³⁵ Ket nadamag ne̍ Je̍sus nga nailaskigin to nalaingan nga kulap ito gigimungan. Itu nga nawe̍ na sinapul. Ket ito nasmac na, kinunen ne̍ Je̍sus igina, “Mamati ka kadi iya Anac nga Naipatoley?” kunen na.

Juan 9:35 Iomraidhean Croise

Matyu 14:33

Ket dito adalan na nga uwed ito bangka, nagdaydayaw da ngarud e̍ Je̍sus, nga kinunen da, “Pudnu met nga ikew ya Anac ne̍ Apu Diyus!” kunen da.

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Matyu 4:3

Ket imadenni to mangsulisug, ket kinunen na e̍ Je̍sus, “No tutu nga Anac naka nge̍ Apu Diyus, bilinem man didi nga batu nga agbalin da nga tinapay,” kunen na.

Markus 1:1

Agten idi to pangrugiyan niya Makaparagsac nga Damag maipanggep e̍ Je̍su Kristu nga Anac ne̍ Apu Diyus.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:34

Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 11:27

Ket kinunen ngarud ne̍ Marta igina, “Bo, Apu. Patiyec ngarud nga ikew nga tutu ya Kristu nga Anac ne̍ Apu Diyus, nga naipadtu nga umbe̍t idi nga lubung,” kunen na.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Juan 5:14

Ket iya di nabayag, naaskuran ne̍ Je̍sus to lalaki enna Te̍mplu. Ket kinunen na ito lalaki, “Singem ket nalaingan kan! Ala! Isardeng mu ya panagbasbasul mu, tasun awan kuma dacdake̍c nga mapasamac nad ikew,” kunen na.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Juan 9:22

Agten iyan ya kinagi diya naganac igina, ta mansing da kadito pangpangulu diya Hudyu. Ta naemmuwan da ngamin nga nagtutulagan dito pangpangulu diya Hudyu itun, nga no uwed mamati nga e̍ Je̍sus ya Kristu, ket ilaskig da da kanu iya pannakigimung da iya gigimungan nga pagdaydayawan da.

Juan 9:34

Ket kinunen dito pangpangulu, “Ke̍he̍! Naiyanac ka met nga sibabasul! Dakami lugud aya ya isuru mun?” kunen da, se̍ da nilaskig ngarudin iya pannakigimung na iya gigimungan dan.

Aramid 8:36

Ket ito agluglugan da pekkem, uwed danum nga mataliban da. Ket kinunen nito upisyal, “Kad ya danum! Di ngarud nabaru no agpabautisar rac kun?” kunen na.

Aramid 8:37

[Ket kinunen ne̍ Pe̍lipe̍, “Mabalin a, no ipasnec mu was lugud ya mamati e̍ Je̍sus,” kunen na. Ket kinunen nito upisyal, “Bo, a. Pudnu nga mamati yac kun. Patiyec nga e̍ Je̍su Kristu, igina ya Anac ne̍ Apu Diyus,” kunen na.]

Aramid 9:20

Ket manipud itun, nawe̍ nangaskasaba kadiya gigimungan diya Hudyu iya maipanggep e̍ Je̍sus, nga nikaskasaba na ngarud nga Anac ne̍ Apu Diyus nge̍ Je̍sus.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Ruma 10:20

Ket to Isayas, nagtured pe̍ itun nga nangibaga iya kagi ne̍ Apu Diyus, nga kunen na, “Naaskuran dac kun diya bekken nga mangsapsapul iyaken. Nagpakaemmu wac kun kadiya bekken nga mangaw-awag iyaken,” kunen na.

1 Juan 4:15

Ket diya orey nagan na nga umannamung iya panursuru nga Anac ne̍ Apu Diyus nge̍ Je̍sus, laglagipen ne̍ Apu Diyus da, se̍ laglagipen da met pe̍ nge̍ Apu Diyus.

1 Juan 5:10

Dikad pe̍ ya toley nga mamati iya Anac ne̍ Apu Diyus, uwed mettas iya lemlemmet na ya pammanecnec maipanggep kadidi nin. Ngem ya madi mamati iya nipanecnec ne̍ Apu Diyus, arig nga kunen na nga agbusid nge̍ Apu Diyus, ta madi na patiyen ya nipanecnec ne̍ Apu Diyus maipanggep iya Anac na.

1 Juan 5:13

Isurat ku didi nga banag dakayu nga mamati iya kinaturay niya Anac ne̍ Apu Diyus, tasun maemmuwan nu nga uwed dakayun ya biyag nga agnanayun.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:5

Dikad pe̍ ya makaabac iya kinadake̍c iya lubung, awan sabali no di yas ya mamati nga e̍ Je̍sus ya Anac ne̍ Apu Diyus.

3 Juan 1:10

Itu nga no umbe̍t tac nad iyan, ipalawag ku dakayun diya dake̍c nga wangwanglen na, ta uwed met kagkagiyen na nga dake̍c maipanggep dakami. Ket bekken nas nga iyan ya wangwanglen na nga dake̍c, ta no uwed kabsat tida ka pammati nga dumagus iyan, madi na da met awaten. Ket no uwed dakayu diya mayat nga umawat igida, paritan na da met, se̍ na da met pe̍ laskigen iya bungguy mamati yin.