Juan 9:34 - Ya Baru nga Tulag

³⁴ Ket kinunen dito pangpangulu, “Ke̍he̍! Naiyanac ka met nga sibabasul! Dakami lugud aya ya isuru mun?” kunen da, se̍ da nilaskig ngarudin iya pannakigimung na iya gigimungan dan.

Juan 9:34 Iomraidhean Croise

Lukas 11:45

Ket iya agten iyan, uwed isa nga masirib iya Linteg nga nagkagi yin, nga kinunen na e̍ Je̍sus, “Mistru, no agten iyan ngarud ya panangdellaw mu, mairaman kami met pe̍ kadiya dellawem mun,” kunen na.

Lukas 14:11

Ta ya kinapudnu na, diya amin nga mangipadayaw iya beggi da, maipababa da nad met. Ngem ya agpakumbaba, maidayaw nad met nga gennung,” kunen na.

Lukas 18:17

Ket pudnu met nga diya orey nagan na nga madi paiturayan e̍ Apu Diyus, nga agten mettas iya panagpaituray niya ebbing, madi da mabalin ya maitipun kadiya iturayan ne̍ Apu Diyus,” kunen na.

Lukas 6:22

“Nagasat kayu met, orey no guraen dakayu diya toltoley, se̍ no isina dakayu winno amisen dakayu, winno umsiyen da ya kinaturay nu, gapu mettas iya panamati nu iya Anac nga Naipatoley.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 8:41

Ngem no dakayu, ket tultuladen nu ngarud ya gangey mettas niya ama nu,” kunen na. Ket kinunen da e̍ Je̍sus, “Ay! Kayat mu nga kagiyen aya nga bastardu kami? Is-isa met ya Ama mi, ket itu mettas nge̍ Apu Diyus,” kunen da.

Juan 9:2

Ket dito adalan ne̍ Je̍sus, nagsaludsud da nga kinunen da e̍ Je̍sus, “Mistru, nagan niya akin-basul iya kinakulap nidi nga toley? Igina, winno diya makin-anac igina?” kunen da.

Juan 9:22

Agten iyan ya kinagi diya naganac igina, ta mansing da kadito pangpangulu diya Hudyu. Ta naemmuwan da ngamin nga nagtutulagan dito pangpangulu diya Hudyu itun, nga no uwed mamati nga e̍ Je̍sus ya Kristu, ket ilaskig da da kanu iya pannakigimung da iya gigimungan nga pagdaydayawan da.

Juan 9:35

Ket nadamag ne̍ Je̍sus nga nailaskigin to nalaingan nga kulap ito gigimungan. Itu nga nawe̍ na sinapul. Ket ito nasmac na, kinunen ne̍ Je̍sus igina, “Mamati ka kadi iya Anac nga Naipatoley?” kunen na.

Juan 9:40

Ket uwed da pe̍ antuni diya duduma nga Parisiyu iya denni e̍ Je̍sus, ket nagicna da to kinagi na. Ket sinaludsud da igina, “Kayat mu kad nga kagiyen nga kulap kami pe̍?” kunen da.

1 Kurintu 5:13

E̍ Apu Diyus ngas met ya makin-rebbeng nga mangukum kadiya bekken tida nga kabulun ka pammati. Ngem dakayu met ya akin-rebbeng ito naisurat iya Bibliya nga kunen na, “Patalawen nun ya dake̍c nga toley nga makitiptipun dakayu,” kunen na.

Galasiya 2:15

Emmu nu met nga dakami nga Hudyu, naiyanac kami nga Hudyu. Bekken kami nga agten kadiya bekken nga Hudyu nga ibilang mi nga managbasbasul.

E̍pe̍su 2:3

Ket ya kinapudnu na, dactida nga amin, agten tida met pe̍ kadiyan itun. Diya kabucbukudan tida nga tarigagay met ya tinungtungpal tida itun, ta winangwangel tida ngas diya tinarigagayan diya beggi se̍ nakem tida. Ket gapu kadiyan nga gangey tida itun, sigud nga maikari tida ngas nga aglak-am iya unget ne̍ Apu Diyus, agten mettas kadiya duduma nga toltoley.

1 Pe̍dru 5:5

Ket dakayu nga naeb-ebbing nga lalaki, paiturayan kayu kuma kadiya lallakay. Se̍ dakayu nga amin, masapul nga napakumbaba kayu iya imatang niya tunggal isa dakayu. Ta laglagipen nu kuma ya kunen na iya Bibliya nga, “Kagura ne̍ Apu Diyus diya natangsit, ngem kaasiyan na diya napakumbaba,” kunen na.

3 Juan 1:10

Itu nga no umbe̍t tac nad iyan, ipalawag ku dakayun diya dake̍c nga wangwanglen na, ta uwed met kagkagiyen na nga dake̍c maipanggep dakami. Ket bekken nas nga iyan ya wangwanglen na nga dake̍c, ta no uwed kabsat tida ka pammati nga dumagus iyan, madi na da met awaten. Ket no uwed dakayu diya mayat nga umawat igida, paritan na da met, se̍ na da met pe̍ laskigen iya bungguy mamati yin.

3 Juan 1:9

Uwed nisurat ku itun iya bungguy mamati iyan nga edyan mu. Ngem e̍ Diyutre̍pe̍s, madi nac met nipangag. Madi na ngarud dayawen ya turay ku, ta gabgabay na met no igina ngas ya mangipangulu dakayu.

Paltiing 13:17

Ket madi makapaglaku winno makapagngina ya orey nagan na nga toley, no madi naimarka igina ya nagan nito nona nga nakan-ansing nga animal, winno ya nume̍ru nga kaibatugan niya nagan na.